1 Samuel 12:12

Ang Biblia 2011

Sa diha nga inyong nakita nga si Nahas nga hari sa mga Amonihanon mianhi batok kaninyo, kamo miingon kanako, ‘Dili, apan usa ka hari ang maghari ibabaw kanamo,’ sa diha nga ang Ginoo nga inyong Dios mao ang inyong hari.

Cross References

Genesis 17:7

Ug himoon nako ang akong kasabotan tali kanako ug kanimo ug sa imong mga kaliwat sunod kanimo sa tanan nilang kaliwatan alang sa usa ka kasabotan nga dayon aron ako mahimong Dios nganha kanimo ug sa imong kaliwatan sunod kanimo.

Salmo 74:12

Apan ang Dios nga akong Hari gikan pa sa kakaraanan, naghimo sa kaluwasan diha sa taliwala sa yuta.

Isaias 33:22

Kay ang Ginoo mao ang atong maghuhukom, ang Ginoo mao ang atong tigmando, ang Ginoo mao ang atong hari, siya magluwas kanato.

Jeremias 40:11

Ug usab, sa diha nga ang tanang mga Judio nga didto sa Moab ug uban sa mga Amonihanon ug didto sa Edom ug sa laing mga kayutaan nakadungog nga ang hari sa Babilonia nagbilin ug salin sa Juda ug nagtudlo kang Gedalias nga anak ni Ahikam nga anak ni Safan ingon nga ilang gobernador,

Oseas 13:10

Hain man karon ang imong hari, aron sa pagluwas kanimo. Hain man ang imong mga pangulo sa tanan nimong mga siyudad, sila nga mahitungod kanila ikaw nag-ingon, “Hatagi ako ug usa ka hari ug mga pangulo”?

Numeros 23:21

Siya wala makakita ug kadaotan diha kang Jacob; o makakaplag ug kasamok diha sa Israel. Ang Ginoo nga ilang Dios nag-uban kanila, ug ang singgit sa usa ka hari anaa sa taliwala kanila.

Mga Maghuhukom 8:23

Si Gideon miingon kanila, “Dili ako maghari kaninyo, ug ang akong anak dili maghari kaninyo. Ang Ginoo ang maghari kaninyo.”

Mga Maghuhukom 9:18

Apan kamo misukol batok sa balay sa akong amahan niining adlawa ug mipatay sa iyang mga anak nga lalaki, 70 ka tawo ibabaw sa usa ka bato ug naghimo kang Abimelek nga anak sa iyang sulugoon nga babaye ingon nga hari ibabaw sa mga tawo sa Sekem, tungod kay siya inyong kadugo.

1 Samuel 10:19

Apan kamo niining adlawa nagsalikway sa inyong Dios nga nagluwas kaninyo gikan sa tanan ninyong katalagman ug sa inyong kasakit, ug kamo nagsulti kaniya, ‘Dili! pagbutang hinuon ug usa ka hari ibabaw kanamo.’ Busa karon ipakita ang inyong kaugalingon ngadto sa Ginoo pinaagi sa inyong mga banay ug sa inyong mga linibo.”

1 Samuel 8:3

Apan ang iyang mga anak wala mosubay sa iyang mga pamaagi, kondili misimang ngadto sa pagpanapi. Nanawat sila ug suborno ug nagtuis sa hustisya.