1 Samuel 11:4

Ang Biblia 2011

Sa diha nga ang mga sinugo miabot kang Saul didto sa Gibea, ilang gipahibalo ang mga gikauyonan ngadto sa igdulungog sa katawhan ug ang tibuok katawhan nanghilak ug kusog.

Cross References

Genesis 27:38

Si Esau miingon sa iyang amahan, “Usa ra ba gayod ang imong panalangin, amahan ko? Panalangini ako, ako usab, amahan ko.” Ug gipatugbaw ni Esau ang iyang tingog ug siya mihilak.

2 Samuel 21:6

itugot nga ang pito sa iyang mga anak nga lalaki itugyan kanamo ug sila among bitayon alang sa Ginoo didto sa Gibea ni Saul, ang pinili sa Ginoo.” Ug ang hari miingon, “Itugyan nako sila.”

1 Cronicas 12:3

Ang pangulo mao si Ahieser unya si Joas, mga anak ni Semaa nga taga-Gibea; si Jesiel usab ug si Pelet nga mga anak ni Asmavet; si Beraca, si Jehu nga taga-Anatot,

Roma 12:15

Paglipay kamo duyog sa mga nalipay, hilak duyog sa mga nanghilak.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.

Mga Taga-Galacia 6:2

Pagyayongay kamo sa mga kabug-at sa usa ug usa, ug sa ingon niana matuman ninyo ang balaod ni Cristo.

Mga Hebreo 13:3

Hinumdomi ninyo sila nga anaa sa bilanggoan, ingon nga daw nabilanggo usab kamo uban kanila, ug sila usab nga gidagmalan, kay kamo anaa man usab sa lawas.

Mga Maghuhukom 2:4

Sa diha nga ang anghel sa Ginoo misulti niining mga pulonga ngadto sa tanang katawhan sa Israel ang katawhan mipatugbaw sa ilang mga tingog ug nanghilak.

Mga Maghuhukom 20:23

Ug ang katawhan sa Israel nangadto ug nanghilak sa atubangan sa Ginoo hangtod sa pagkagabii ug sila nangutana sa Ginoo, “Makig-away ba kami pag-usab batok sa among kaigsoonan nga mga kaliwat ni Benjamin?” Ug ang Ginoo miingon, “Pangadto kamo batok kanila.”

Mga Maghuhukom 20:26

Unya ang tanang katawhan sa Israel, ang tibuok nga kasundalohan, nanungas ug nangadto sa Betel ug nanghilak. Nanglingkod sila didto sa atubangan sa Ginoo ug nagpuasa niadtong adlawa hangtod sa pagkagabii ug naghalad ug mga halad nga sunogon ug mga halad sa pakigdait sa atubangan sa Ginoo.

Mga Maghuhukom 21:2

Ug ang katawhan miadto sa Betel ug nanglingkod didto hangtod sa pagkagabii sa atubangan sa Dios ug gipatugbaw nila ang ilang mga tingog ug nanghilak sa hilabihang kapait.

1 Samuel 10:26

Si Saul usab miadto sa iyang balay didto sa Gibea, ug miuban kaniya ang panon sa mga manggugubat nga ang mga kasingkasing gitandog sa Dios.

1 Samuel 14:2

Si Saul nagpabilin sa mga hilit nga dapit sa Gibea ilalom sa kahoy nga granada nga anaa sa Migron ug ang katawhan nga uban kaniya mga unom ka gatos ka tawo.

1 Samuel 15:34

Unya si Samuel miadto sa Rama ug si Saul mitungas ngadto sa iyang balay didto sa Gibea ni Saul.

1 Samuel 30:4

Unya si David ug ang katawhan nga diha uban kaniya mipatugbaw sa ilang tingog ug nanghilak, hangtod nga wala na silay kusog sa paghilak.