1 Samuel 1:23

Ang Biblia 2011

Si Elkana nga iyang bana miingon kaniya, “Buhata kon unsa ang maayo alang kanimo. Hulata nga malutas nimo siya, ug itugot unta sa Ginoo nga matuman ang iyang giingon.” Busa ang babaye nagpabilin ug nagpasuso sa iyang anak hangtod nga siya nalutas.

Cross References

2 Samuel 7:25

Ug karon, O Ginoong Dios, pamatud-i hangtod sa kahangtoran ang pulong nga imong gisulti mahitungod sa imong sulugoon ug mahitungod sa iyang balay, ug buhata kini sumala sa imong gisulti.

1 Mga Hari 3:21

Ug sa pagbangon nako pagkabuntag aron magpasuso sa akong anak, akong nakita nga kini patay na, apan sa pagtan-aw nako niini pag-ayo sa pagkabuntag, dili kini mao ang bata nga akong gipanganak.”

Salmo 22:9

Apan ikaw mao ang nagkuha kanako gikan sa taguangkan; ikaw ang naghimo kanako nga masaligon diha sa mga suso sa akong inahan.

Isaias 44:26

nga nagpamatuod sa pulong sa iyang sulugoon, ug nagbuhat sa tambag sa iyang mga sinugo; nga nag-ingon mahitungod sa Jerusalem, ‘Siya puy-an,’ ug mahitungod sa mga siyudad sa Juda, ‘Sila tukoron ug patindogon nako ang ilang mga guba;’

Numeros 30:12

Apan kon ang iyang bana maghimo niini nga walay bili sa adlaw sa pagkadungog niya, ang tanan nga migula sa iyang mga ngabil mahitungod sa iyang mga panaad o mahitungod sa katungdanan sa iyang kaugalingon dili magpadayon. Ang iyang bana maghimo niini nga walay bili ug ang Ginoo magpasaylo kaniya.

Mateo 24:19

Ug alaot ang mga mabdos ug ang may mga masuso nianang mga adlawa!

Lucas 11:27

Ug sa iyang pagsulti niini, usa ka babaye diha sa panon nga mipatugbaw sa iyang tingog, miingon kang Jesus, “Bulahan ang tagoangkan nga maoy nagsamkon kanimo, ug ang mga suso nga imong gisusohan!”

1 Samuel 1:17

Unya si Eli mitubag, “Lakaw uban ang kalinaw, ug ang Dios sa Israel maghatag sa imong hangyo nga gipangayo nimo kaniya.”

1 Samuel 14:36

Unya si Saul miingon, “Manglugsong kita sunod sa mga Filistihanon sa gabii ug kuhaon nato ang kabtangan nga anaa kanila hangtod sa paghayag sa kabuntagon ug dili nato sila binlan ug tawo.” Ug sila miingon, “Buhata kon unsay maayo alang kanimo.” Apan ang pari miingon, “Magpaduol kita sa Dios.”

1 Samuel 14:40

Unya miingon siya sa tibuok Israel, “Adto kamo sa usa ka bahin ug ako ug si Jonatan nga akong anak moadto sa pikas nga bahin.” Ug ang katawhan miingon kang Saul, “Buhata kon unsay maayo alang kanimo.”