1 Pedro 5:8

Ang Biblia 2011

Pagmaigmat, pagbantay kanunay. Ang inyong kaaway nga mao ang yawa naglibotlibot sama sa liyon nga nagngulob ug nangita ug iyang matukob.

Cross References

Ester 7:6

Si Ester miingon, “Usa ka kabatok ug kaaway! Kining daotan nga Haman!” Unya si Haman nahadlok sa atubangan sa hari ug sa rayna.

Job 2:2

Ang Ginoo miingon kang Satanas, “Diin ba ikaw gikan?” Ug si Satanas mitubag sa Ginoo, “Gikan sa pagngadto-nganhi sa yuta, ug gikan sa pagsaka ug pagkanaog niini.”

Salmo 104:21

Ang mga batan-on nga liyon nagngulob sa ilang tukbonon, nangita sa ilang makaon gikan sa Dios.

Salmo 109:6

Itudlo batok kaniya ang usa ka tawo nga daotan, ipataral siya sa usa ka kaaway diha sa hukmanan.

Mga Panultihon 19:12

Ang kasuko sa hari sama sa pagngulob sa usa ka liyon, apan ang iyang kahimuot sama sa yamog sa balili.

Mga Panultihon 20:2

Ang makalilisang nga kapungot sa usa ka hari sama sa pagngulob sa usa ka liyon; siya nga naghagit kaniya sa pagkasuko mawad-an sa iyang kinabuhi.

Mga Panultihon 28:15

Sama sa usa ka liyon nga nagngulob o sa usa ka oso nga kadasmagon ang usa ka daotan nga pangulo ngadto sa kabos nga katawhan.

Isaias 50:8

siya nga naglaban kanako ania sa duol. Kinsa ba ang makigbisog batok kanako? Mag-usa kita sa pagtindog. Kinsa ba ang akong kabatok? Paduola siya kanako.

Jeremias 2:15

Ang mga liyon nagngulob batok kaniya, nangugulob sila pag-ayo. Ilang gihimo nga awaaw ang iyang yuta; ang iyang mga siyudad nangagun-ob, walay nagpuyo.

Jeremias 51:38

“Sila magdungan sa pagngulob sama sa mga liyon, sila magngulob sama sa mga itoy nga liyon.

Ezequiel 19:7

Unya iyang giguba ang ilang mga kuta, ug iyang gilaglag ang ilang mga siyudad; ug ang yuta nalisang ug ang tanan nga diha niini, tungod sa kagahob sa iyang pagngulob.

Ezequiel 22:25

Ang mga pangulo niini sa taliwala kaniya sama sa liyon nga nagngulob nga nagkuniskunis sa tinukob. Gilamoy nila ang mga tawo, gikuha nila ang bahandi ug bililhon nga mga butang, gipadaghan nila ang mga biyuda sa iyang taliwala.

Daniel 6:24

Ug ang hari misugo ug kadtong mga tawo nga misumbong batok kang Daniel gidala ug gipangtambog ngadto sa langob sa mga liyon, sila, ang ilang mga anak, ug ang ilang mga asawa. Ug sa wala pa sila maabot sa ilalom sa langob, ang mga liyon mihasmag na kanila ug gidugmok ang tanan nilang mga bukog.

Oseas 11:10

Sila mosunod sa Ginoo, nga magngulob sama sa liyon. Oo, siya magngulob, ug ang iyang mga anak mangabot nga magkurog gikan sa kasadpan.

Oseas 13:8

Mohasmag ako kanila sama sa usa ka oso nga nawad-an sa iyang mga itoy, ug laksion nako ang ilang dughan, ug didto ako maglamoy kanila sama sa usa ka liyon nga baye, sama sa usa ka mananap nga ihalas nga magwataswatas kanila.

Joel 3:16

Ang Ginoo mipadahunog gikan sa Zion, ug mipatugbaw sa iyang tingog gikan sa Jerusalem, ug ang kalangitan ug ang yuta nangurog. Apan ang Ginoo dalangpanan sa iyang katawhan, usa ka salipdanan alang sa katawhan sa Israel.

Amos 1:2

Ug siya miingon, “Ang Ginoo nagdahunog gikan sa Zion, ug mipalanog sa iyang tingog gikan sa Jerusalem; ang mga sibsibanan sa mga tigbantay sa karnero nagsubo ug ang kinatumyan sa Carmel nalaya.”

Amos 3:4

Mongulob ba ang liyon didto sa kalasangan, kon siya walay tinukob? Motingog ba ang batan-ong liyon diha sa iyang lungib kon kini walay nakuha?

Amos 3:8

Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”

Zacarias 11:3

Pamatia ang tingog sa pagminatay sa mga tigbantay sa karnero, kay ang ilang himaya nawagtang na! Pamatia ang pagngulob sa mga liyon, kay ang kalasangan sa Jordan nalaglag!

Zacarias 3:1

Unya iyang gipakita kanako si Josue, ang labawng pangulong pari nga nagtindog sa atubangan sa anghel sa Ginoo, ug si Satanas nga nagtindog dapit sa iyang tuo nga kamot aron sa pagsumbong kaniya.

Mateo 13:39

Ug ang kaaway nga nagsabod kanila mao ang yawa, ang ting-ani mao ang kataposan sa kapanahonan ug ang mga tig-ani mao ang mga anghel.

Mateo 24:42

Busa pagtukaw kamo kay wala kamo mahibalo unsang adlawa moabot ang inyong Ginoo.

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

Mateo 4:1

Unya si Jesus gidala sa Espiritu ngadto sa kamingawan aron tintalon sa yawa.

Mateo 4:11

Unya ang yawa mibiya kaniya ug dihay mga anghel nga miabot ug mialagad kaniya.

Marcos 4:15

Mao kini sila ang diha sa daplin sa dalan diin gisabod ang pulong; sa ilang pagkadungog, si Satanas mitungha dayon ug iyang gisakmit ang pulong nga gikasabod diha kanila.

Lucas 21:34

“Apan kinahanglang magbantay kamo sa inyong kaugalingon, basin ug ang inyong mga kasingkasing mapuno sa pagpatuyang ug sa pagkahubog ug sa mga kabalaka niining kinabuhia, ug unya kadtong adlawa moabot kaninyo sa kalit,

Lucas 21:36

Apan pagbantay kamo sa tanang panahon, nga mag-ampo nga unta makabaton kamo ug kalig-on aron sa pag-ikyas gikan niining tanang mga butang nga mahitabo ug sa pagbarog sa atubangan sa Anak sa Tawo.”

Lucas 22:31

“Simon, Simon, tan-awa! Si Satanas nangayo nga kamo iyang ayagon sama sa trigo,

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

2 Mga Taga-Corinto 2:11

aron dili kita pahimuslan ni Satanas kay kita nahibalo man sa iyang mga pamaagi.

Mga Taga-Efeso 4:27

ug ayaw ninyo hatagi ug higayon ang yawa.

Mga Taga-Efeso 6:11

Isul-ob ninyo ang tibuok kahimanan sa gubat nga gikan sa Dios aron makabarog kamo batok sa mga pagpanglimbong sa yawa.

1 Timoteo 2:15

Apan ang babaye maluwas pinaagi sa iyang pagpanganak kon siya magpadayon diha sa pagtuo ug gugma ug pagkabalaan inubanan sa kaligdong.

1 Timoteo 2:9

Ang mga babaye usab magmaligdong ug magtarong sa ilang kaugalingon dili pinaagi sa buhok nga sinapid, o sa bulawan o sa mga mutya o sa mga mahalon nga bisti,

1 Timoteo 3:11

Ang mga babaye usab kinahanglang magmaligdong, dili tigpanaot ug dungog sa uban kondili mapinugnganon sa kaugalingon ug kasaligan sa tanang mga butang.

1 Timoteo 3:2

Ang pangulo sa iglesia kinahanglan nga dili salawayon, bana sa usa ka asawa, mapinugnganon sa kaugalingon, buotan, ligdong, maabiabihon, maayo sa pagpanudlo,

2 Timoteo 4:17

Apan ang Ginoo mibarog tupad kanako ug gilig-on ako aron pinaagi kanako ang pagsangyaw hingpit nga matuman ug ang tanang mga Gentil makadungog niini. Ug ako giluwas gikan sa baba sa liyon.

Tito 1:8

kondili maabiabihon, mahigugmaon sa maayo, mabuot, matarong, putli, mapinugnganon sa kaugalingon,

Tito 2:12

nagtudlo kanato sa pagbiya sa pagkadili diosnon ug sa mga pangibog nga kalibotanon ug sa pagkinabuhi nga mapinugnganon sa kaugalingon, matarong ug diosnon niining panahona karon,

Tito 2:2

Ang gulanggulang nga mga lalaki kinahanglan nga magmapinugnganon sa kaugalingon, magmaligdong, mabuot, lig-on diha sa pagtuo, sa gugma ug sa pagkamapailobon.

Tito 2:4

aron sila makatudlo sa mga batan-ong babaye paghigugma sa ilang mga bana ug mga anak,

Tito 2:6

Dasiga usab ang mga batan-ong lalaki sa pagpugong sa ilang kaugalingon.

Santiago 4:7

Busa pagpailalom kamo sa Dios. Sukli ninyo ang yawa ug siya mopalayo gikan kaninyo.

1 Pedro 1:13

Busa andama ang inyong mga salabotan, pagmaugdang, laomi ninyo sa hingpit ang grasya nga ihatag kaninyo inigpadayag unya kang Jesu-Cristo.

1 Pedro 4:7

Ang kataposan sa tanang butang nagkaduol na, busa batoni ninyo ang maayong panghunahuna ug maayong panimuot alang sa mga pag-ampo.

Gipadayag 12:10

Ug usa ka kusog nga tingog didto sa langit akong nadungog nga nag-ingon, “Karon miabot na ang kaluwasan ug ang gahom ug ang gingharian sa atong Dios ug ang kagahom sa iyang Cristo, kay gikatambog na ang tigsumbong batok sa atong kaigsoonan, siya nga sa adlaw ug sa gabii mao ang nagsumbong batok kanila sa atubangan sa atong Dios.

Gipadayag 12:12

Busa paglipay, O kalangitan ug kamo nga mga nagpuyo niini! Apan alaot kamo, O yuta ug dagat, kay diha kaninyo nanaog ang yawa nga puno sa dakong kapungot kay nasayod man siya nga mubo na lamang ang iyang panahon!”

Gipadayag 12:9

Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.

Gipadayag 20:10

Ug ang yawa nga nagpahisalaag kanila gitambog ngadto sa linaw nga kalayo ug asupri diin atua ang bangis nga mananap ug ang mini nga propeta, ug didto sakiton sila adlaw ug gabii hangtod sa kahangtoran.

Gipadayag 20:2

Ug iyang gidakop ang dragon, ang karaang bitin, nga mao ang Yawa ug si Satanas, ug gigapos sulod sa usa ka libo ka tuig,

Mga Maghuhukom 14:5

Unya si Samson milugsong uban sa iyang amahan ug sa iyang inahan ngadto sa Timna, ug nahiabot siya sa kaparasan sa Timna. Ug dihay usa ka nati nga liyon nga mingulob batok kaniya.