1 Pedro 5:2

Ang Biblia 2011

Atimana ninyo ang panon sa Dios nga anaa diha kaninyo, nga ilalom sa inyong pagbantay, dili ingon nga gipugos kamo kondili sa kinabubut-on sumala sa pagbuot sa Dios gayod, dili alang sa makauulawng pagpanapi kondili inubanan hinuon sa kadasig,

Cross References

2 Mga Hari 12:6

Apan hangtod sa ika-23 nga tuig sa paghari ni Jehoas, wala himoa sa mga pari ang pag-ayo sa balay.

Awit sa mga Awit 1:8

Kon ikaw wala masayod, O ikaw nga labing maanyag sa mga kababayen-an, sunda ang mga tunob sa kahayopan ug pasibsiba ang imong mga nati nga kanding duol sa mga tolda sa mga tigbantay sa karnero.

Isaias 40:11

Siya magpasibsib sa iyang panon sama sa usa ka tigbantay sa karnero, siya nagtigom sa mga nating karnero diha sa iyang bukton, magkugos kanila diha sa iyang dughan, ug malumong maggiya niadtong adunay mga gagmay.

Isaias 56:11

Ang mga iro dako ug kaon, sila dili gayod matagbaw. Ang mga tigbantay sa karnero usab walay panabot; sila misimang ngadto sa kaugalingon nilang mga dalan, ang matag usa sa iyang kaugalingong kaayohan, ang usa ug ang tanan.

Isaias 6:8

Unya akong nadungog ang tingog sa Ginoo nga nag-ingon, “Kinsa man ang akong ipadala, ug kinsay moadto alang kanamo?” Unya miingon ako, “Ania ako, paadtoa ako.”

Isaias 63:11

Unya nahinumdom siya sa mga adlaw sa kanhing panahon, mahitungod kang Moises nga iyang sulugoon. Hain na man siya nga nagpakawas kanila gikan sa dagat sa mga tigbantay sa iyang panon sa karnero? Hain man siya nga nagbutang sa iyang balaan nga Espiritu taliwala kanila,

Jeremias 13:17

Apan kon kamo dili mamati, ang akong kalag mohilak sa tago tungod sa inyong garbo; ug ang akong mga mata mohilak pag-ayo ug magpaagas sa mga luha, kay ang panon sa Ginoo nabihag.

Jeremias 13:20

“Iyahat ang inyong mga mata ug tan-awa ang nangabot gikan sa amihanan. Hain na man ang panon nga gihatag kanimo, ang imong matahom nga panon?

Jeremias 6:13

“Kay gikan sa labing gamay ngadto sa labing dako kanila, ang matag usa hakog sa dili matarong nga ganansiya; ug gikan sa propeta ngadto sa pari, ang matag usa nanglimbong.

Jeremias 8:10

Busa akong ihatag ang ilang mga asawa ngadto sa lain ug ang ilang mga uma ngadto sa mobuntog kanila, tungod kay gikan sa labing gamay ngadto sa labing dagko ang matag usa hakog sa dili matarong nga ganansiya; gikan sa propeta ngadto sa pari ang matag usa naglimbong.

Ezequiel 34:23

Ug ibutang nako ang usa ka tigbantay ibabaw kanila, ang akong alagad nga si David, ug siya magpasibsib kanila. Siya magpasibsib kanila ug siya mahimong ilang tigbantay.

Ezequiel 34:31

Ug kamo akong mga karnero, ang mga karnero sa akong sibsibanan, kamo katawhan, ug ako mao ang inyong Dios, nag-ingon ang Ginoong Dios.”

Ezequiel 46:24

Unya siya miingon kanako, “Mao kini ang mga lawak nga lutoanan, diin ang mga mag-alagad sa Templo magluto sa halad sa katawhan.”

Miqueas 3:11

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Miqueas 5:4

Ug siya motindog ug magpakaon sa iyang panon diha sa kusog sa Ginoo, diha sa pagkahalangdon sa ngalan sa Ginoo nga iyang Dios. Ug sila magpuyo nga layo sa kakuyaw kay karon siya mahimong bantogan hangtod sa mga kinatumyan sa kalibotan.

Miqueas 7:14

Bantayi ang imong katawhan pinaagi sa imong sungkod, ang panon sa imong panulundon, nga nagpuyo nga nag-inusara diha sa kalasangan taliwala sa tanaman; pasibsiba sila didto sa Basan ug sa Gilead sama sa kanhing mga adlaw.

Zacarias 11:17

Alaot ang walay pulos nako nga tigbantay sa karnero, nga mibiya sa iyang panon! Masamaran unta sa espada ang iyang bukton ug ang iyang tuo nga mata! Ang iyang bukton mokuyos unta sa hingpit, ug ang iyang tuo nga mata mabuta sa hingpit!”

Malaquias 1:10

Aduna untay usa kaninyo nga magtak-op sa mga pultahan aron dili kamo maghaling ug kalayo ibabaw sa akong halaran sa walay hinungdan! Wala akoy kahimuot kaninyo, nag-ingon ang Ginoo sa mga panon, ug dili ako modawat ug halad gikan sa inyong kamot.

Numeros 18:7

Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”

Lucas 12:32

“Ayaw kahadlok, gamayng panon, kay gikahimuot sa inyong Amahan ang paghatag kaninyo sa gingharian.

Mga Buhat 20:29

Ako nahibalo nga sa akong pagbiya ang mga bangis nga mga lubo mosulod nganha kaninyo nga walay sayloan sa panon

Mga Buhat 21:13

Unya siya mitubag, “Unsa ba kining inyong gibuhat nga naghilak man kamo ug nagsamad sa akong kasingkasing? Andam ako dili lamang sa pagpabilanggo, kondili bisan sa pagpakamatay didto sa Jerusalem tungod sa ngalan sa Ginoong Jesus.”

Roma 1:15

Busa kutob sa akong mahimo, andam ako sa pagwali sa Maayong Balita diha usab kaninyo nga anaa sa Roma.

1 Mga Taga-Corinto 9:7

Kinsa bay nagsundalo sa iyang kaugalingong gasto? Kinsa bay nagtanom ug parasan nga dili mokaon sa bunga niini? Kinsa bay nagbuhi ug mga hayop nga dili motilaw sa gatas niini?

1 Timoteo 3:3

dili palahubog, dili tigpangdapat hinuon lumo, dili palaaway, ug dili mahigugmaon ug salapi.

1 Timoteo 3:8

Ang mga alagad usab sa iglesia kinahanglang magmaligdong, matinud-anon, dili tig-inom ug daghang bino, dili hakog sa salawayong pagpanapi.

Tito 1:11

nga kinahanglang pahilomon kay sila nangguba ug tibuok nga mga panimalay pinaagi sa pagpanudlo ug mga butang nga dili angay, aron sa pagpanapi.

Tito 1:7

Kay ang pangulo sa iglesia, ingon nga piniyalan sa Dios, kinahanglang dili masaway, dili magpahimuot sa iyang kaugalingon, dili masuk-anon, dili hinginom ug bino, dili tigpangdapat, dili hinapi

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Tito 3:1

Pahinumdomi sila nga magmasinugtanon sa mga pangulo ug mga kagamhanan, magmatinumanon, mag-andam alang sa tanang maayong buhat,

Filemon 1:14

Apan dili ako buot nga magbuhat nga walay pag-uyon gikan kanimo aron ang imong kaayo dili mahimo pinaagi sa pagpugos kondili sa imong kaugalingong kabubut-on.

Mga Hebreo 12:15

Tan-awa ninyo nga walay si bisan kinsa nga mapakyas sa pagkab-ot sa grasya sa Dios, nga walay “gamot sa kapaitan” nga maghimo ug kasamok ug tungod niini, daghan ang mahugaw,

2 Pedro 2:3

Tungod sa ilang kahakog, ila kamong panapion pinaagi sa tinumotumo nga mga pulong. Sukad pa sa karaang panahon ang hukom kanila wala maghunong, ug ang ilang kalaglagan wala matulog.