1 Samuel 12:20

Ang Biblia 2011

Ug si Samuel miingon sa katawhan, “Ayaw kahadlok, kamo naghimo niining tanang sala apan ayaw kamo pagbiya sa Ginoo, hinuon pag-alagad kamo sa Ginoo sa tibuok ninyong kasingkasing.

Cross References

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

Salmo 101:3

Dili nako ibutang sa atubangan sa akong mga mata ang bisan unsa nga daotan. Gidumtan nako ang buhat niadtong mga nahisalaag, kini dili motapot kanako.

Salmo 125:5

Apan kadtong mga mitipas ngadto sa ilang mga dalan nga hiwi, ang Ginoo maghingilin uban sa mga tigbuhat ug daotan! Ang kalinaw maanaa unta sa Israel!

Salmo 40:4

Bulahan ang tawo nga naghimo sa Ginoo nga iyang pagsalig, nga dili magtagad sa mga mapahitas-on, bisan sa mga nahisalaag sa pagsunod sa mga diosdios.

Exodo 23:25

Kinahanglan nga mag-alagad kamo sa Ginoo nga inyong Dios ug ako magpanalangin sa inyong pan ug sa inyong tubig ug kuhaon nako ang sakit gikan kaninyo.

Exodo 32:30

Sa pagkasunod adlaw, si Moises miingon sa katawhan, “Nakasala kamo ug usa ka dakong sala ug karon motungas ako ngadto sa Ginoo; basin ug makahimo ako ug pagtabon sa sala alang sa inyong mga sala.”

Jeremias 3:1

“Kon ang usa ka lalaki makigbulag sa iyang asawa ug kini mobiya kaniya ug mahimong asawa sa laing lalaki, mobalik ba siya niini? Dili ba kanang yutaa mahugaw pag-ayo? Ikaw nakighilawas uban sa daghang mga hinigugma; ug mobalik ba ikaw kanako? nag-ingon ang Ginoo.

Hageo 2:5

sumala sa saad nga akong gihimo kaninyo sa diha nga migula kamo gikan sa Ehipto. Ang akong Espiritu magpabilin diha sa taliwala ninyo; ayaw kamo kahadlok.

Deuteronomio 10:12

“Ug karon, Israel, unsa ang gikinahanglan kanimo sa Ginoo nga imong Dios kondili ang pagkahadlok sa Ginoo nga imong Dios, ang paglakaw diha sa tanan niyang mga dalan, ug ang paghigugma kaniya, ug ang pag-alagad sa Ginoo nga imong Dios sa tibuok nimong kasingkasing ug sa tibuok nimong kalag,

Deuteronomio 11:16

Pagbantay kamo kay tingali unya ug ang inyong kasingkasing malingla ug motipas kamo ug mag-alagad ug lain nga mga dios ug magsimba kanila.

Deuteronomio 31:29

Kay nahibalo ako nga human sa akong kamatayon magbuhat gayod kamo ug daotan ug motipas kamo sa dalan nga akong gisugo kaninyo. Ug moabot kaninyo ang daotan sa umaabot nga mga adlaw tungod kay buhaton ninyo ang daotan diha sa panan-aw sa Ginoo, sa pagpasuko kaniya tungod sa buhat sa inyong mga kamot.”

Josue 23:6

Busa pagmalahutayon kamo sa pagtuman sa pagbuhat sa tanan nga nasulat sa basahon sa Balaod ni Moises, nga dili kamo motipas ngadto sa tuo o sa wala

1 Pedro 3:16

Hinuon buhata ninyo kini uban sa kalumo ug pagtahod, ug pagbaton kamo ug hinlo nga tanlag aron nga sa dihang magsulti sila ug daotan kaninyo, maulawan hinuon sila nga nagbugalbugal sa inyong maayong kagawian diha kang Cristo.

1 Samuel 12:19

Ang tibuok katawhan miingon kang Samuel, “Pag-ampo alang sa imong mga sulugoon ngadto sa Ginoo nga imong Dios aron kami dili mamatay kay nagdugang kami sa tanan namong mga sala niining kadaotan sa pagpangayo alang sa among kaugalingon ug usa ka hari.”