1 Samuel 1:19

Ang Biblia 2011

Sayo sila nga mibangon ug misimba atubangan sa Ginoo. Unya namauli sila sa ilang balay sa Rama. Ug si Elkana nakigdulog kang Hana nga iyang asawa ug ang Ginoo nahinumdom kaniya.

Cross References

Genesis 21:1

Ang Ginoo miduaw kang Sarah sumala sa gisulti niya ug ang Ginoo mibuhat ngadto kang Sarah sumala sa iyang gisaad.

Genesis 30:22

Unya nahinumdom ang Dios kang Raquel ug ang Dios nagpatalinghog kaniya ug giablihan ang iyang taguangkan.

Genesis 4:1

Ug si Adan nakighilawas kang Eva nga iyang asawa ug kini nanamkon, unya nanganak kang Cain ug miingon, “Nanganak ako ug usa ka lalaki tungod sa tabang sa Ginoo.”

Genesis 8:1

Apan ang Dios nahinumdom kang Noe ug sa tanan nga mga mananap ug sa tanang kahayopan nga uban kaniya didto sa arka. Ug gipahuros sa Dios ang usa ka hangin sa ibabaw sa kalibotan, ug mianam paghubas ang tubig.

2 Mga Hari 4:17

Apan ang babaye nagsamkon ug nanganak ug usa ka bata nga lalaki, sa samang panahon sa pagkasunod tuig sumala sa gipamulong ni Eliseo kaniya.

Salmo 119:147

Mibangon ako sa wala pa mobanagbanag ug mituaw ako; naglaom ako diha sa imong mga pulong.

Salmo 136:23

Siya ang nahinumdom kanato sa atong ubos nga kahimtang, kay ang iyang gugmang walay paglubad naglungtad hangtod sa kahangtoran;

Salmo 25:7

Ayaw hinumdomi ang mga sala sa akong pagkabatan-on o ang akong mga kalapasan; sumala sa imong gugmang walay paglubad, hinumdomi ako, tungod ug alang sa imong kaayo, O Ginoo!

Salmo 5:3

O Ginoo, sa buntag ikaw mamati sa akong tingog; sa buntag ipatugbaw nako ang akong pag-ampo nganha kanimo ug maghulat ako.

Salmo 55:17

Sa gabii ug sa buntag ug sa udto ako magmulo ug mag-agulo, ug pamation niya ang akong tingog.

Marcos 1:35

Unya sayo sa kaadlawon samtang ngitngit pa, si Jesus mibangon ug miadto sa usa ka dapit nga mingaw, ug didto nag-ampo siya.

Lucas 23:42

Ug siya miingon, “Jesus, hinumdomi ako inig-abot nimo sa imong gingharian.”

Josue 18:25

ang Gibeon, ang Rama, ang Beerot,

1 Samuel 1:1

May usa ka tawo sa Ramataim-sofim, sa kabungtoran sa Efraim, nga ang ngalan mao si Elkana nga anak nga lalaki ni Jeroham nga anak ni Elihu nga anak ni Tohu nga anak ni Zuf nga Efraimhanon.

1 Samuel 1:11

Nagsaad siya ug miingon, “O Ginoo sa mga panon, kon ikaw magsud-ong sa kasakit sa imong ulipon nga babaye ug mahinumdom kanako ug dili kalimtan ang imong ulipon nga babaye, hinuon mohatag sa imong ulipon nga babaye ug usa ka anak nga lalaki, ako maghalad kaniya alang sa Ginoo sa tanang adlaw sa iyang kinabuhi, ug walay labaha nga modapat sa iyang ulo.”

1 Samuel 15:34

Unya si Samuel miadto sa Rama ug si Saul mitungas ngadto sa iyang balay didto sa Gibea ni Saul.

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.

1 Samuel 19:18

Busa si David mipalayo ug miikyas ug miadto kang Samuel sa Rama, ug misugilon kaniya sa tanang gihimo ni Saul kaniya. Ug siya ug si Samuel nangadto ug mipuyo sa Naiot.

1 Samuel 2:11

Unya si Elkana mipauli ngadto sa iyang balay sa Rama. Ug ang bata nag-alagad sa Ginoo uban sa pari nga si Eli.

1 Samuel 25:1

Unya namatay si Samuel, ug ang tibuok nga Israel nagtigom ug nagbangutan alang kaniya, ug gilubong siya didto sa iyang balay sa Rama. Unya si David mitindog ug miadto sa kamingawan sa Paran.

1 Samuel 7:17

Unya siya adto mouli sa Rama kay atua man didto ang iyang balay, ug didto nagpahamtang usab siya sa hustisya alang sa Israel, ug didto naghimo siya ug usa ka halaran alang sa Ginoo.

1 Samuel 8:4

Unya ang tanang kadagkoan sa Israel nagtigom ug nangadto kang Samuel didto sa Rama,

1 Samuel 9:26

Unya sa pagbanagbanag, gitawag ni Samuel si Saul didto sa atop, “Bangon, aron pagikanon ko ikaw.” Busa si Saul mibangon, ug siya ug si Samuel nanggawas ngadto sa dalan.