1 Samuel 1:21

Ang Biblia 2011

Unya ang tawo nga si Elkana ug ang tanan sa iyang balay miadto sa Ginoo aron sa paghalad sa halad nga tinuig ug sa pagtuman sa iyang panaad.

Cross References

Genesis 18:19

Dili, kay gipili nako siya aron magsugo sa iyang mga anak ug panimalay nga sunod kaniya aron magsubay sila sa dalan sa Ginoo, pinaagi sa pagbuhat sa pagkamatarong ug sa hustisya, aron ang Ginoo magpadangat kang Abraham niadtong gisaad kaniya.”

Salmo 101:2

Magkinabuhi ako subay sa dalan nga hingpit. O kanus-a ba ikaw moanhi kanako? Magkinabuhi ako diha sa hingpit nga kasingkasing sulod sa akong balay.

Deuteronomio 12:11

unya ngadto sa dapit nga pilion sa Ginoo nga inyong Dios aron sa pagpapuyo sa iyang ngalan didto, dad-a ninyo didto ang tanan nga gisugo nako kaninyo, ang inyong mga halad nga sunogon ug ang inyong mga halad nga inihaw, ang inyong mga ikapulo ug ang mga halad nga binayaw sa inyong mga kamot ug ang tanan ninyong mga halad nga gisaad, nga inyong gisaad sa Ginoo.

Deuteronomio 12:6

Didto mangadto kamo, ug didto dad-on ninyo ang inyong mga halad nga sunogon, ug ang inyong mga halad nga inihaw, ug ang inyong mga ikapulo ug ang halad nga binayaw sa inyong mga kamot ug ang inyong mga halad nga gisaad ug ang inyong mga halad nga kinabubut-on ug ang mga kamagulangan sa inyong mga baka ug sa inyong mga karnero.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”

1 Samuel 1:3

Kining tawhana mag-adtoan matag tuig gikan sa iyang siyudad aron sa pagsimba ug paghalad ngadto sa Ginoo sa mga panon didto sa Silo, diin ang duha ka anak nga lalaki ni Eli nga si Hopni ug si Pinehas mga pari sa Ginoo.

1 Samuel 2:19

Ang iyang inahan naghimo kaniya ug bisti ug dad-on niya kini matag tuig inig-adto niya ug sa iyang bana aron paghalad sa tinuig nga halad.