1 Pedro 4:10

Ang Biblia 2011

Sumala sa hiyas nga nadawat sa matag usa, gamita ninyo kini alang sa usa ug usa ingon nga mga maayong piniyalan sa nagkalainlaing grasya sa Dios.

Cross References

Mateo 20:28

sama nga ang Anak sa Tawo mianhi dili aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”

Mateo 24:14

Ug kining Maayong Balita mahitungod sa gingharian iwali ngadto sa tibuok nga kalibotan ingon nga pagsaksi ngadto sa tanang kanasoran ug unya moabot ang kataposan.

Mateo 24:21

Kay moabot unya ang dakong kalisdanan nga wala pa mahitabo sukad sa sinugdan sa kalibotan hangtod karon ug dili na gayod mahitabo pa.

Mateo 24:45

“Kinsa ba ang kasaligan ug maalamon nga ulipon nga gitudlo sa iyang agalon sa pagdumala sa panimalay niini aron paghatag kanila sa ilang pagkaon sa hustong panahon?

Mateo 25:17

Ang nakadawat ug duha ka talanton nakaganansya usab ug laing duha ka talanton.

Mateo 25:44

Ug motubag usab sila nga mag-ingon, ‘Ginoo, kanus-a ba kami makakita kanimo nga gigutom o giuhaw o dumuduong o hubo o masakiton o binilanggo, ug nga wala ikaw namo alagari?’

Marcos 10:45

Kay ang Anak sa Tawo wala moanhi aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”

Lucas 12:42

Ug ang Ginoo mitubag, “Kinsa man diay ang kasaligan ug maalamon nga piniyalan nga tugyanan sa iyang agalon sa pagdumala sa iyang panimalay, sa paghatag kanila sa ilang bahin sa pagkaon sa hustong panahon?

Lucas 19:13

Ug iyang gipatawag ang napulo sa iyang mga sulugoon, ug gihatagan niya sila ug napulo ka salapi nga plata ug giingnan sila, ‘Ipatigayon ninyo kini hangtod sa akong pagpauli.’

Lucas 8:3

ug si Juana, ang asawa ni Cusa nga sinaligan ni Herodes, ug si Susana, ug daghan pa nga naghatag gikan sa ilang mga katigayonan alang sa mga gikinahanglan ni Jesus ug sa iyang mga tinun-an.

Roma 15:25

Hinuon, sa pagkakaron, moadto ako sa Jerusalem sa paghatod ug tabang alang sa mga balaan.

Roma 15:27

Gikalipay nila ang paghimo niini, gani sila utangan kanila. Kay kon ang mga Gentil nakaambit man sa espirituhanong mga panalangin sa mga Judio, ila usab nga katungdanan ang pag-alagad sa mga Judio pinaagi sa ilang mga yutan-ong butang.

1 Mga Taga-Corinto 15:10

Apan pinaagi sa grasya sa Dios ako mao ako karon, ug ang grasya niya alang kanako wala mapakyas. Apan, ako nakabuhat ug labaw pa kay kang bisan kinsa kanila, hinuon dili ako kondili ang grasya sa Dios nga ania uban kanako.

1 Mga Taga-Corinto 3:10

Sumala sa grasya sa Dios nga gihatag kanako, ingon sa usa ka batid nga magtutukod, ako nagpahimutang sa patukoranan, apan laing tawo ang nagtukod ibabaw niini. Apan patan-awa ang matag usa kon unsaon niya sa pagtukod ibabaw niini.

1 Mga Taga-Corinto 4:7

Kay kinsa bay naghimo kanimo nga lahi? Ug unsa bay anaa kanimo nga wala nimo madawat? Ug kon ikaw nakadawat, nganong manghambog man ikaw nga daw wala makadawat?

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

2 Mga Taga-Corinto 9:1

Karon dili na kinahanglan nga magsulat pa ako kaninyo mahitungod sa papangalagad ngadto sa mga balaan,

Mga Taga-Efeso 3:8

Kanako, bisan tuod ug labing ubos sa tanang mga balaan, gihatag ang maong grasya aron akong iwali ngadto sa mga Gentil ang dili matugkad nga mga bahandi ni Cristo,

Mga Taga-Efeso 4:11

Ug ang iyang mga gasa mao nga ang uban mahimong mga apostoles, ang uban mga propeta, ang uban mga ebanghilista, ang uban mga pastor ug mga magtutudlo,

2 Timoteo 1:18

Hinaot nga ang Ginoo magtugot kaniya sa pagkakaplag ug kaluoy gikan sa Ginoo niadto unyang adlawa. Ikaw nasayod gayod sa tanang pagpangalagad nga iyang gihimo diha sa Efeso.

Tito 1:7

Kay ang pangulo sa iglesia, ingon nga piniyalan sa Dios, kinahanglang dili masaway, dili magpahimuot sa iyang kaugalingon, dili masuk-anon, dili hinginom ug bino, dili tigpangdapat, dili hinapi

Mga Hebreo 6:10

Kay ang Dios dili daotan nga tungod niana kalimtan na lamang niya ang inyong buhat ug ang gugma nga inyong gipadayag alang kaniya pinaagi sa inyong pag-alagad sa mga balaan, sama sa inyo pa gihapong gibuhat.

1 Pedro 5:10

Ug human kamo makaantos sa makadiyot, ang Dios sa tanang grasya nga nagtawag kaninyo ngadto sa iyang dayon nga himaya diha kang Cristo, mao gayod ang mangunay sa pagpahiuli, paglig-on, pagpabaskog ug pagpahimutang kaninyo.

1 Pedro 5:12

Pinaagi kang Silvano, igsoon nga kasaligan sumala sa akong pag-isip kaniya, nagsulat ako kaninyo sa minubo. Ako nagdasig kaninyo ug nagpahayag nga kini mao ang matuod nga grasya sa Dios, kinahanglan nga maglig-on kamo sa pagbarog niini.