1 Samuel 10:22

Ang Biblia 2011

Busa nangutana sila pag-usab sa Ginoo, “Nakaanhi na ba ang tawo?” Ug ang Ginoo miingon, “Anaa nagtago siya sa iyang kaugalingon ipon sa mga binantal.”

Cross References

Genesis 25:22

Ug ang mga bata nagdinuotay diha sa sulod niya ug miingon siya, “Kon mao kini, ngano nga mabuhi pa ako?” Ug siya miadto sa pagpangutana sa Ginoo.

2 Samuel 2:1

Human niini si David nagpakisayod sa Ginoo, “Motungas ba ako ngadto sa bisan diin nga lungsod sa Juda?” Ug ang Ginoo miingon kaniya, “Tungas.” Ug si David miingon, “Asa man ako motungas?” Ug siya miingon, “Ngadto sa Hebron.”

2 Samuel 21:1

Niadtong tungora dihay usa ka gutom sa panahon ni David sulod sa tulo ka tuig nga nagsunod-sunod ug si David nagpakitambag sa Ginoo. Ug ang Ginoo miingon, “Adunay kasal-anan si Saul ug ang iyang banay tungod kay iyang gipamatay ang mga Gibeonhanon.”

Numeros 27:21

Ug siya mobarog sa atubangan ni Eleasar nga pari nga maoy magpakisayod alang kaniya sa paghukom sa Urim sa atubangan sa Ginoo. Sa iyang pulong manggula sila ug sa iyang pulong manulod sila, siya ug ang tanang katawhan sa Israel uban kaniya, ang tibuok nga katilingban.”

Lucas 14:11

Kay ang tanan nga nagpataas sa iyang kaugalingon, ipaubos, ug ang nagpaubos sa iyang kaugalingon, ipataas.”

Mga Maghuhukom 1:1

Human sa kamatayon ni Josue, ang katawhan sa Israel nangutana sa Ginoo, “Kinsa man ang mouna pagtungas alang kanamo batok sa mga Canaanhon, aron sa pagpakig-away batok kanila?”

Mga Maghuhukom 20:18

Ang katawhan sa Israel nangandam ug nangadto sa Betel, ug nagpakisayod sa Dios, “Kinsa kanamo ang mouna pag-adto aron sa pagpakig-away batok sa mga kaliwat ni Benjamin?” Ug ang Ginoo miingon, “Ang Juda mao ang mouna pag-adto.”

Mga Maghuhukom 20:23

Ug ang katawhan sa Israel nangadto ug nanghilak sa atubangan sa Ginoo hangtod sa pagkagabii ug sila nangutana sa Ginoo, “Makig-away ba kami pag-usab batok sa among kaigsoonan nga mga kaliwat ni Benjamin?” Ug ang Ginoo miingon, “Pangadto kamo batok kanila.”

Mga Maghuhukom 20:28

ug si Pinehas nga anak ni Eleasar nga anak ni Aaron nag-alagad niadtong mga adlawa sa atubangan niini), nga nag-ingon, “Moadto pa ba kami sa pagpakig-away batok sa mga kaliwat ni Benjamin nga among kaigsoonan o mohunong ba kami?” Ug ang Ginoo miingon, “Tungas, kay ugma itugyan nako sila nganha sa inyong kamot.”

1 Samuel 10:21

Iyang gipaduol ang matag panimalay sa banay ni Benjamin ug ang panimalay ni Matri ang napilian pinaagi sa ripa. Sa kataposan, iyang gipaduol ang panimalay ni Matri, ug si Saul nga anak ni Kis ang napilian pinaagi sa ripa. Apan sa diha nga sila nangita kaniya, wala siya makit-i.

1 Samuel 14:37

Ug si Saul nagpakisayod sa Dios, “Molugsong ba ako sunod sa mga Filistihanon? Itugyan ba nimo sila ngadto sa kamot sa Israel?” Apan wala siya motubag kaniya niadtong adlawa.

1 Samuel 15:17

Unya si Samuel miingon, “Bisan ug gamay ikaw alang sa imong kaugalingong pagtan-aw, dili ba ikaw ang pangulo sa mga banay sa Israel? Ang Ginoo nagdihog kanimo nga hari ibabaw sa Israel.

1 Samuel 22:10

ug nagpakisayod siya sa Ginoo alang kaniya ug naghatag kaniya ug mga pagkaon, ug naghatag kaniya sa espada ni Goliat nga Filistihanon.”

1 Samuel 23:9

Si David nahibalo nga si Saul naglaraw ug daotan batok kaniya ug siya miingon kang Abiatar nga pari, “Dad-a nganhi ang ephod.”

1 Samuel 30:7

Si David miingon kang Abiatar nga pari ang anak ni Ahimelek, “Dad-a dinhi kanako ang ephod.” Busa gidala ni Abiathar ang ephod ngadto kang David.

1 Samuel 30:8

Ug si David nagpakisayod sa Ginoo, “Gukdon ba nako kining maong panon sa mga sundalo? Maapsan kaha nako sila?” Ug siya mitubag kaniya, “Gukda, kay sa walay duhaduha maapsan gayod nimo sila ug maluwas gayod nimo sila.”

1 Samuel 9:21

Ug si Saul mitubag, “Dili ba ako usa ka kaliwat ni Benjamin, gikan sa labing gamay nga banay sa Israel? Dili ba nga ang akong panimalay mao ang labing ubos sa tanang panimalay sa banay sa Benjamin? Ngano ba nga ikaw nagsulti man kanako sa ingon niana?”