1 Samuel 10:21

Ang Biblia 2011

Iyang gipaduol ang matag panimalay sa banay ni Benjamin ug ang panimalay ni Matri ang napilian pinaagi sa ripa. Sa kataposan, iyang gipaduol ang panimalay ni Matri, ug si Saul nga anak ni Kis ang napilian pinaagi sa ripa. Apan sa diha nga sila nangita kaniya, wala siya makit-i.

Cross References

2 Samuel 3:19

Si Abner nakigsulti usab sa Benjamin, ug unya si Abner miadto kang David sa Hebron aron sa pagsulti kaniya sa tanan nga gihunahuna nga maayong buhaton sa Israel ug sa tibuok banay ni Benjamin.

Mga Panultihon 18:18

Ang pagripa magtapos sa mga panagbingkil ug maghukom taliwala sa mga gamhanan nga kabatok.

Jonas 1:7

Ug sila miingon sa usa ug usa, “Dali kamo, magripa kita, aron mahibalo kita kon kang kinsa nahimutang kining kadaot nga midangat kanato.” Busa nagripa sila ug ang ripa natumong kang Jonas.

Mga Buhat 13:21

Unya nangayo sila ug hari ug ang Dios mihatag kanila kang Saul nga anak ni Kish, usa ka tawo sa banay ni Benjamin, sulod sa 40 ka tuig.

1 Samuel 10:20

Unya gipaduol ni Samuel ang tanang banay sa Israel, ug ang banay ni Benjamin ang napili pinaagi sa ripa.

1 Samuel 10:22

Busa nangutana sila pag-usab sa Ginoo, “Nakaanhi na ba ang tawo?” Ug ang Ginoo miingon, “Anaa nagtago siya sa iyang kaugalingon ipon sa mga binantal.”

1 Samuel 9:2

Siya adunay usa ka anak nga lalaki nga ginganlan ug Saul, batan-on ug ambongan. Walay bisan usa sa katawhan sa Israel nga makalabaw sa iyang pagkaambongan. Siya ang labing taas kay ang uban tagaabaga man lamang niya.