1 Samuel 10:26

Ang Biblia 2011

Si Saul usab miadto sa iyang balay didto sa Gibea, ug miuban kaniya ang panon sa mga manggugubat nga ang mga kasingkasing gitandog sa Dios.

Cross References

2 Samuel 21:6

itugot nga ang pito sa iyang mga anak nga lalaki itugyan kanamo ug sila among bitayon alang sa Ginoo didto sa Gibea ni Saul, ang pinili sa Ginoo.” Ug ang hari miingon, “Itugyan nako sila.”

Esdras 1:5

Unya mitindog ang mga pangulo sa mga panimalay sa mga katigulangan sa Juda ug sa Benjamin, ang mga pari ug ang mga Levihanon, ang matag usa nga ang espiritu gidasig sa Dios sa pag-adto aron sa pagtukod pag-usab sa balay sa Ginoo nga anaa sa Jerusalem.

Salmo 110:3

Ang imong katawhan mahinangpon nga maghalad sa ilang kaugalingon sa adlaw nga ikaw mangulo sa imong kasundalohan, diha sa balaan nga bukid. Gikan sa tagoangkan sa kabuntagon, sama sa yamog ang imong kabatan-on moabot kanimo.

Isaias 10:29

gilatas nila ang walog, didto sa Geba nagpalabay sila sa kagabhion; ang Rama mikurog, ang Gibea ni Saul mikagiw.

Mga Buhat 13:48

Ug sa pagkadungog niini sa mga Gentil, sila nalipay ug nagdayeg sa pulong sa Dios, ang tanan nga gitagana nang daan alang sa kinabuhing dayon mituo.

Mga Buhat 7:10

ug miluwas kaniya gikan sa tanan niyang mga kasakitan, ug naghatag kaniyag grasya ug kaalam sa atubangan sa Paraon nga hari sa Ehipto nga mihimo kaniya nga gobernador sa Ehipto ug sa tibuok niyang panimalay.

Josue 18:28

ang Zela, ang Haelef, ang Jebus nga mao ang Jerusalem, ang Gibea, ug ang Kiriat-jearim, napulo ug upat ka siyudad lakip ang mga balangay niini. Kini mao ang panulundon sa banay ni Benjamin sumala sa ilang mga panimalay.

Mga Maghuhukom 20:14

Ug ang mga kaliwat ni Benjamin nagtigom gikan sa mga siyudad ngadto sa Gibea aron sa paggula sa pagpakig-away batok sa katawhan sa Israel.

1 Samuel 11:4

Sa diha nga ang mga sinugo miabot kang Saul didto sa Gibea, ilang gipahibalo ang mga gikauyonan ngadto sa igdulungog sa katawhan ug ang tibuok katawhan nanghilak ug kusog.

1 Samuel 13:2

Si Saul nagpili ug tulo ka libo ka tawo gikan sa Israel; ang duha ka libo didto uban ni Saul sa Mikmas ug sa kabungtoran sa Betel, ug ang usa ka libo didto uban kang Jonatan sa Gibea sa Benjamin, ug ang uban nga mga tawo gipapauli niya ngadto sa ilang tolda.

1 Samuel 15:34

Unya si Samuel miadto sa Rama ug si Saul mitungas ngadto sa iyang balay didto sa Gibea ni Saul.