1 Samuel 11:6

Ang Biblia 2011

Ug ang Espiritu sa Dios miabot nga puno sa gahom diha kang Saul sa pagkadungog niya niadtong mga pulonga ug ang iyang kasuko misilaob sa hilabihan gayod.

Cross References

Exodo 32:19

Ug sa dihang nagkaduol siya sa kampo ug nakita niya ang nating baka ug ang mga pagsayaw, misilaob ang kasuko ni Moises, ug gisalibay niya ang mga papan gikan sa iyang mga kamot ug nadugmok kini sa tiilan sa bukid.

Numeros 12:3

Karon ang tawo nga si Moises mapaubsanon kaayo, labaw kay sa tanang mga tawo sa ibabaw sa yuta.

Marcos 3:5

Sa gilibot niya ug sud-ong sila uban ang kasuko, nasubo tungod sa kagahi nila ug kasingkasing, miingon siya sa tawo, “Ituy-od ang imong kamot.” Gituy-od niya kini ug ang iyang kamot naulian.

Mga Taga-Efeso 4:26

Kasuko kamo apan ayaw pagpakasala tungod niini, ayaw pasalopi sa adlaw ang inyong kasuko,

Mga Maghuhukom 11:29

Unya ang Espiritu sa Ginoo mikunsad kang Jefta ug miagi siya sa Gilead ug Manases ug miagi sa Mispa sa Gilead, ug gikan sa Mispa sa Gilead, miagi siya ngadto sa mga Amonihanon.

Mga Maghuhukom 13:25

Ug ang Espiritu sa Ginoo nagsugod sa paglihok kaniya didto sa Mahane-dan, sa taliwala sa Zora ug Estaol.

Mga Maghuhukom 14:6

Ug ang Espiritu sa Ginoo mikunsad kaniya nga may gahom ug gikuniskunis niya kini sama nga nagkuniskunis ug sa usa ka nating kanding, ug siya walay bisan unsa sa iyang kamot. Apan wala niya suginli ang iyang amahan o ang iyang inahan sa iyang gibuhat.

Mga Maghuhukom 15:14

Pag-abot niya sa Lehi, ang mga Filistihanon nangabot nga naninggit sa pagsugat kaniya ug ang Espiritu sa Ginoo mikunsad nga may gahom diha kaniya ug ang mga pisi nga diha sa iyang bukton nahimo nga sama sa lino nga nasunog sa kalayo ug ang iyang mga gapos nangatangtang gikan sa iyang mga kamot.

Mga Maghuhukom 3:10

Ug ang Espiritu sa Ginoo mikunsad kaniya ug siya nahimong maghuhukom sa Israel. Siya miadto sa pagpakiggubat ug ang Ginoo nagtugyan kang Cusan-risataim nga hari sa Mesopotamia ngadto sa iyang kamot ug ang iyang kamot midaog batok kang Cusan-risataim.

Mga Maghuhukom 6:34

Apan ang espiritu sa Ginoo mikunsad kang Gideon ug iyang gipatingog ang trumpeta ug ang mga kaliwat ni Abieser gitawag aron sa pagsunod kaniya.

1 Samuel 10:10

Sa pag-abot nila sa Gibea, dihay usa ka panon sa mga propeta nga misugat kaniya, ug ang Espiritu sa Dios miabot kaniya nga puno sa gahom ug siya nagpropesiya uban kanila.

1 Samuel 10:6

Unya ang Espiritu sa Ginoo moabot kanimo nga puno sa gahom ug ikaw magpropesiya uban kanila ug mahimo ikaw nga lahi nga tawo.

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.

1 Samuel 16:14

Unya ang Espiritu sa Ginoo mibulag gikan kang Saul ug usa ka daotan nga espiritu gikan sa Ginoo nagsakit kaniya.