1 Samuel 1:3

Ang Biblia 2011

Kining tawhana mag-adtoan matag tuig gikan sa iyang siyudad aron sa pagsimba ug paghalad ngadto sa Ginoo sa mga panon didto sa Silo, diin ang duha ka anak nga lalaki ni Eli nga si Hopni ug si Pinehas mga pari sa Ginoo.

Cross References

Salmo 78:60

Gibiyaan niya ang iyang puluy-anan sa Silo, ang tolda diin siya nagpuyo uban sa mga tawo,

Exodo 23:14

“Makatulo sa usa ka tuig maghimo kamo ug kasaulogan alang kanako.

Exodo 23:17

Makatulo sa usa ka tuig nga ang tanan ninyong lalaki kinahanglang mopakita sa atubangan sa Ginoong Dios.

Exodo 34:23

Makatulo sa usa ka tuig kinahanglan nga ang tanan ninyong mga lalaki magpakita sa atubangan sa Ginoong Dios, ang Dios sa Israel.

Lucas 2:41

Unya ang iyang mga ginikanan mag-adtoan sa Jerusalem matag tuig, sa Kasaulogan sa Pagsaylo.

Deuteronomio 16:16

“Sa makatulo sa usa ka tuig ang tanan ninyong mga lalaki kinahanglang magpakita sa atubangan sa Ginoo nga inyong Dios, sa dapit nga pilion niya: sa Kasaulogan sa mga Pan nga Walay Patubo, sa Kasaulogan sa mga Semana ug sa Kasaulogan sa mga Balongbalong. Ug kinahanglang dili sila magpakita nga walay dala sa atubangan sa Ginoo.

Josue 18:1

Unya ang tibuok nga katilingban sa katawhan sa Israel nagtigom didto sa Silo ug gipatindog ang tolda nga tagboanan. Ang yuta ilang nabuntog sa ilang atubangan.

Mga Maghuhukom 18:31

Busa ilang gipatindog ang kinulit nga larawan ni Mikeas nga iyang gibuhat, sa tanang panahon nga ang balay sa Dios didto sa Silo.

Mga Maghuhukom 21:19

Busa sila miingon, “Pamati, adunay usa ka kasaulogan sa Ginoo matag tuig didto sa Silo nga atua sa amihanan sa Betel, dapit sa silangang bahin sa dalan nga nagtungas gikan sa Betel, ngadto sa Sekem ug sa habagatan sa Lebona.”

1 Samuel 1:21

Unya ang tawo nga si Elkana ug ang tanan sa iyang balay miadto sa Ginoo aron sa paghalad sa halad nga tinuig ug sa pagtuman sa iyang panaad.

1 Samuel 1:9

Human sila makakaon ug makainom didto sa Silo, si Hana mitindog. Ang pari nga si Eli naglingkod sa iyang lingkoranan dapit sa haligi sa ganghaan sa Templo sa Ginoo.

1 Samuel 14:3

Ug si Ahias nga anak ni Ahitub nga igsoong lalaki ni Icabod nga anak ni Pinehas nga anak ni Eli, ang pari sa Ginoo sa Silo, nagsul-ob ug ephod. Ug ang katawhan wala mahibalo nga si Jonatan milakaw.

1 Samuel 2:19

Ang iyang inahan naghimo kaniya ug bisti ug dad-on niya kini matag tuig inig-adto niya ug sa iyang bana aron paghalad sa tinuig nga halad.

1 Samuel 2:34

Kining mahitabo sa imong duha ka anak nga lalaki nga si Hopni ug si Pinehas mao ang ilhanan kanimo. Silang duha mamatay sa mao rang adlaw.

1 Samuel 3:13

Kay ako nagsulti kaniya nga ang iyang panimalay hapit na nako silotan hangtod sa kahangtoran tungod sa ilang sala nga iyang nahibaloan, kay ang iyang mga anak nga lalaki nagpasipala sa Dios ug wala siya magpugong kanila.

1 Samuel 4:11

Ug ang sudlanan sa kasabotan sa Dios nailog ug ang duha ka anak ni Eli nga si Hopni ug si Pinehas gipamatay.

1 Samuel 4:4

Busa ang katawhan nagpasugo ngadto sa Silo ug ilang gikuha gikan didto ang sudlanan sa kasabotan sa Ginoo sa mga panon nga naglingkod ibabaw sa mga kerubin. Ang duha ka anak nga lalaki ni Eli nga si Hopni ug si Pinehas didto uban sa sudlanan sa kasabotan sa Dios.