1 Samuel 10:27

Ang Biblia 2011

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.

Cross References

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

2 Samuel 8:2

Iyang gibuntog ang Moab ug gisukod sila pinaagi sa pisi ug gipahigda sila sa yuta. Ang duha ka laray iyang gisukod aron patyon ug luwason niya ang usa ka laray. Ug ang mga Moabihanon nahimong mga sulugoon ni David ug naghatag ug buhis.

1 Mga Hari 10:25

Ug ang matag usa kanila nagdala sa iyang buhis, mga sudlanan nga plata ug bulawan, mga bisti, mga hinagiban, mga panakot, mga kabayo, mga mula, ug nagkadaghan kini matag tuig.

1 Mga Hari 4:21

Ug si Solomon naghari sa tanang mga gingharian gikan sa Euphrates ngadto sa yuta sa mga Filistihanon ug ngadto sa utlanan sa Ehipto. Sila nagdala ug buhis ug nag-alagad kang Solomon sa tanang mga adlaw sa iyang kinabuhi.

1 Mga Hari 5:1

Unya si Hiram, nga hari sa Tiro nagpadala sa iyang mga sulugoon ngadto kang Solomon, sa diha nga nakabalita siya nga sila nagdihog kaniya nga hari puli sa iyang amahan, kay si Hiram kanunay nga nahigugma kang David.

2 Cronicas 13:7

Ug didtoy mga daotang tawo nga mialirong kaniya ug misukol kang Rehoboam nga anak ni Solomon, sa diha nga si Rehoboam batan-on pa ug wala pay igong katakos ug dili makabuntog kanila.

2 Cronicas 17:5

Busa gilig-on sa Ginoo ang gingharian diha sa iyang kamot ug ang tibuok Juda nagbuhis ngadto kang Jehosafat ug siya nakabaton ug daghang mga bahandi ug kadungganan.

Salmo 38:13

Apan ako, sama sa tawong bungol, dili ako makadungog; sama sa usa ka amang nga dili magbuka sa iyang baba.

Salmo 72:10

Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!

Ecclesiastes 7:21

Ayaw patalinghogi ang tanang mga pulong nga gisulti sa mga tawo kay tingali unya ug makadungog ikaw sa imong sulugoon nga magtunglo kanimo;

Isaias 36:21

Apan sila nangahilom ug wala motubag kaniya bisan usa ka pulong, kay ang sugo sa hari mao, “Ayaw siya tubaga.”

Mateo 2:11

Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.

Mga Buhat 7:35

“Kining maong Moises nga ilang gisalikway ug giingnan, ‘Kinsa bay naghimo kanimo nga among pangulo ug maghuhukom?’ gipaanhi sa Dios ingon nga pangulo ug manluluwas pinaagi sa kamot sa anghel nga mipakita kaniya didto sa sampinit.

Deuteronomio 13:13

may daotang mga tawo nga nanggula gikan sa taliwala ninyo, ug nagpahisalaag sa mga nagpuyo sa ilang lungsod, nga nag-ingon, ‘Mangadto kita ug mag-alagad sa lain nga mga dios,’ nga wala ninyo mailhi,

1 Samuel 11:12

Unya ang katawhan miingon kang Samuel, “Kinsa siya nga miingon, ‘Maghari ba si Saul kanato?’ Dad-a ang mga tawo aron amo silang patyon.”

1 Samuel 11:13

Apan si Saul miingon, “Walay usa ka tawo nga patyon niining adlawa kay karong adlawa ang Ginoo naghimo ug kaluwasan sa Israel.”

1 Samuel 16:20

Ug si Jesse nagkuha ug usa ka asno nga gikargahan ug pan ug usa ka panit nga sudlanan sa bino ug usa ka nating kanding, ug gipadala kang David nga iyang anak ngadto kang Saul.

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.

1 Samuel 25:17

Busa karon hibaloi ug hunahunaa kon unsay imong buhaton, kay daotan ang gitinguha batok sa atong agalon ug batok sa tibuok niyang balay, ug siya usa ka tawo nga daotan ug batasan ug walay si bisan kinsa nga makasulti kaniya.”