1 Pedro 5:1

Ang Biblia 2011

Busa ako magtambag sa mga kadagkoan diha kaninyo, ingon nga kauban ug saksi sa mga pag-antos ni Cristo, ug mag-aambit usab sa himaya nga ipadayag unya.

Cross References

Lucas 24:48

Kamo mao ang mga saksi niining mga butanga.

Mga Buhat 1:22

sukad sa pagpamautismo ni Juan hangtod sa adlaw nga siya gibayaw gikan kanato—usa niining mga tawhana nga kinahanglan mahimong usa ka saksi uban kanamo mahitungod sa iyang pagkabanhaw.”

Mga Buhat 1:8

Apan makadawat kamo ug gahom sa diha nga mokunsad na kaninyo ang Espiritu Santo ug kamo mao unya ang akong mga saksi sa Jerusalem ug sa tibuok Judea ug Samaria ug hangtod sa kinatumyan sa kalibotan.”

Mga Buhat 11:30

Ug kini gibuhat nila, gipadala kini ngadto sa mga kadagkoan pinaagi sa mga kamot ni Bernabe ug ni Saulo.

Mga Buhat 14:23

Ug sa nakatudlo na sila ug mga kadagkoan alang kanila diha sa matag iglesia, pinaagi sa pag-ampo ug mga pagpuasa, ilang gitugyan sila ngadto sa Ginoo nga ilang gituohan.

Mga Buhat 15:4

Sa pag-abot nila sa Jerusalem, giabiabi sila sa iglesia ug sa mga apostoles ug sa mga kadagkoan, ug ilang gisulti ang tanang gibuhat sa Dios kanila.

Mga Buhat 15:6

Unya nagtigom ang mga apostoles ug mga kadagkoan aron sa pagsusi niining butanga.

Mga Buhat 2:32

Kining maong Jesus gibanhaw sa Dios, ug niini kaming tanan mga saksi.

Mga Buhat 20:17

Gikan sa Mileto nagpasugo siya ngadto sa Efeso sa pagtawag sa mga kadagkoan sa iglesia.

Mga Buhat 20:28

Bantayi ninyo ang inyong kaugalingon ug ang tibuok pundok, nga niini ang Espiritu Santo naghimo kaninyong mga tinugyanan, sa pag-atiman sa iglesia sa Dios nga iyang nabatonan pinaagi sa dugo sa iyang kaugalingong Anak.

Mga Buhat 21:18

Sa pagkasunod adlaw, si Pablo miuban kanamo ngadto kang Santiago ug ang tanang mga kadagkoan didto usab.

Mga Buhat 3:15

ug inyong gipatay ang Tigmugna sa kinabuhi, ang gibanhaw sa Dios gikan sa mga patay, ug kami mga saksi niini.

2 Mga Taga-Corinto 5:1

Kay kita nasayod nga kon madugta na kining atong yutan-ong puluy-anan nga tolda, aduna kitay tinukod sa Dios, usa ka balay nga dili binuhat sa mga kamot, walay kataposan didto sa langit.

2 Mga Taga-Corinto 5:8

Busa kita masaligon ug maayo pa alang kanato nga mahimulag sa lawas ug makig-uban sa Ginoo.

Mga Taga-Filipos 1:19

Oo, ako usab maglipay kay ako nasayod nga pinaagi sa inyong mga pag-ampo ug sa tabang sa Espiritu ni Jesu-Cristo, kini mosangpot ra alang sa akong kagawasan.

1 Timoteo 5:1

Ayaw kasab-i ang lalaking gulang kondili tambagi siya ingon nga amahan, ang mga batan-ong lalaki ingon nga mga igsoon,

1 Timoteo 5:19

Ayaw pagdawat ug bisan unsang sumbong batok sa usa ka pangulo gawas kon adunay duha o tulo ka saksi.

2 Timoteo 4:8

Sukad karon adunay gitagana alang kanako nga purongpurong sa pagkamatarong nga niadto unyang adlawa iganti kanako sa Ginoo, ang matarong nga maghuhukom, ug dili lamang kanako ra kondili usab sa tanang mga nahigugma sa iyang pagpadayag.

Tito 1:5

Mao kini ang hinungdan nga gibilin ko ikaw sa Creta, aron ipahimutang nimo ang mga butang nga nakulang ug magtudlo ikaw ug mga kadagkoan sa matag lungsod sumala sa akong gisugo kanimo,

Filemon 1:9

apan tungod sa gugma ako maghangyo kanimo. Ako, si Pablo nga gulang na ug karon binilanggo usab tungod kang Cristo Jesus,

Mga Hebreo 12:1

Busa kay gilibotan man kita sa ingon ka baga nga panganod sa mga saksi, sinalikway ang tanang pagkamalahutayon ug ang sala nga daling mobalikos kanato, managan kita uban sa lahutay sa lumba nga gibutang sa atong atubangan,

1 Pedro 1:12

Kanila gipadayag kini, nga sila wala mag-alagad alang sa ilang kaugalingon, kondili alang kaninyo diha sa mga butang nga karon gipahibalo na kaninyo pinaagi kanila nga nagsangyaw sa Maayong Balita, pinaagi sa Espiritu Santo nga gipadala gikan sa langit, ang mga butang nga ang mga anghel nangandoy sa pagsud-ong.

1 Pedro 1:7

aron nga ang pagkatinuod sa inyong pagtuo, nga labaw pa ka bililhon kay sa bulawan nga madugta nga sulayan pinaagi ug kalayo, mosangpot ngadto sa pagdayeg ug paghimaya ug pagpasidungog inigpadayag unya kang Jesu-Cristo.

1 Pedro 4:13

Paglipay hinuon kamo sa inyong pag-ambit sa mga kasakit ni Cristo, aron kamo maglipay usab ug magsadya inigpadayag na unya sa iyang himaya.

1 Pedro 5:4

Ug inigpadayag unya sa pangulong Magbalantay, kamo makadawat unya sa mahimayaong purongpurong nga dili malawos.

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.

2 Juan 1:1

Ang pangulo, nganha sa pinili nga ginang ug sa iyang mga anak, nga akong gihigugma diha sa kamatuoran, ug dili lamang ako ra kondili ang tanan usab nga nahibalo sa kamatuoran,

3 Juan 1:1

Ang pangulo, nganha kang Gayo nga hinigugma, nga akong gihigugma diha sa kamatuoran.

Gipadayag 1:9

Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus.