1 Pedro 4:12

Ang Biblia 2011

Mga hinigugma, ayaw kamo kahibulong sa nagdilaab nga pagsulay nga mahitabo kaninyo, ingon nga usa ka talagsaong butang ang nahitabo kaninyo.

Cross References

Ecclesiastes 5:8

Kon makita nimo diha sa usa ka lalawigan nga ang mga kabos gidaogdaog ug gihikawan sa hustisya ug katungod, ayaw kahibulong sa maong butang, kay ang labaw gisud-ong niadtong labaw pa ug adunay labaw pa kay kanila.

Isaias 28:21

Kay ang Ginoo motindog sama sa iyang gihimo didto sa Bukid sa Perasim, siya masuko sama sa iyang gihimo didto sa walog sa Gibeon; sa paghimo sa iyang buhat—katingalahan ang iyang buhat! ug sa pagbuhat sa iyang buluhaton— katingalahan ang iyang buluhaton!

Daniel 11:35

Ug ang uban kanila nga maalamon mangapukan, sa pag-ulay ug sa paghinlo kanila ug sa pagpaputi kanila, hangtod sa panahon sa kataposan kay kini alang pa man sa panahon nga gitakda.

1 Mga Taga-Corinto 10:13

Walay pagsulay nga miabot kaninyo nga wala masinati sa tawo. Ang Dios kasaligan, ug dili niya itugot nga kamo sulayon labaw sa inyong masarangan, apan uban sa pagsulay siya magtagana usab ug lutsanan, aron makasugakod kamo niini.

1 Mga Taga-Corinto 3:13

ang buhat sa matag usa mailhan ra unya kay ang Adlaw magpadayag niini nga pinaagi sa kalayo mailhan kini, ug ang kalayo magsulay sa buhat sa matag usa.

2 Timoteo 3:12

Sa pagkatinuod, ang tanan nga nagtinguha sa pagkinabuhi nga diosnon diha kang Cristo Jesus lutoson gayod.

1 Pedro 2:11

Mga hinigugma, mangamuyo ako kaninyo ingon nga mga dumuduong ug mga langyaw, sa paglikay sa lawasnong mga pangibog nga nakig-away batok sa kalag.

1 Pedro 4:4

Sila natingala nga kamo karon dili na makig-uban kanila sa samang pagpatuyang, ug kamo ila nang bugalbugalan.

1 Pedro 5:9

Sukol kamo kaniya ingon nga kamo lig-on sa inyong pagtuo, sa nahibaloan ninyo nga ang samang mga pag-antos kinahanglan gayod masinati ninyong tanan nga kaigsoonan nga ania sa kalibotan.