1 Samuel 11:13

Ang Biblia 2011

Apan si Saul miingon, “Walay usa ka tawo nga patyon niining adlawa kay karong adlawa ang Ginoo naghimo ug kaluwasan sa Israel.”

Cross References

2 Samuel 19:22

Apan si David miingon, “Unsay labot nako kaninyo, kamong mga anak ni Zeruia, nga kamo niining adlawa mga kabatok nako? Kinahanglan ba nga adunay patyon niining adlawa sa Israel? Kay wala ba ako mahibalo nga ako niining adlawa hari sa Israel?”

2 Samuel 19:23

Ug ang hari miingon kang Simei, “Ikaw dili mamatay.” Ug ang hari nanumpa kaniya.

2 Samuel 23:10

Siya mitindog ug gipanigbas ang mga Filistihanon hangtod nga ang iyang kamot naluya, ug ang iyang kamot mitapot sa espada ug ang Ginoo naghimo ug usa ka dakong pagdaog niadtong adlawa ug ang katawhan namalik aron lamang manguha ug kasangkapan sa mga nangamatay.

Exodo 14:13

Ug si Moises miingon sa katawhan, “Ayaw kamo kahadlok, barog nga lig-on, ug tan-awa ninyo ang kaluwasan sa Ginoo nga iyang buhaton karon kaninyo. Kay ang mga Ehiptohanon nga inyong nakita karon, dili na gayod ninyo makita pag-usab.

Exodo 14:30

Sa ingon niana giluwas sa Ginoo ang Israel niadtong adlawa gikan sa kamot sa mga Ehiptohanon ug nakita sa Israel ang mga Ehiptohanon nga mga patay na diha sa baybayon sa dagat.

Isaias 59:16

Siya nakakita nga walay bisan usa, ug nahibulong nga walay nagpataliwala; busa ang iyang kaugalingon nga bukton nagdala ug kaluwasan kaniya, ug ang iyang pagkamatarong mao ang naglig-on kaniya.

1 Mga Taga-Corinto 15:10

Apan pinaagi sa grasya sa Dios ako mao ako karon, ug ang grasya niya alang kanako wala mapakyas. Apan, ako nakabuhat ug labaw pa kay kang bisan kinsa kanila, hinuon dili ako kondili ang grasya sa Dios nga ania uban kanako.

1 Samuel 10:27

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.

1 Samuel 14:45

Unya ang katawhan miingon kang Saul, “Mamatay ba gayod si Jonatan nga naghimo niining dakong kadaogan sa Israel? Ipahilayo kana. Ingon nga buhi ang Ginoo, walay usa ka lugas nga buhok sa iyang ulo nga matagak sa yuta kay siya nagbuhat uban sa Dios niining adlawa.” Busa ang katawhan milukat kang Jonatan, mao nga wala siya mamatay.

1 Samuel 19:5

Kay gibutang niya ang iyang kinabuhi diha sa iyang kamot ug gipatay ang Filistihanon, ug ang Ginoo naghimo ug usa ka dakong kadaogan sa tibuok Israel. Ikaw nakakita niana ug nalipay. Ngano nga magpakasala man ikaw batok sa dugo sa walay sala pinaagi sa pagpatay kang David sa walay hinungdan?”