1 Pedro 5:5

Ang Biblia 2011

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”

Cross References

2 Cronicas 6:41

“Busa karon tindog, O Ginoong Dios, ug adto sa imong dapit nga pahulayanan, ikaw ug ang sudlanan sa imong gahom. Himoa nga ang imong mga pari, O Ginoong Dios, masul-oban sa kaluwasan, ug himoa nga ang imong mga balaan magmalipayon diha sa imong pagkamaayo.

Job 22:29

Kay ang Dios magpaubos sa mapahitas-on, apan magluwas sa mapainubsanon.

Job 29:14

Gisul-ob nako ang pagkamatarong, ug gibistihan ako niini; ang akong hustisya sama sa kupo ug purong sa ulo.

Salmo 132:16

Ang iyang mga pari akong bistihan ug kaluwasan, ang iyang mga balaan magsinggit sa kalipay.

Salmo 132:9

Pasul-obi sa pagkamatarong ang imong mga pari; ug pahugyawa sa kalipay ang imong mga balaan.

Salmo 138:6

Kay bisan ug halangdon pa ang Ginoo, siya nagtagad sa mga ubos ug kahimtang, apan ang mapalabilabihon naila na niya gikan pa sa layo.

Mga Panultihon 25:7

kay maayo nga sultihan ikaw, “Saka ngari,” kay sa ibutang ikaw sa ubos diha sa atubangan sa pangulo. Unsay nakita sa imong mga mata

Mga Panultihon 3:34

Ngadto sa mga mayubiton, siya mayubiton, apan ngadto sa mga mapaubsanon siya magpakita ug grasya.

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Isaias 61:10

Ako maglipay pag-ayo diha sa Ginoo, ang akong kalag magmalipayon diha sa akong Dios; kay ako gibistihan niya sa mga bisti sa kaluwasan, ako gisul-oban niya sa kupo sa pagkamatarong, sama sa pamanhonon nga nagdayandayan sa iyang kaugalingon sa usa ka purongpurong nga bulak, ug sama sa pangasaw-onon nga nagdayandayan sa iyang kaugalingon sa iyang mga alahas.

Isaias 66:2

Kining tanang mga butanga gibuhat sa akong kamot, busa kining tanang mga butanga akoa, nag-ingon ang Ginoo. Apan kini mao ang tawo nga akong tan-awon, siya nga mapaubsanon ug mahinulsolon sa espiritu, ug nagkurog tungod sa akong pulong.

Ezequiel 26:16

Unya ang tanang mga pangulo sa dagat mokanaog gikan sa ilang mga trono ug hukason ang ilang mga kupo ug huboon nila ang ilang binurdahang mga bisti. Sila magsul-ob ug pagkurog diha sa ilang kaugalingon. Sila maglingkod sa yuta, ug matag gutlo magkurog ug malisang kanimo.

Daniel 11:12

Sa diha nga ang panon sa katawhan mabihag, ang iyang kasingkasing bayawon ug siya magtambog ug kaliboan ka libo apan dili siya modaog.

Levitico 19:32

“Tindog sa atubangan sa ubanon ug ulo, ug tahora ang nawong sa tawo nga tigulang, ug kahadloki ang imong Dios. Ako mao ang Ginoo.

Lucas 22:26

Apan kamo dili ingon niana kondili, kinahanglan nga ang labing dako kaninyo mahimong labing gamay sa tanan, ug ang pangulo ingon nga alagad.

Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

Roma 13:14

Apan isul-ob ninyo ang Ginoong Jesu-Cristo, ug ayaw tagda ang unod alang sa mga pangibog niini.

Mga Taga-Efeso 5:21

Magpasakop kamo nga masinugtanon sa usa ug usa ingon nga nagtahod kang Cristo.

Mga Taga-Filipos 2:3

Ayaw kamo pagbuhat ug bisan unsa pinaagi sa kahakog o pagpagarbo sa kaugalingon, apan diha sa pagpaubos isipa ang uban nga labaw pang maayo kay sa inyong kaugalingon.

Mga Taga-Colosas 3:12

Ingon nga kamo mga pinili sa Dios, balaan ug hinigugma, isul-ob ninyo ang pagkamabination, pagkamaluluy-on, pagkamapaubsanon, kaaghop, ug pailob;

1 Timoteo 5:1

Ayaw kasab-i ang lalaking gulang kondili tambagi siya ingon nga amahan, ang mga batan-ong lalaki ingon nga mga igsoon,

Mga Hebreo 13:17

Pagmasinugtanon kamo sa inyong mga pangulo, ug pagpailalom kamo kanila, kay sila nagtukaw alang sa inyong mga kalag, ingon nga sila mga tawo nga unya maghatag ug husay, aron ang ilang buluhaton himoon nila uban sa kalipay, dili uban sa kasubo, kay kini dili man makahatag kaninyo ug kaayohan.

Santiago 4:6

Apan siya naghatag ug dugang pa nga grasya, busa ang kasulatan nag-ingon, “Ang Dios nagsanta sa mga mapahitas-on, apan sa mga mapaubsanon siya naghatag ug grasya.”

1 Pedro 3:8

Sa kataposan, kamong tanan, kinahanglang mag-usa sa hunahuna, magbinatiay, maghigugmaay ingon nga mga igsoon, maluluy-on, ug mapaubsanon sa hunahuna,

1 Pedro 4:1

Busa ingon nga si Cristo nag-antos diha sa lawas, sangkapi ninyo ang inyong kaugalingon sa samang hunahuna, kay siya nga mag-antos diha sa lawas makahunong na sa pagpakasala,

1 Pedro 4:5

Apan kini sila maghatag ra unya ug husay ngadto kaniya nga andam sa paghukom sa mga buhi ug sa mga patay.