1 Samuel 10:6

Ang Biblia 2011

Unya ang Espiritu sa Ginoo moabot kanimo nga puno sa gahom ug ikaw magpropesiya uban kanila ug mahimo ikaw nga lahi nga tawo.

Cross References

Numeros 11:17

Unya ako mokunsad ug makigsulti kanimo didto, ug ako magkuha ug espiritu nga anaa kanimo, ug kini ibutang nako kanila ug sila magpas-an sa kabug-at sa katawhan uban kanimo aron dili ikaw magpas-an niini nga mag-inusara.

Numeros 11:25

Ug ang Ginoo mikunsad sa panganod ug misulti kaniya ug mikuha sa ubang espiritu nga anaa kaniya ug gibutang kini ngadto sa 70 ka kadagkoan. Ug sa diha na ang espiritu kanila, nagpropesiya sila apan wala sila mopadayon.

Numeros 11:26

Apan dihay duha ka tawo nga mipabilin sa kampo, ang ngalan sa usa mao si Eldad ug ang ngalan sa usa mao si Medad, ug ang espiritu mikunsad kanila, sila uban niadtong mga nalista apan sila wala mangadto sa Tolda hinuon sila nagpropesiya didto sa kampo.

Numeros 11:29

Apan si Moises mitubag kaniya, “Nasina ba ikaw alang kanako? Maayo unta kon ang tibuok nga katawhan sa Ginoo mga propeta pa, nga ibutang sa Ginoo ang iyang Espiritu diha kanila!”

Mateo 7:22

Daghan unya ang moingon kanako nianang adlawa, ‘Ginoo, Ginoo, dili ba nga sa imong ngalan nagpropesiya man kami ug sa imong ngalan kami naghingilin sa mga demonyo ug nga sa imong ngalan naghimo sa daghang mga milagro?’

Mga Maghuhukom 14:6

Ug ang Espiritu sa Ginoo mikunsad kaniya nga may gahom ug gikuniskunis niya kini sama nga nagkuniskunis ug sa usa ka nating kanding, ug siya walay bisan unsa sa iyang kamot. Apan wala niya suginli ang iyang amahan o ang iyang inahan sa iyang gibuhat.

Mga Maghuhukom 15:14

Pag-abot niya sa Lehi, ang mga Filistihanon nangabot nga naninggit sa pagsugat kaniya ug ang Espiritu sa Ginoo mikunsad nga may gahom diha kaniya ug ang mga pisi nga diha sa iyang bukton nahimo nga sama sa lino nga nasunog sa kalayo ug ang iyang mga gapos nangatangtang gikan sa iyang mga kamot.

Mga Maghuhukom 3:10

Ug ang Espiritu sa Ginoo mikunsad kaniya ug siya nahimong maghuhukom sa Israel. Siya miadto sa pagpakiggubat ug ang Ginoo nagtugyan kang Cusan-risataim nga hari sa Mesopotamia ngadto sa iyang kamot ug ang iyang kamot midaog batok kang Cusan-risataim.

1 Samuel 10:10

Sa pag-abot nila sa Gibea, dihay usa ka panon sa mga propeta nga misugat kaniya, ug ang Espiritu sa Dios miabot kaniya nga puno sa gahom ug siya nagpropesiya uban kanila.

1 Samuel 10:9

Unya sa pagtalikod ni Saul aron sa pagbiya kang Samuel, ang Dios naghatag kaniya ug lain nga kasingkasing ug kadtong tanan nga mga ilhanan nahitabo niadtong adlawa.

1 Samuel 11:6

Ug ang Espiritu sa Dios miabot nga puno sa gahom diha kang Saul sa pagkadungog niya niadtong mga pulonga ug ang iyang kasuko misilaob sa hilabihan gayod.

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.

1 Samuel 19:20

Unya si Saul nagpadala ug mga sinugo aron sa pagpakuha kang David, ug sa pagkakita nila sa panon sa mga propeta nga nagpropesiya ug kang Samuel nga nagtindog ingon nga ilang pangulo, ang Espiritu sa Dios miabot sa ibabaw sa mga sinugo ni Saul ug sila usab nagpropesiya.