1 Samuel 1:5

Ang Biblia 2011

Apan ngadto kang Hana mihatag siya ug duha ka bahin kay gihigugma man niya si Hana bisan ang Ginoo nagtak-op sa iyang taguangkan.

Cross References

Genesis 11:30

Unya si Sarai dili makaanak, busa wala siyay anak.

Genesis 16:1

Unya si Sarai nga asawa ni Abram wala makaanak alang kaniya. Siya may usa ka ulipon nga babaye nga Ehiptohanon nga ginganlan ug Hagar.

Genesis 20:18

Kay gitakpan man sa Ginoo ang tanang taguangkan sa tanang sakop sa panimalay ni Abimelek tungod kang Sarah nga asawa ni Abraham.

Genesis 30:1

Sa pagtan-aw ni Raquel nga siya wala makahatag ug mga anak kang Jacob, nasina siya sa iyang igsoon nga babaye ug miingon siya kang Jacob, “Hatagi ako ug mga anak, kay kon dili, mamatay ako.”

Genesis 30:2

Ug ang kasuko ni Jacob nahaling batok kang Raquel, ug miingon siya, “Anaa ba ako sa dapit sa Dios nga naghikaw kanimo sa bunga sa imong taguangkan?”

Genesis 43:34

Ug siya mikuha ug pagkaon sa iyang atubangan nga gipahat kanila apan ang pahat ni Benjamin lima ka bahin labaw kay kang bisan kinsa kanila. Ug nanginom sila ug naglipay uban kaniya.

Genesis 45:22

Sa matag usa kanila mihatag siya ug mga ilisan nga bisti ug kang Benjamin mihatag siya ug tulo ka gatos ka siklo nga plata ug lima ka maayong bisti.

Deuteronomio 21:15

“Kon ang usa ka tawo adunay duha ka asawa, ang usa gihigugma ug ang usa wala higugmaa, ug silang duha manganak, ang gihigugma ug ang wala higugmaa, ug kon ang anak nga lalaki nga kamagulangan iya niadtong wala higugmaa,