1 Samuel 10:19

Ang Biblia 2011

Apan kamo niining adlawa nagsalikway sa inyong Dios nga nagluwas kaninyo gikan sa tanan ninyong katalagman ug sa inyong kasakit, ug kamo nagsulti kaniya, ‘Dili! pagbutang hinuon ug usa ka hari ibabaw kanamo.’ Busa karon ipakita ang inyong kaugalingon ngadto sa Ginoo pinaagi sa inyong mga banay ug sa inyong mga linibo.”

Cross References

Mga Panultihon 16:33

Ang ripa gihulog diha sa sabakan, apan ang pagbuot gikan gayod sa Ginoo.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Numeros 11:20

kondili sa usa ka bulan gayod hangtod nga kini manggula sa inyong mga ilong ug lud-on kamo niini tungod kay gisalikway ninyo ang Ginoo nga anaa sa taliwala ninyo ug nanghilak kamo sa atubangan niya nga nag-ingon, “Ngano man nga nanggula kita gikan sa Ehipto?” ’ ”

Numeros 17:2

“Sultihi ang katawhan sa Israel ug pagkuha gikan kanila ug mga sungkod, usa alang sa matag banay sa ilang katigulangan, sa tanang mga pangulo sumala sa banay sa ilang katigulangan, napulo ug duha ka sungkod. Isulat ang ngalan sa matag usa diha sa iyang sungkod.

Deuteronomio 17:14

“Kon moabot na kamo sa yuta nga gihatag kaninyo sa Ginoo nga inyong Dios ug mapanag-iya ninyo kini ug magpuyo kamo niini ug unya moingon, ‘Magbutang ako ug hari ibabaw nako, sama sa tanang nasod nga naglibot kanako,’

Josue 24:1

Unya gitigom ni Josue ang tanang banay sa Israel didto sa Sekem ug gipatawag ang mga kadagkoan, ang mga pangulo, ang mga maghuhukom ug ang mga tinugyanan sa Israel. Ug mipakita sila sa ilang kaugalingon sa atubangan sa Dios.

Mga Maghuhukom 8:23

Si Gideon miingon kanila, “Dili ako maghari kaninyo, ug ang akong anak dili maghari kaninyo. Ang Ginoo ang maghari kaninyo.”

1 Samuel 10:20

Unya gipaduol ni Samuel ang tanang banay sa Israel, ug ang banay ni Benjamin ang napili pinaagi sa ripa.

1 Samuel 12:12

Sa diha nga inyong nakita nga si Nahas nga hari sa mga Amonihanon mianhi batok kaninyo, kamo miingon kanako, ‘Dili, apan usa ka hari ang maghari ibabaw kanamo,’ sa diha nga ang Ginoo nga inyong Dios mao ang inyong hari.

1 Samuel 14:23

Busa ang Ginoo nagluwas sa Israel niadtong adlawa ug ang gubat misaylo sa Bet-aben.

1 Samuel 14:38

Ug si Saul miingon, “Paduol kamo kanako, kamong tanang mga pangulo sa katawhan ug ilha ug tan-awa kon diin gikan kining salaa niining adlawa.

1 Samuel 3:21

Ang Ginoo mipakita pag-usab didto sa Silo tungod kay siya nagpadayag sa iyang kaugalingon ngadto kang Samuel pinaagi sa pulong sa Ginoo.

1 Samuel 4:1

Ang pulong ni Samuel miabot sa tibuok Israel. Niadtong mga adlawa ang Israel nanggula aron sa pagpakig-away batok sa mga Filistihanon. Nagkampo sila didto sa Ebeneser ug ang mga Filistihanon nagkampo didto sa Afek.

1 Samuel 8:19

Apan ang katawhan nagdumili sa pagpamati sa tingog ni Samuel ug sila miingon, “Dili! Kinahanglan nga adunay hari ibabaw kanamo,

1 Samuel 8:5

ug sila miingon kaniya, “Ikaw tigulang na ug ang imong mga anak wala mosubay sa imong mga pamaagi. Busa pagpili alang kanamo ug usa ka hari nga maoy mangulo kanamo sama sa ubang mga nasod.”