1 Samuel 12:22

Ang Biblia 2011

Kay ang Ginoo dili motalikod sa iyang katawhan tungod sa iyang dakong ngalan kay nakapahimuot sa Ginoo ang paghimo kaninyo nga usa ka katawhan alang sa iyang kaugalingon.

Cross References

1 Mga Hari 6:13

Ug ako magpuyo uban sa mga anak ni Israel, ug dili nako biyaan ang akong katawhan nga Israel.”

1 Mga Hari 8:57

Mag-uban unta kanato ang Ginoo nga atong Dios ingon nga siya nag-uban sa atong katigulangan. Dili unta siya mobiya kanato o mosalikway kanato,

2 Mga Hari 14:27

Apan ang Ginoo wala moingon nga iyang papason ang ngalan sa Israel gikan sa langit, busa giluwas niya sila pinaagi sa kamot ni Jeroboam nga anak ni Joas.

2 Mga Hari 21:14

Unya isalikway nako ang salin sa akong panulundon, ug itugyan sila ngadto sa kamot sa ilang mga kaaway. Ug sila mahimong usa ka tukbonon ug usa ka inilog sa tanan nilang mga kaaway,

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

2 Cronicas 15:2

Siya migula aron sa pagsugat kang Asa ug miingon kaniya, “Pamatia ako, Asa, ug tibuok nga Juda ug Benjamin: Ang Ginoo nag-uban kaninyo, samtang kamo uban pa kaniya. Kon pangitaon ninyo siya, inyo siyang makit-an, apan kon isalikway ninyo siya, iya kamong isalikway.

Nehemias 9:17

Nagdumili sila sa pagsugot, ug wala maghunahuna sa mga katingalahan nga imong gihimo taliwala kanila, apan gipatikig nila ang ilang liog ug nagtudlo ug usa ka pangulo aron sa pagbalik ngadto sa ilang pagkaulipon sa Ehipto. Apan ikaw usa ka Dios nga andam sa pagpasaylo, mapuangoron ug maluluy-on, hinay sa pagkasuko ug madagayaon sa gugmang walay paglubad ug wala mobiya kanila.

Salmo 106:8

Bisan pa niana giluwas niya sila tungod ug alang sa iyang ngalan, aron iyang ikapadayag ang iyang dakong gahom.

Salmo 94:14

Kay ang Ginoo dili mosalikway sa iyang katawhan; dili siya mobiya sa iyang panulundon;

Exodo 32:12

Nganong moingon man ang mga Ehiptohanon, ‘Uban sa daotang tuyo gikuha niya sila aron patyon didto sa kabukiran ug aron puohon sila gikan sa nawong sa yuta?’ Talikdi ang kabangis sa imong kasuko ug usba ang imong hunahuna mahitungod sa kadaotan nga imong ipahamtang batok sa imong katawhan.

Isaias 37:35

Kay ako manalipod niining siyudara aron sa pagluwas niini, tungod sa akong kaugalingon ug tungod sa akong alagad nga si David.”

Isaias 41:17

Sa diha nga ang kabos ug nanginahanglan mangita ug tubig, ug walay tubig, ug ang ilang dila maughan tungod sa kauhaw, ako, ang Ginoo, magtubag kanila, ako, ang Dios sa Israel, dili motalikod kanila.

Isaias 42:16

Ako maggiya sa mga buta diha sa usa ka dalan nga wala nila mahibaloi, sa mga agianan nga wala nila mahibaloi giyahan nako sila. Ako maghimo sa kangitngit nga kahayag sa ilang atubangan, ug ang mga gansanggansangon nga mga dapit mapatag. Mao kining mga butanga ang akong buhaton, ug dili nako sila biyaan.

Isaias 43:25

“Ako, ako mao siya nga nagpala sa imong kalapasan tungod ug alang kanako, ug dili na nako hinumdoman ang imong mga sala.

Isaias 43:7

ang tanan nga gitawag pinaagi sa akong ngalan, nga akong gibuhat alang sa akong himaya, nga akong giumol ug gibuhat.”

Isaias 48:11

Tungod ug alang sa akong kaugalingon, tungod ug alang sa akong kaugalingon, gibuhat nako kini; kay unsaon man sa pagpasipala sa akong ngalan? Ang akong himaya dili nako ihatag ngadto sa lain.

Isaias 49:15

“Malimot ba ang usa ka babaye sa iyang masuso nga bata, nga dili siya magbaton ug kaluoy sa anak sa iyang taguangkan? Bisan kini sila makalimot, apan ako dili gayod malimot kanimo.

Isaias 63:8

Kay siya miingon, “Sa pagkatinuod, sila akong katawhan, mga anak nga dili manglimbong,” ug siya nahimo nga ilang Manluluwas.

Jeremias 14:21

Ayaw intawon kami ayri, tungod ug alang sa imong ngalan; ayaw pakaulawi ang imong mahimayaong trono; hinumdomi ug ayaw pakyasa ang imong kasabotan uban kanamo.

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Jeremias 14:9

Ngano nga sama man ikaw sa usa ka tawo nga nalibog, sama sa usa ka tawong kusgan nga dili makaluwas? Apan ikaw, O Ginoo, ania sa among taliwala, ug kami gitawag sa imong ngalan; ayaw kami biyai.”

Mga Pagbangotan 5:20

Nganong nalimot man ikaw kanamo sa dayon, nganong gipasagdan man nimo kami sa dugayng panahon?

Ezequiel 20:14

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, nga diha sa ilang panan-aw gipagula nako sila.

Ezequiel 20:9

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, diin sila nagpuyo, nga diha sa ilang panan-aw gipaila nako kanila ang akong kaugalingon pinaagi sa pagdala kanila gawas sa yuta sa Ehipto.

Malaquias 1:2

“Gihigugma ko kamo,” nag-ingon ang Ginoo. Apan kamo miingon, “Sa unsang paagi nga ikaw nahigugma kanamo?” “Dili ba si Esau igsoon man ni Jacob?” nag-ingon ang Ginoo. “Apan bisan pa niana akong gihigugma si Jacob,

Mateo 11:26

Oo, Amahan, kay kini mao man ang imong gikahimut-an.

Juan 15:16

Kamo wala magpili kanako apan ako ang nagpili kaninyo ug nagtahas kaninyo aron manglakaw kamo ug mamunga ug bunga nga molungtad, aron nga ang bisan unsa nga inyong pangayoon gikan sa Amahan pinaagi sa akong ngalan, ihatag kaninyo.

Roma 11:1

Busa mangutana ako, gisalikway ba sa Dios ang iyang katawhan? Wala gayod! Ako mismo usa ka Israelinhon, kaliwat ni Abraham, sakop sa banay ni Benjamin.

Roma 11:29

Kay ang mga gasa ug ang pagtawag gikan sa Dios dili mabakwi.

1 Mga Taga-Corinto 4:7

Kay kinsa bay naghimo kanimo nga lahi? Ug unsa bay anaa kanimo nga wala nimo madawat? Ug kon ikaw nakadawat, nganong manghambog man ikaw nga daw wala makadawat?

Mga Taga-Efeso 1:12

aron kami nga mga unang milaom kang Cristo magkinabuhi alang sa pagdayeg sa iyang himaya.

Mga Taga-Efeso 1:6

aron dayegon ang iyang mahimayaong grasya nga sa walay bayad iyang gihatag kanato pinaagi sa Pinalangga.

Deuteronomio 14:2

Kay kamo usa ka katawhan nga balaan ngadto sa Ginoo nga inyong Dios ug ang Ginoo nagpili kaninyo aron mahimo nga usa ka katawhan alang sa iyang kaugalingong pagpanag-iya gikan sa tanan nga mga katawhan nga anaa sa ibabaw sa nawong sa yuta.

Deuteronomio 31:17

Unya ang akong kapungot mosilaob batok kanila nianang adlawa ug ako mobiya kanila, ug tagoon nako ang akong nawong gikan kanila ug mangalaglag sila. Ug daghang kadaotan ug mga kagul-anan ang moabot kanila nga tungod niana moingon sila nianang adlawa, ‘Dili ba nga miabot kanato kining kadaotan tungod kay ang atong Dios wala mag-uban kanato?’

Deuteronomio 31:6

Pagmalig-on kamo ug pagmadasigon. Ayaw kamo kahadlok ug ayaw kamo kalisang kanila kay ang Ginoo nga inyong Dios mao ang mag-uban kaninyo, dili siya mopakyas kaninyo o mobiya kaninyo.”

Deuteronomio 31:8

Ug ang Ginoo mao ang mag-una kanimo. Siya mag-uban kanimo, dili ikaw niya pakyason o biyaan. Ayaw kahadlok o kaluya.”

Deuteronomio 7:6

“Kay kamo katawhan nga balaan ngadto sa Ginoo nga inyong Dios; ang Ginoo nga inyong Dios nagpili kaninyo aron mahimong usa ka katawhan nga iyang panag-iyahon gikan sa tanang mga katawhan nga anaa sa yuta.

Deuteronomio 9:5

Dili tungod sa inyong pagkamatarong o sa pagkaligdong sa inyong kasingkasing nga makasulod kamo aron sa pagpanag-iya sa ilang yuta, kondili tungod sa pagkadaotan niining mga nasod nga ang Ginoo nga inyong Dios naghingilin kanila gikan sa inyong atubangan ug nga aron mapamatud-an niya ang pulong nga gipanumpa sa Ginoo sa inyong katigulangan, kang Abraham, kang Isaac ug kang Jacob.

Mga Taga-Filipos 1:6

Ug ako masaligon nga siya nga nagsugod ug maayong buhat diha kaninyo maghingpit niini hangtod sa adlaw ni Jesu-Cristo.

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

Josue 7:9

Kay ang mga Canaanhon ug ang tanang mga nagpuyo sa yuta makadungog niini ug maglibot unya kanamo ug papason ang among ngalan gikan sa yuta. Ug unsa na may imong buhaton sa imong gamhanan nga ngalan?”

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.