1 Samuel 12:13

Ang Biblia 2011

Tan-awa ang hari nga inyong gipili, nga inyong gipangayo, tan-awa, ang Ginoo nagbutang ug usa ka hari ibabaw kaninyo.

Cross References

Oseas 13:11

Gihatagan ko ikaw ug hari diha sa akong kasuko ug siya gikuha nako diha sa akong kaligutgot.

Mga Buhat 13:21

Unya nangayo sila ug hari ug ang Dios mihatag kanila kang Saul nga anak ni Kish, usa ka tawo sa banay ni Benjamin, sulod sa 40 ka tuig.

1 Samuel 10:24

Ug si Samuel miingon sa tanang katawhan, “Nakita ba ninyo ang tawo nga gipili sa Ginoo? Walay sama kaniya taliwala sa tibuok katawhan.” Ug ang tibuok katawhan naninggit, “Mabuhi ang hari!”

1 Samuel 11:15

Busa ang tanang katawhan nangadto sa Gilgal ug didto gihimo nila si Saul nga hari sa atubangan sa Ginoo didto sa Gilgal. Naghalad sila didto ug mga halad sa pakigdait sa atubangan sa Ginoo ug didto si Saul ug ang tanang mga tawo sa Israel naglipay sa hilabihan gayod.

1 Samuel 12:17

Dili ba ting-ani sa trigo karong adlawa? Ako motawag sa Ginoo aron siya magpadala ug dalugdog ug ulan, ug kamo mahibalo ug makakita nga ang inyong pagkadaotan dako kaayo, nga inyong gihimo diha sa panan-aw sa Ginoo, sa pagpangayo ug usa ka hari alang sa inyong kaugalingon.”

1 Samuel 12:19

Ang tibuok katawhan miingon kang Samuel, “Pag-ampo alang sa imong mga sulugoon ngadto sa Ginoo nga imong Dios aron kami dili mamatay kay nagdugang kami sa tanan namong mga sala niining kadaotan sa pagpangayo alang sa among kaugalingon ug usa ka hari.”

1 Samuel 8:5

ug sila miingon kaniya, “Ikaw tigulang na ug ang imong mga anak wala mosubay sa imong mga pamaagi. Busa pagpili alang kanamo ug usa ka hari nga maoy mangulo kanamo sama sa ubang mga nasod.”

1 Samuel 9:20

Mahitungod sa imong mga asno nga nawala tulo ka adlaw na karon ang nakalabay, ayaw na silag hunahunaa kay nakit-an na sila. Ug kang kinsa ba natumong ang tanan nga gitinguha sa Israel? Dili ba diha kanimo ug sa tibuok panimalay sa imong amahan?”