1 Pedro 3:4

Ang Biblia 2011

kondili diha hinuon sa pagkatawo nga natago sulod sa kasingkasing pinaagi nianang dili madunot nga mao ang kaaghop ug malinawon nga espiritu nga bililhon kaayo sa atubangan sa Dios.

Cross References

Salmo 131:2

Apan akong gihupay ug gipahilom ang akong kalag, sama sa usa ka gilutas nga bata diha sa iyang inahan; sama sa usa ka gilutas nga bata mao usab ang akong kalag.

Salmo 147:6

Ang Ginoo nagtuboy sa mga giyatakan, iyang gipalukapa ang daotan ngadto sa yuta.

Salmo 149:4

Kay ang Ginoo mahimuot sa iyang katawhan, iyang dayandayanan ang mga mapaubsanon uban sa kadaogan.

Salmo 25:9

Tultolan niya ang mapaubsanon diha sa unsay matarong, ug tudloan niya ang mapaubsanon sa iyang dalan.

Salmo 45:13

uban sa tanang matang sa bahandi. Ang anak nga babaye sa hari sulod sa iyang lawak gisul-oban sa bulawan nga buda.

Salmo 51:6

Tan-awa, ikaw nagtinguha ug kamatuoran sa mga sulod nga bahin; busa tudloi ako sa kaalam diha sa tinago nakong kasingkasing.

Isaias 11:4

kondili pinaagi sa pagkamatarong maghukom siya sa mga kabos, ug maghukom uban ang katul-id alang sa mga mapaubsanon sa yuta, ug hampakon niya ang yuta pinaagi sa bunal sa iyang baba, ug pinaagi sa gininhawa sa iyang mga ngabil patyon niya ang daotan.

Isaias 29:19

Ang mga maaghop makabaton ug bag-o nga kalipay diha sa Ginoo, ug ang mga kabos sa mga tawo magmaya sa Balaan sa Israel.

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Isaias 61:1

Ang Espiritu sa Ginoong Dios ania kanako, tungod kay gidihogan ako sa Ginoo aron sa pagdala sa maayong balita ngadto sa mga sinakit; ako gipaanhi niya aron sa pagbugkos sa mga nadugmok nga kasingkasing, aron sa pagmantala sa kagawasan sa mga binihag, ug sa pag-abli sa bilanggoan alang sa mga ginapos;

Jeremias 51:59

Ang pulong nga gisugo ni Jeremias nga propeta kang Seraias nga anak ni Nerias nga anak ni Maseias, sa diha nga siya miadto sa Babilonia uban kang Zedekias nga hari sa Juda, sa ikaupat nga tuig sa iyang paghari. Si Seraias mao ang pangulong tinugyanan.

Mateo 11:29

Pas-ana ninyo ang akong yugo ug pagtuon kamo gikan kanako kay ako maaghop ug mapaubsanon sa kasingkasing ug makakaplag kamo ug pahulay alang sa inyong mga kalag.

Mateo 21:5

“Suginli ninyo ang babayeng anak sa Zion, tan-awa, ang imong hari moanha kanimo, malumo ug nagkabayo sa asno, ug sa iyang nati, ang laki nga anak sa asno.”

Mateo 23:26

Pariseo nga buta! hinloi una ang sulod sa baso ug sa plato aron ang gawas niini mahinlo usab.

Mateo 5:5

“Bulahan ang mga maaghop kay maila ang yuta.

Lucas 11:40

Mga buang! Dili ba nga ang naghimo sa gawas mao man usab ang naghimo sa sulod?

Lucas 16:15

Apan si Jesus miingon kanila, “Kamo mao ang mga nagpakamatarong sa inyong kaugalingon sa atubangan sa mga tawo, apan ang Dios nahibalo sa inyong mga kasingkasing kay ang gipakahalangdon sa mga tawo dulumtanan man sa atubangan sa Dios.

Roma 1:23

ug ang himaya sa dili mamatay nga Dios ilang gipulihan ug mga larawan nga sama sa tawo nga may kamatayon ug sa mga langgam ug sa mga mananap nga upat ang tiil ug sa mga binuhat nga nagkamang.

Roma 2:29

Ang pagka-Judio anaa sa sulod, ug ang pagkatinuli anaa sa kasingkasing, pinaagi sa Espiritu ug dili sa nasulat, kay ang pagdayeg dili gikan sa tawo kondili gikan sa Dios.

Roma 6:6

Kita nasayod nga ang atong karaang pagkatawo gilansang sa krus uban kang Cristo aron malaglag ang lawas sa sala ug dili na kita maulipon sa sala.

Roma 7:22

Kay sa kinasuloran sa akong pagkatawo gikalipay nako ang balaod sa Dios,

2 Mga Taga-Corinto 10:1

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

2 Mga Taga-Corinto 4:16

Busa kami wala maluya. Ug bisan tuod nagkahugo na ang gawas nga bahin sa among pagkatawo, ang among pagkatawo sa sulod gibag-o sa matag adlaw.

Mga Taga-Galacia 5:23

kaaghop, pagpugong sa kaugalingon. Walay balaod nga batok niining mga butanga.

Mga Taga-Efeso 4:2

uban ang tanang pagpaubos ug kaaghop, uban sa pailob, mag-inantosay sa usa ug usa diha sa gugma,

Mga Taga-Colosas 3:12

Ingon nga kamo mga pinili sa Dios, balaan ug hinigugma, isul-ob ninyo ang pagkamabination, pagkamaluluy-on, pagkamapaubsanon, kaaghop, ug pailob;

Mga Taga-Colosas 3:3

Kay kamo nangamatay ug ang inyong kinabuhi natago uban kang Cristo diha sa Dios.

1 Mga Taga-Tesalonica 4:11

sa pagtinguha sa pagpuyo nga malinawon, sa pagbuhat sa inyong kaugalingong mga buluhaton ug sa pagbudlay ginamit ang inyong mga kamot, sumala sa among pahimangno kaninyo,

2 Mga Taga-Tesalonica 3:12

Karon ang maong mga tawo among gisugo ug gitambagan diha sa Ginoong Jesu-Cristo, nga kinahanglan magbuhat sila nga malinawon aron makakaon sila sa ilang kaugalingong pagkaon.

1 Timoteo 2:2

alang sa mga hari ug sa tanang anaa sa taas nga katungdanan, aron kita magkinabuhi nga husay ug malinawon, diosnon ug matinahoron sa tanang paagi.

2 Timoteo 2:25

Uban sa kalumo kinahanglang magbadlong siya sa nagsupak kaniya, kay basin ug itugot sa Dios nga sila maghinulsol ug modangat sa pag-ila sa kamatuoran,

Tito 3:2

dili magsulti ug daotan mahitungod kang bisan kinsa, magmakigdaiton, magmalumo, ug magpakita sa hingpit nga pagkamatinahuron ngadto sa tanang tawo.

Santiago 1:21

Busa isalikway ang tanang kahugawan ug ang naghingapin nga pagkadaotan, ug dawata ninyo sa kaaghop ang gitisok nga pulong nga makaluwas sa inyong mga kalag.

1 Pedro 1:23

Kamo gipakatawo pag-usab, dili sa binhi nga madunot, kondili sa binhi nga walay pagkadunot pinaagi sa buhi ug mapadayonong pulong sa Dios,

1 Pedro 3:15

Apan sa sulod sa inyong mga kasingkasing gahina ninyo si Cristo ingon nga Ginoo, andam kamo kanunay sa pagtubag kang bisan kinsa nga mangutana sa hinungdan sa paglaom nga anaa kaninyo.

1 Samuel 16:7

Apan ang Ginoo miingon kang Samuel, “Ayaw pagtan-aw sa iyang nawong o sa gitas-on sa iyang barog tungod kay ako nagsalikway kaniya, kay ang Ginoo nagtan-aw dili ingon sa makita sa tawo, kay ang tawo nagtan-aw sa panagway sa gawas apan ang Ginoo nagtan-aw sa kasingkasing.”