1 Samuel 10:24

Ang Biblia 2011

Ug si Samuel miingon sa tanang katawhan, “Nakita ba ninyo ang tawo nga gipili sa Ginoo? Walay sama kaniya taliwala sa tibuok katawhan.” Ug ang tibuok katawhan naninggit, “Mabuhi ang hari!”

Cross References

2 Samuel 16:16

Sa diha nga si Husai nga Arkihanon nga higala ni David miadto kang Absalom, si Husai miingon kang Absalom, “Mabuhi ang hari! Mabuhi ang hari!”

2 Samuel 21:6

itugot nga ang pito sa iyang mga anak nga lalaki itugyan kanamo ug sila among bitayon alang sa Ginoo didto sa Gibea ni Saul, ang pinili sa Ginoo.” Ug ang hari miingon, “Itugyan nako sila.”

1 Mga Hari 1:21

Basin hinuon ug mahitabo nga sa diha nga ang akong agalong hari mopahulay uban sa iyang katigulangan, nga ako ug ang akong anak nga si Solomon isipon nga mga malapason.”

1 Mga Hari 1:25

Kay milugsong siya niining adlawa ug naghalad ug mga baka ug mga pinatambok nga mga mananap ug mga karnero nga daghan kaayo ug nagdapit sa tanang mga anak nga lalaki sa hari, ug kang Joab nga tigmando sa kasundalohan ug kang Abiatar nga pari ug tan-awa, sila nangaon ug nanginom sa atubangan niya, ug nag-ingon, ‘Mabuhi ang hari nga si Adonias!’

1 Mga Hari 1:34

Ug padihogi siya didto kang Zadok nga pari ug kang Natan nga propeta ingon nga hari sa Israel ug patingoga ninyo ang trumpeta ug paninggit kamo, ‘Mabuhi si Hari Solomon!’

1 Mga Hari 1:39

Ug si Zadok nga pari mikuha sa sungay nga may lana didto sa tolda ug gidihogan si Solomon. Ug ilang gipatingog ang trumpeta, ug ang tibuok katawhan miingon, “Mabuhi ang hari nga si Solomon!”

2 Mga Hari 11:12

Unya iyang gidala sa gawas ang anak sa hari ug gibutang ibabaw kaniya ang korona, ug gihatag kaniya ang pagpamatuod, ug gipaila siya nga hari, ug gidihogan siya, ug gipakpak nila ang ilang mga kamot ug nag-ingon, “Mabuhi ang hari!”

2 Cronicas 23:11

Unya gidala niya sa gawas ang anak nga lalaki sa hari ug gipahimutang ang korona diha kaniya ug gihatag kaniya ang pagpamatuod ug gihimo nila siya nga hari, ug si Jehoiada ug ang iyang mga anak nga lalaki nagdihog kaniya ug sila miingon, “Mabuhi ang hari.”

Mateo 21:9

Ug ang mga panon sa katawhan nga nag-una ug nagsunod kaniya naninggit nga nag-ingon, “Hosanna, sa Anak ni David! Dalaygon ang mianhi sa ngalan sa Ginoo! Hosanna sa kahitas-an!”

Deuteronomio 17:15

ibutang gayod nimo ingon nga hari sa ibabaw nimo siya nga pilion sa Ginoo nga inyong Dios. Usa gikan sa inyong mga igsoon maoy inyong ibutang nga hari sa ibabaw ninyo, ayaw pagbutang ug usa ka langyaw sa ibabaw ninyo nga dili ninyo igsoon.

1 Samuel 11:15

Busa ang tanang katawhan nangadto sa Gilgal ug didto gihimo nila si Saul nga hari sa atubangan sa Ginoo didto sa Gilgal. Naghalad sila didto ug mga halad sa pakigdait sa atubangan sa Ginoo ug didto si Saul ug ang tanang mga tawo sa Israel naglipay sa hilabihan gayod.

1 Samuel 12:1

Unya si Samuel miingon sa tibuok Israel, “Ako namati sa inyong tingog sa tanan ninyong gisulti kanako, ug naghimo ug usa ka hari ibabaw kaninyo.

1 Samuel 12:13

Tan-awa ang hari nga inyong gipili, nga inyong gipangayo, tan-awa, ang Ginoo nagbutang ug usa ka hari ibabaw kaninyo.

1 Samuel 9:2

Siya adunay usa ka anak nga lalaki nga ginganlan ug Saul, batan-on ug ambongan. Walay bisan usa sa katawhan sa Israel nga makalabaw sa iyang pagkaambongan. Siya ang labing taas kay ang uban tagaabaga man lamang niya.