1 Pedro 4:3

Ang Biblia 2011

Kay igo na kadtong nangaging panahon sa pagbuhat sumala sa kabubut-on sa mga Gentil, sa paggawi diha sa pagpatuyang, sa kaulag, sa paghuboghubog, sa mapatuyangong paghudyaka, sa walay hunong nga pag-inom ug dulumtanan nga pagsimba ug mga diosdios.

Cross References

2 Samuel 13:28

Unya si Absalom misugo sa iyang mga sulugoon, “Timan-i ninyo sa diha nga ang kasingkasing ni Amnon magmalipayon tungod sa bino, ug sa diha nga ako moingon kaninyo, ‘Tigbasa si Amnon,’ patya siya. Ayaw kahadlok; wala ba ako magsugo kaninyo? Pagmalig-on kamo ug pagmaisogon.”

1 Mga Hari 21:26

Nagbuhat siya ug hilabihan ka dulumtanan pinaagi sa pagsunod sa mga diosdios sumala sa gihimo sa mga Amorihanon nga gisalikway sa Ginoo atubangan sa katawhan sa Israel.

2 Cronicas 15:8

Sa pagkadungog ni Asa niining mga pulonga, sa propesiya ni Asarias nga anak ni Oded, siya nagmaisogon ug gikuha ang mga dulumtanan nga mga diosdios gikan sa tibuok yuta sa Juda ug sa Benjamin ug gikan sa mga siyudad nga iyang nakuha gikan sa kabungtoran sa Efraim ug iyang giayo ang halaran sa Ginoo nga diha sa atubangan sa agianan sa balay sa Ginoo.

Isaias 28:7

Kini usab sila nagsamparay tungod sa bino ug nagsusapinday tungod sa isog nga ilimnon; ang pari ug ang propeta nagsamparay tungod sa isog nga ilimnon, sila nangalibog tungod sa bino, sila nagsusapinday tungod sa isog nga ilimnon; sila nangasayop diha sa panan-aw, sila nangapandol diha sa paghukom.

Isaias 5:11

Alaot kadtong mosayo pagbangon sa buntag, aron mag-apas sa isog nga ilimnon, kadtong magtukaw sa tibuok gabii, hangtod nga sila manginit sa bino!

Isaias 65:4

nga naglingkod ibabaw sa mga lubnganan, ug nagpalabay sa kagabhion diha sa tagong mga dapit; nga nagkaon sa unod sa baboy, ug ang sabaw sa mga butang nga dulumtanan anaa sa ilang mga sudlanan;

Jeremias 16:11

ingna sila: ‘Tungod kay ang inyong mga katigulangan mibiya kanako, nag-ingon ang Ginoo, ug misunod sa laing mga dios ug nag-alagad ug nagsimba kanila ug mibiya kanako, ug wala magtuman sa akong balaod,

Jeremias 16:18

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Ezequiel 44:6

Ug sultihi ang masupilon, ang balay sa Israel, Mao kini ang giingon sa Ginoong Dios: O balay sa Israel, hunonga na ang tanan ninyong mga dulumtanan,

Ezequiel 45:9

“Mao kini ang giingon sa Ginoong Dios: Igo na, O mga pangulo sa Israel! Biyai ang kabangis ug ang pagpanglupig, ug ipahamtang ang hustisya ug ang pagkamatarong. Hunonga ang pagpangilog ninyo sa kabtangan sa akong katawhan, nag-ingon ang Ginoong Dios.

Marcos 7:22

kahakog, kadaotan, pagpanglimbong, kaulag, pagkadaotan ug tinan-awan, pagpasipala, pagkamapahitas-on, binuang.

Mga Buhat 17:30

Ang Dios wala manumbaling sa mga panahon sa pagkawalay alamag, apan karon nagsugo sa tanang mga tawo sa tanang dapit sa paghinulsol,

Roma 13:13

Ingon nga anaa sa kahayag, magkinabuhi kita nga ligdong, dili sa pagpatuyang ug sa paghubog, dili sa mga salawayong pakighilawas ug mga kalaw-ayan, dili sa pagpakig-away ug kasina.

1 Mga Taga-Corinto 12:2

Kamo nasayod nga sa mga pagano pa kamo, gipahisalaag kamo ngadto sa mga diosdios nga amang, sa bisan unsang paagi nga kamo madala.

1 Mga Taga-Corinto 6:11

Ug kaniadto ang uban kaninyo ingon niini. Apan kamo gihinloan na, kamo gibalaan na, kamo gihimo nang matarong diha sa ngalan sa Ginoong Jesu-Cristo ug pinaagi sa Espiritu sa atong Dios.

2 Mga Taga-Corinto 12:21

Nahadlok ako nga inig-anha nako diha pag-usab, tingalig maulawan ako sa akong Dios diha sa inyong atubangan, ug nga masubo ako sa daghan kanila nga nagpakasala kaniadto apan wala maghinulsol sa kahugaw, sa salawayong pakighilawas ug sa pagpatuyang nga ilang gihimo.

Mga Taga-Galacia 5:19

Ug dayag kaayo ang mga buhat sa unod nga mao kini: salawayong pakighilawas, kahugaw, kaulag,

Mga Taga-Galacia 5:21

kasina, paghuboghubog, mapatuyangong hudyaka ug mga butang nga sama niini. Pasidan-an ko kamo sama sa akong pagpasidaan kaninyo kaniadto, nga ang mga nagbuhat sa maong mga butang dili makapanunod sa gingharian sa Dios.

Mga Taga-Efeso 5:18

Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu.

1 Mga Taga-Tesalonica 4:5

dili diha sa tinguha sa kaulag sama sa mga Gentil nga wala makaila sa Dios,

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

1 Pedro 1:14

Ingon nga mga anak nga masinugtanon, ayaw kamo pagpahiuyon sa mga pangibog kaniadto sa wala pa kamoy kahibalo.

Judas 1:4

Kay nanulod sa hilom ang pipila ka mga tawo nga dugay nang gitagana alang niining maong paghukom, mga tawong dili diosnon nga nagtuis sa grasya sa atong Dios ngadto sa pagkamapatuyangon sa ilang kaibog ug sa pagsalikway sa atong Bugtong nga Agalon ug Ginoo, si Jesu-Cristo.