1 Samuel 1:8

Ang Biblia 2011

Ug si Elkana nga iyang bana miingon kaniya, “Hana, nganong naghilak ikaw? Ug nganong wala ikaw mokaon? Nganong ang imong kasingkasing masulub-on? Dili ba ako labaw pa man alang kanimo kay sa napulo ka anak nga lalaki?”

Cross References

2 Mga Hari 8:12

Ug si Hasael miingon, “Nganong naghilak man ang akong agalon?” Ug siya mitubag, “Tungod kay ako nahibalo sa daotan nga imong buhaton ngadto sa katawhan sa Israel; ang ilang mga kuta imong sunogon, ug pamatyon ang ilang mga batan-ong lalaki pinaagi sa espada ug dugmokon ang mga gagmay nga bata, ug yasyasan ang ilang mga babaye nga mabdos.”

Job 6:14

“Siya nga nagpugong sa kaluoy gikan sa usa ka higala nagsalikway sa kahadlok sa Labing Gamhanan.

Salmo 43:4

Unya moadto ako sa halaran sa Dios, ngadto sa Dios nga akong dakong kalipay; ug magdayeg ako kanimo uban sa lira, O Dios, akong Dios.

Isaias 54:1

“Pag-awit, O ikaw nga wala manganak; hugyaw diha sa pag-awit ug singgit ug kusog, ikaw nga wala gayod mag-antos sa pagpanganak! Kay labaw pa ka daghan ang mga anak sa biniyaan kay sa mga anak sa minyo nga babaye, nag-ingon ang Ginoo.

Isaias 54:6

Kay ang Ginoo nagtawag kanimo sama sa usa ka asawa nga biniyaan ug sinakit diha sa espiritu, sama sa usa ka asawa sa pagkabatan-on, sa diha nga siya gisalikway, nag-ingon ang imong Dios.

Juan 20:13

Unya sila miingon kaniya, “Babaye, nganong naghilak man ikaw?” Siya miingon kanila, “Kay ila mang gikuha ang akong Ginoo, ug wala ako masayod kon diin siya nila gibutang.”

Juan 20:15

Ug si Jesus miingon kaniya, “Babaye, nganong naghilak man ikaw? Kinsa may imong gipangita?” Sa pagdahom ni Maria nga kadto mao ang tig-atiman sa tanaman, siya miingon kaniya, “Senyor, kon ikaw man ang nagkuha kaniya, tug-ani ako diin nimo siya gibutang ug kuhaon nako siya.”

1 Mga Taga-Tesalonica 5:14

Ug kami nag-awhag kaninyo, mga igsoon, pahimangnoi ang mga tapolan, dasiga ang mga maulawon, tabangi ang mga luya, pagpailob sa tanan.

Ruth 4:15

Ug alang kanimo siya mahimong tigpahiuli sa kinabuhi ug tiglig-on kanimo sa imong pagkatigulang kay ang imong umagad nga babaye nga nahigugma kanimo nga labaw pang maayo kanimo kay sa pito ka anak nga lalaki, nanganak kaniya.”

1 Samuel 1:7

Ug kini nagpadayon matag tuig, sa matag higayon nga siya moadto sa balay sa Ginoo, hagiton siya sa pagkasuko. Tungod niini, si Hana mihilak ug wala mokaon.