1 Samuel 11:11

Ang Biblia 2011

Ug pagkaugma, si Saul nagbahin sa katawhan sa tulo ka panon ug miadto sila ngadto sa taliwala sa kampo panahon sa pagbantay sa kabuntagon ug gipamatay ang mga Amonihanon hangtod sa pag-init sa adlaw. Ug kadtong wala mamatay nagkatibulaag ug walay bisan duha kanila nga nahibilin nga nagkuyog.

Cross References

Genesis 22:14

Busa ginganlan ni Abraham kadtong dapita nga “Ang Ginoo mag-andam”, ingon nga kini gisulti hangtod karon, “Sa bungtod sa Ginoo kini ihatag.”

2 Samuel 18:2

Ug gipadala ni David ang kasundalohan, ang ikatulo nga bahin ubos sa pagmando ni Joab; ang usa sa ikatulo nga bahin ubos sa pagmando ni Abisai nga anak ni Zeruia ug igsoon ni Joab; ug ang usa sa ikatulo nga bahin, ubos sa pagmando ni Itai nga Gitihanon. Ug ang hari miingon sa mga tawo, “Ako usab mouban gayod kaninyo.”

Salmo 46:1

Ang Dios mao ang atong dalangpanan ug kusog, dali nga katabang diha sa kalisdanan.

Exodo 14:24

Sa pagkabuntag, gitan-aw sa Ginoo ang panon sa mga Ehiptohanon gikan sa haligi nga kalayo ug sa panganod, ug gigubot niya ang kasundalohan nga Ehiptohanon.

Mateo 7:2

Kay ang hukom nga inyong ipakanaog mao usab ang ihukom kaninyo, ug ang takos nga inyong ihatag mao usab ang takos nga inyong madawat.

Santiago 2:13

Kay ang hukom walay kaluoy alang sa tawo nga wala magpakita ug kaluoy, apan ang kaluoy modaog batok sa hukom.

Mga Maghuhukom 1:7

Si Adonibezek miingon, “70 ka hari nga gipamutlan sa ilang mga kumagko sa kamot ug sa tiil ang namunit ug mumho sa ilalom sa akong lamisa. Sumala sa akong nabuhat, mao usab ang gipaningil sa Dios kanako.” Ug siya gidala nila sa Jerusalem ug namatay siya didto.

Mga Maghuhukom 4:16

Apan gigukod ni Barak ang mga karwahi ug ang mga kasundalohan ngadto sa Haroset-hagoyim. Ug ang tanang kasundalohan ni Sisera napukan pinaagi sa sulab sa espada, walay usa ka tawo nga nahibilin.

Mga Maghuhukom 7:16

Ug gibahin niya ang tulo ka gatos ka tawo sa tulo ka pundok ug gibutang niya diha sa mga kamot nilang tanan ang mga trumpeta ug ang mga tibod nga walay sulod nga may mga sulo sa sulod sa mga tibod.

Mga Maghuhukom 7:20

Ug ang tulo ka panon mipatingog sa mga trumpeta ug ilang gibuak ang mga tibod, gibitbit ang mga sulo sa ilang wala nga mga kamot, ug ang mga trumpeta sa ilang tuo nga mga kamot aron sa pagpatingog niini. Ug sila misinggit, “Espada alang sa Ginoo ug kang Gideon!”

Mga Maghuhukom 9:43

Iyang gidala ang iyang mga tawo ug gibahin sila sa tulo ka panon ug nag-atang sa kapatagan. Ug mitan-aw siya ug nakita ang katawhan nga migula sa siyudad ug mitindog siya batok kanila ug gipamatay sila.

1 Samuel 11:2

Apan si Nahas nga Amonihanon miingon ngadto kanila, “Ako maghimo niining kasabotan uban kaninyo sa ingon lamang niini nga kauyonan, nga lugiton nako ang inyong tuong mata; kini makahatag ug kaulawan sa tibuok Israel.”

1 Samuel 14:47

Sa diha nga si Saul nakadawat na sa gingharian sa Israel, nakigbatok siya sa tanan niyang mga kaaway nga anaa sa matag kilid, batok sa Moab, batok sa mga Amonihanon, batok sa Edom, batok sa mga hari sa Zoba ug batok sa mga Filistihanon; bisan asa siya paingon, iyang gibutang sila sa pagkaalaot.