1 Samuel 12:14

Ang Biblia 2011

Kon kamo mahadlok sa Ginoo ug mag-alagad kaniya ug mamati sa iyang tingog ug dili mosupil sa sugo sa Ginoo, ug kon kamo ug ang hari usab nga mangulo ibabaw kaninyo mosunod sa Ginoo nga inyong Dios, mamaayo ang inyong kahimtang.

Cross References

2 Cronicas 15:2

Siya migula aron sa pagsugat kang Asa ug miingon kaniya, “Pamatia ako, Asa, ug tibuok nga Juda ug Benjamin: Ang Ginoo nag-uban kaninyo, samtang kamo uban pa kaniya. Kon pangitaon ninyo siya, inyo siyang makit-an, apan kon isalikway ninyo siya, iya kamong isalikway.

Salmo 105:28

Gipadala niya ang kangiob ug gihimong ngitngit ang yuta; sila misupil sa iyang mga pulong.

Isaias 3:10

Suginli ang mga matarong nga kini maayo alang kanila, kay sila makakaon sa bunga sa ilang binuhatan.

Mga Pagbangotan 1:18

“Ang Ginoo anaa sa matarong kay ako misukol batok sa iyang pulong; apan pamati, kamong tanan nga katawhan, ug sud-onga ang akong kasubo; ang akong mga ulay ug ang akong mga batan-ong lalaki nahimong mga binihag.

Roma 2:7

kinabuhing dayon alang niadtong nangita sa himaya ug sa kadungganan ug sa pagkadili madunoton pinaagi sa paglahutay diha sa maayong buhat,

Deuteronomio 13:5

Apan ang maong propeta o ang maong tighubad sa mga damgo kinahanglang patyon tungod kay siya nagtudlo ug pagsukol batok sa Ginoo nga inyong Dios nga nagkuha kaninyo gikan sa yuta sa Ehipto ug naglukat kaninyo gikan sa balay sa kaulipnan, aron sa pagpabiya kaninyo sa dalan nga gipalaktan kaninyo sa Ginoo nga inyong Dios. Busa puoha ninyo ang daotan gikan sa inyong taliwala.

Josue 24:14

“Busa karon kahadloki ninyo ang Ginoo, ug alagari siya diha sa pagkamatinud-anon ug sa pagkamatinumanon. Isalikway ninyo ang mga dios nga gialagaran sa inyong mga ginikanan sa unahan sa Suba ug sa Ehipto ug alagari ang Ginoo.

Josue 24:20

Kon kamo mobiya sa Ginoo ug moalagad ug laing mga dios, siya motalikod ug magbuhat kaninyo ug daotan ug mopuo kaninyo human makabuhat kaninyo ug maayo.”