1 Samuel 12:24

Ang Biblia 2011

Kahadloki lamang ang Ginoo ug alagari siya nga matinud-anon uban sa tibuok ninyong kasingkasing, kay hunahunaa kon unsa ka dako ang mga butang nga iyang gihimo alang kaninyo.

Cross References

2 Mga Hari 17:39

apan kahadloki ninyo ang Ginoo nga inyong Dios ug siya magluwas kaninyo gikan sa kamot sa tanan ninyong mga kaaway.”

Job 28:28

Ug siya miingon sa tawo, ‘Tan-awa, ang pagkahadlok sa Ginoo, kana kaalam; ug ang paglikay sa daotan pagpanabot.’ ”

Salmo 111:10

Ang pagkahadlok sa Ginoo mao ang sinugdanan sa kaalam; ang tanan nga nagbuhat niini adunay maayong salabotan! Ang pagdayeg kaniya molungtad hangtod sa kahangtoran!

Salmo 119:80

Mahingpit unta ang akong kasingkasing diha sa imong mga lagda, aron ako dili maulawan.

Exodo 12:13

Ang dugo mao unyay ilhanan alang kaninyo diha sa mga balay nga inyong gipuy-an. Ug kon makita nako ang dugo, mosaylo ako kaninyo ug walay katalagman nga moabot kaninyo sa diha nga hampakon nako ang Ehipto.

Mga Panultihon 1:7

Ang pagkahadlok sa Ginoo maoy sinugdan sa kahibalo; ang mga buangbuang nagtamay sa kaalam ug pahimangno.

Ecclesiastes 12:13

Kini mao ang kataposan sa maong butang; ang tanan nadungog na. Kahadloki ang Dios, ug tumana ang iyang mga sugo, kay kini mao ang tibuok nga katungdanan sa tawo.

Isaias 5:12

Aduna silay lira ug alpa, tambor, plawta ug bino sa ilang mga kasaulogan, apan wala nila panumbalinga ang mga buhat sa Ginoo o makita ang gihimo sa iyang mga kamot.

Juan 1:47

Ug nakita ni Jesus si Natanael nga nagpaingon kaniya ug miingon mahitungod kaniya, “Tan-awa, aniay usa ka tinuod nga Israelinhon nga diha kaniya walay pagpanglimbong!”

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Deuteronomio 10:21

Siya mao ang inyong pagdayeg ug siya mao ang inyong Dios nga nagbuhat alang kaninyo niining dagko ug makalilisang nga mga butang nga nakita sa inyong mga mata.

Deuteronomio 29:1

Kini mao ang mga pulong sa kasabotan nga gisugo sa Ginoo kang Moises aron himoon uban sa katawhan sa Israel didto sa yuta sa Moab, gawas sa kasabotan nga iyang gihimo uban kanila didto sa Horeb.

Deuteronomio 29:2

Ug gipatawag ni Moises ang tibuok Israel ug giingnan sila, “Kamo nakakita sa tanan nga gibuhat sa Ginoo sa atubangan sa inyong mga mata didto sa yuta sa Ehipto, ngadto sa Paraon ug sa tanan niyang mga ulipon ug sa tibuok niya nga yuta,

Mga Hebreo 12:29

kay ang atong Dios usa ka kalayo nga mag-ut-ot.

Josue 24:14

“Busa karon kahadloki ninyo ang Ginoo, ug alagari siya diha sa pagkamatinud-anon ug sa pagkamatinumanon. Isalikway ninyo ang mga dios nga gialagaran sa inyong mga ginikanan sa unahan sa Suba ug sa Ehipto ug alagari ang Ginoo.