1 Samuel 10:1

Ang Biblia 2011

Unya si Samuel mikuha ug usa ka gamayng tibod nga lana ug mibubo niini diha sa ulo ni Saul, ug mihalok kaniya ug miingon, “Wala ba magdihog kanimo ang Ginoo aron mahimong pangulo sa iyang katawhan nga Israel? Ikaw maghari ibabaw sa katawhan sa Ginoo ug magluwas kanila gikan sa mga kaaway nga naglibot kanila. Ug kini mao ang ilhanan kanimo nga ang Ginoo nagdihog kanimo nga mahimong pangulo ibabaw sa iyang panulundon.

Cross References

2 Samuel 1:14

Si David miingon kaniya, “Ngano nga wala ka mahadlok sa paggamit sa imong kamot sa paglaglag sa dinihogan sa Ginoo”

2 Samuel 19:39

Busa ang tibuok katawhan mitabok sa Jordan ug ang hari mitabok ug ang hari mihalok kang Barsilai ug mipanalangin kaniya ug mipauli siya sa kaugalingon niyang balay.

2 Samuel 20:19

Ako usa niadtong mga makigdaiton ug matinumanon sa Israel. Ikaw nagtinguha sa paglaglag sa usa ka siyudad nga mao ang inahan sa Israel. Nganong lamyon man nimo ang kabilin sa Ginoo?”

2 Samuel 5:2

Sa mga panahon nga nangagi sa diha nga si Saul mao pa ang hari sa ibabaw namo, ikaw mao ang nagmando sa paggula ug sa pagsulod sa Israel, ug ang Ginoo miingon kanimo, ‘Ikaw mahimong tigbantay sa akong katawhan nga Israel ug ikaw ang mahimong pangulo sa Israel.’ ”

1 Mga Hari 1:34

Ug padihogi siya didto kang Zadok nga pari ug kang Natan nga propeta ingon nga hari sa Israel ug patingoga ninyo ang trumpeta ug paninggit kamo, ‘Mabuhi si Hari Solomon!’

1 Mga Hari 19:18

Apan magbilin ako alang kanako ug pito ka libo sa Israel, ang tanan nga tuhod nga wala moyukbo kang Baal ug ang matag baba nga wala mohalok kaniya.”

2 Mga Hari 20:5

“Balik ug ingna si Hesekias nga pangulo sa akong katawhan, Kini mao ang gisulti sa Ginoo, ang Dios ni David nga imong amahan: Nadungog nako ang imong pag-ampo, nakita nako ang imong mga luha; ikaw akong ayohon; sa ikatulo nga adlaw kinahanglan nga moadto ikaw sa balay sa Ginoo.

2 Mga Hari 9:1

Unya si Eliseo nga propeta mitawag sa usa gikan sa pundok sa mga propeta ug miingon kaniya, “Pangandam, ug dad-a kining sudlanan sa lana ug lakaw ngadto sa Ramot-gilead.

2 Mga Hari 9:12

Ug sila miingon, “Dili kana tinuod, suginli kami karon.” Ug siya miingon, “Sa ingon niini ug sa ingon niana, siya namulong kanako nga nag-ingon, ‘Mao kini ang gipamulong sa Ginoo: Ako nagdihog kanimo nga hari sa ibabaw sa Israel.’ ”

Salmo 135:4

Kay ang Ginoo nagpili kang Jacob alang sa iyang kaugalingon, kang Israel ingon nga iyang kaugalingon katigayonan.

Salmo 2:12

halok sa iyang tiil, aron siya dili masuko ug mangahanaw kamo diha sa dalan; kay ang kapungot niya dali rang mosilaob. Bulahan ang tanan nga modangop diha kaniya.

Salmo 78:71

gikan sa pagsunod sa mga bayeng karnero nga adunay mga gagmay, gidala niya siya, aron mahimong tigbantay ni Jacob nga iyang katawhan, ug sa Israel nga iyang panulundon.

Exodo 30:23

“Pagkuha usab ug labing maayo nga mga pahumot: lima ka gatos ka siklo nga mira nga tinubig, ug katunga sa gidaghanon nga mao ang 250 ka siklo nga humot nga kaningag ug 250 sa humot nga kahoy

Jeremias 10:16

Dili sama niini siya nga mao ang bahin ni Jacob, kay siya mao ang naghimo sa tanang mga butang, ug ang Israel mao ang banay sa iyang panulundon; si Yahweh sa mga panon mao ang iyang ngalan.

Ezequiel 16:13

Sa ingon niana, ikaw gidayandayanan ug bulawan ug plata, ug ang imong bisti pino nga lino ug sida ug binurdahan nga panapton. Nagkaon ikaw sa pinong harina ug dugos ug lana. Ikaw matahom kaayo ug ikaw nakakab-ot sa harianong kahimtang.

Oseas 13:2

Ug karon nagdugang ang ilang pagpakasala ug naghimo ug mga tinunaw nga larawan alang sa ilang kaugalingon, mga diosdios nga hinimo gikan sa plata, ang tanan niini buhat sa mga batid nga tigpamuhat. Sila miingon, “Paghalad kamo alang niini.” Ang mga tawo mihalok sa mga nating baka!

Mga Buhat 13:21

Unya nangayo sila ug hari ug ang Dios mihatag kanila kang Saul nga anak ni Kish, usa ka tawo sa banay ni Benjamin, sulod sa 40 ka tuig.

Deuteronomio 32:9

Kay ang bahin sa Ginoo mao ang iyang katawhan, si Jacob ang pahat nga iyang panulundon.

1 Mga Taga-Tesalonica 5:26

Ipangumosta kami sa tanang mga igsoon pinaagi sa balaang halok.

Mga Hebreo 2:10

Kay angay gayod kaniya nga alang kaniya ug pinaagi kaniya naglungtad ang tanang butang, nga sa iyang pagdala sa daghang mga anak ngadto sa himaya, iyang hingpiton pinaagi sa mga pag-antos ang nagpasiugda sa ilang kaluwasan.

Gipadayag 5:8

Ug sa nakuha na niya ang basahong linukot, ang upat ka buhing binuhat ug ang 24 ka kadagkoan mihapa sa atubangan sa Nating Karnero, ang matag usa nagkupot ug alpa ug mga bulawang panaksan nga puno sa insenso, nga mao ang mga pag-ampo sa mga balaan.

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 13:14

Apan karon ang imong gingharian dili magpadayon. Ang Ginoo nangita alang kaniya ug usa ka tawo nga uyon sa iyang kaugalingong kasingkasing ug ang Ginoo nagpili kaniya aron mahimong pangulo ibabaw sa iyang katawhan, tungod kay ikaw wala magtuman sumala sa gisugo sa Ginoo kanimo.”

1 Samuel 15:1

Si Samuel miingon kang Saul, “Ang Ginoo nagpaanhi kanako aron sa pagdihog kanimo ingon nga hari ibabaw sa iyang katawhan nga Israel, busa karon pamati sa mga pulong sa Ginoo.

1 Samuel 15:17

Unya si Samuel miingon, “Bisan ug gamay ikaw alang sa imong kaugalingong pagtan-aw, dili ba ikaw ang pangulo sa mga banay sa Israel? Ang Ginoo nagdihog kanimo nga hari ibabaw sa Israel.

1 Samuel 16:1

Ang Ginoo miingon kang Samuel, “Unsa ba kadugay ang imong pagbangutan alang kang Saul, nga nakita nimo nga akong gisalikway siya gikan sa pagkahari sa Israel? Sudli ug lana ang imong sungay ug lakaw. Paadtoon ko ikaw kang Jesse nga taga-Betlehem kay ako nagtagana ug usa ka hari alang kanako taliwala sa iyang mga anak.”

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.

1 Samuel 2:10

Kadtong makigbatok sa Ginoo, mangapusgay; batok kanila siya modahunog diha sa langit. Ang Ginoo maghukom sa tibuok kalibotan; maghatag siya ug kalig-on sa iyang hari, ug magbayaw sa gahom sa iyang dinihogan.”

1 Samuel 24:6

Siya miingon sa iyang mga tawo, “Ang Ginoo nagdili nga ako magbuhat niining butanga sa akong agalon, ang dinihogan sa Ginoo, sa pagbakyaw sa akong kamot batok kaniya, kay siya dinihogan sa Ginoo.”

1 Samuel 26:11

Ang Ginoo nagdili nga bakyawon nako ang akong kamot batok sa dinihogan sa Ginoo, apan karon kuhaa ang bangkaw nga anaa sa iyang ulohan ug ang tibod sa tubig, ug manglakaw kita.”

1 Samuel 26:9

Apan si David miingon kang Abisai, “Ayaw siya patya, kay si kinsa ba ang makabakyaw sa iyang kamot batok sa dinihogan sa Ginoo ug walay sala?”

1 Samuel 8:19

Apan ang katawhan nagdumili sa pagpamati sa tingog ni Samuel ug sila miingon, “Dili! Kinahanglan nga adunay hari ibabaw kanamo,

1 Samuel 8:9

Busa pamatia ang ilang tingog. Hinuon, pasidan-i sila pag-ayo ug saysayi sila sa mga pamaagi sa hari nga magmando kanila.”

1 Samuel 9:16

“Ugma sa mga ingon niining taknaa padad-an ko ikaw ug usa ka tawo gikan sa yuta sa Benjamin, ug ikaw magdihog kaniya ingon nga pangulo ibabaw sa akong katawhan nga Israel. Siya mao ang moluwas sa akong katawhan gikan sa kamot sa mga Filistihanon, kay akong nakita ang akong katawhan tungod kay ang ilang pagtuaw midangat kanako.”

1 Samuel 9:27

Samtang nanglakaw sila paingon sa gawas sa siyudad, si Samuel miingon kang Saul, “Sultihi ang sulugoon sa paglakaw una kanato ug sa makauna na siya, hunong sa makadiyot kay akong ipahibalo kanimo ang pulong sa Dios.”