1 Samuel 1:6

Ang Biblia 2011

Ang iyang kailog naghagit ug nagbiaybiay kaniya aron siya masuko tungod kay ang Ginoo nagtak-op sa iyang taguangkan.

Cross References

Genesis 30:1

Sa pagtan-aw ni Raquel nga siya wala makahatag ug mga anak kang Jacob, nasina siya sa iyang igsoon nga babaye ug miingon siya kang Jacob, “Hatagi ako ug mga anak, kay kon dili, mamatay ako.”

2 Samuel 6:23

Ug si Mical nga anak ni Saul walay anak hangtod sa adlaw sa iyang kamatayon.

Job 24:21

“Ilang gikaon ang babaye nga wala makaanak, ug wala maghimo ug maayo ngadto sa biyuda.

Job 6:14

“Siya nga nagpugong sa kaluoy gikan sa usa ka higala nagsalikway sa kahadlok sa Labing Gamhanan.

Levitico 18:18

Ayaw pangasawa sa babaye ingon nga kaagaw sa iyang igsoon nga babaye aron sa pagbukas sa iyang pagkahubo samtang buhi pa ang iyang igsoon.

Mga Maghuhukom 11:37

Siya miingon sa iyang amahan, “Pasagdi nga mahimo kining butanga kanako; pasagdi ako nga mag-inusara sa duha ka bulan, aron ako molakaw ug moadto sa kabukiran, ug magbakho sa akong pagkaulay, ako ug ang akong mga kauban.”

1 Samuel 1:7

Ug kini nagpadayon matag tuig, sa matag higayon nga siya moadto sa balay sa Ginoo, hagiton siya sa pagkasuko. Tungod niini, si Hana mihilak ug wala mokaon.

1 Samuel 2:1

Unya si Hana nag-ampo ug miingon, “Ang akong kasingkasing naghimaya diha sa Ginoo; ang akong kusog nabayaw diha sa Ginoo. Ang akong baba nagtamay sa akong mga kaaway, kay nalipay man ako sa imong pagluwas.