1 Pedro 5:3

Ang Biblia 2011

dili sa pagharihari kanila nga gipiyal kaninyo kondili ingon nga mga panag-ingnan sa panon.

Cross References

Salmo 33:12

Bulahan ang nasod nga ang Dios mao ang Ginoo, ang katawhan nga gipili niya ingon nga iyang panulundon!

Salmo 74:2

Hinumdomi ang imong katilingban nga imong gikuha sa dugay nang panahon, nga imong gilukat aron mahimo nga banay sa imong panulundon! Hinumdomi ang bukid sa Zion, nga imong gipuy-an.

Ezequiel 34:4

Ang huyang wala ninyo palig-ona, ang masakiton wala tambali, ang napiang wala ninyo bugkosi, ang nasaag wala ninyo dad-a pagbalik, ang nawala wala ninyo pangitaa, ug uban sa kusog ug kabangis gimandoan ninyo sila.

Miqueas 7:14

Bantayi ang imong katawhan pinaagi sa imong sungkod, ang panon sa imong panulundon, nga nagpuyo nga nag-inusara diha sa kalasangan taliwala sa tanaman; pasibsiba sila didto sa Basan ug sa Gilead sama sa kanhing mga adlaw.

Numeros 18:7

Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”

Juan 13:15

Kay usa ka panig-ingnan ang akong gihatag kaninyo, aron kamo kinahanglang magbuhat usab sama sa akong gibuhat kaninyo.

Mga Buhat 20:28

Bantayi ninyo ang inyong kaugalingon ug ang tibuok pundok, nga niini ang Espiritu Santo naghimo kaninyong mga tinugyanan, sa pag-atiman sa iglesia sa Dios nga iyang nabatonan pinaagi sa dugo sa iyang kaugalingong Anak.

1 Mga Taga-Corinto 11:11

Hinuon, diha sa Ginoo ang babaye dili makahimo nga wala ang lalaki o makahimo ang lalaki nga wala ang babaye.

1 Mga Taga-Corinto 3:5

Busa unsa man diay si Apolos? Unsa man usab si Pablo? Sila mga alagad nga pinaagi kanila kamo mituo, ug ang matag usa sumala sa gihatag sa Ginoo.

1 Mga Taga-Corinto 3:9

Kay kami mga kauban nga magbubuhat nga iya sa Dios, kamo ang uma sa Dios, ang balay sa Dios.

2 Mga Taga-Corinto 1:24

Dili ingon nga nagpaka-agalon kami kaninyo sa inyong pagtuo, hinuon, kami naghago uban kaninyo alang sa inyong kalipay, tungod kay kamo malig-ong nagbarog sa inyong pagtuo.

2 Mga Taga-Corinto 4:5

Kay wala kami magwali mahitungod sa among kaugalingon kondili si Jesu-Cristo ingon nga Ginoo ug kami mga ulipon ninyo tungod kang Jesus.

Deuteronomio 32:9

Kay ang bahin sa Ginoo mao ang iyang katawhan, si Jacob ang pahat nga iyang panulundon.

Mga Taga-Filipos 3:17

Mga igsoon, duyog kamo sa pagsundog kanako ug timan-i ninyo sila nga nagkinabuhi sa ingon sumala sa panag-ingnan nga inyong nadawat kanamo.

Mga Taga-Filipos 4:9

Buhata ninyo ang inyong nakat-onan ug nadawat ug nadungog ug nakita kanako ug ang Dios sa kalinaw mag-uban kaninyo.

1 Mga Taga-Tesalonica 1:7

Tungod niana kamo nahimong panag-ingnan sa tanang mga magtutuo sa Macedonia ug sa Acaya.

2 Mga Taga-Tesalonica 3:9

Dili ingon nga kami walay katungod niini, kondili aron nga makahatag kami ug panag-ingnan kaninyo aron inyong sundon.

1 Timoteo 4:12

Ayaw itugot nga adunay magtamay sa imong pagkabatan-on, hinuon alang sa mga magtutuo, pagkinabuhi ingon nga panag-ingnan diha sa sinultihan, sa paggawi, sa gugma, sa pagtuo, sa kaputli.

Tito 2:7

Sa tanang butang ipakita ang imong kaugalingon ingon nga panag-ingnan sa maayong binuhatan, diha sa pagpanudlo ipakita ang kaputli, kaligdong ug

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.