1 Pedro 3:12

Ang Biblia 2011

Kay ang mga mata sa Ginoo anaa sa mga matarong, ug ang iyang mga dalunggan sa ilang mga pangamuyo. Apan ang nawong sa Ginoo batok sa mga nagbuhat ug daotan.”

Cross References

2 Cronicas 16:9

Kay ang mga mata sa Ginoo nagtan-aw ngadto-nganhi sa tibuok yuta aron sa pagpakita sa iyang gahom alang kanila nga ang mga kasingkasing putli ngadto kaniya. Naghimo ikaw ug binuang tungod niini. Busa sukad karon ikaw aduna nay mga gubat.”

2 Cronicas 7:15

Karon ang akong mga mata mabuka ug ang akong mga dalunggan mamati sa pag-ampo nga gihimo dinhi niining dapita.

Salmo 11:4

Ang Ginoo anaa sa iyang Templo nga balaan; ang trono sa Ginoo atua sa langit; ang iyang mga mata nagtan-aw, ang iyang pagsud-ong nagsusi sa mga anak sa mga tawo.

Salmo 33:18

Tan-awa, ang mata sa Ginoo anaa sa mga may kahadlok kaniya, sa mga nagsalig sa iyang gugmang walay paglubad,

Salmo 65:2

O ikaw nga magpatalinghog sa pag-ampo! Nganha kanimo manuol ang tanang tawo.

Salmo 80:16

Kini gisunog nila sa kalayo, giputol nila kini; mangalaglag unta sila diha sa imong pagbadlong!

Mga Panultihon 15:29

Ang Ginoo layo sa mga daotan, apan mamati siya sa pag-ampo sa mga matarong.

Mga Panultihon 15:3

Ang mga mata sa Ginoo anaa sa tanang dapit, nagbantay sa daotan ug sa maayo.

Mga Panultihon 15:8

Ang halad sa daotan usa ka dulumtanan sa Ginoo, apan ang pag-ampo sa matarong maoy iyang kalipay.

Jeremias 21:10

Kay nakahukom ako batok niining siyudad alang sa kadaotan ug dili alang sa kaayohan, nag-ingon ang Ginoo: ihatag kini ngadto sa kamot sa hari sa Babilonia ug iya kining sunogon sa kalayo.’

Jeremias 39:12

“Kuhaa siya ug atimana pag-ayo ug ayaw siya pasipad-i, hinuon buhata kaniya ang bisan unsa nga isulti niya kanimo.”

Ezequiel 15:7

Ug akong ipaatubang ang akong nawong batok kanila. Bisan ug makalingkawas sila gikan sa kalayo, ang kalayo maghurot gihapon kanila, ug kamo makaila nga ako mao ang Ginoo, sa diha nga ipaatubang nako ang akong nawong batok kanila.

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Levitico 20:3

Makigbatok gayod ako sa maong tawo ug ipahimulag nako siya gikan sa taliwala sa iyang katawhan, kay gihatag man niya ang usa sa iyang anak ngadto kang Molec, naghugaw sa akong balaan nga dapit ug nagpasipala sa akong balaan nga ngalan.

Levitico 20:6

“Kon ang usa ka tawo modangop ngadto sa mga tigpakisayod sa espiritu o sa mga tigsalamangka aron sa paghugawhugaw sunod kanila, ako makigbatok nianang tawhana ug ipahimulag siya gikan sa taliwala sa iyang katawhan.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Zacarias 4:10

Kay kinsa kadtong nagtamay sa adlaw sa mga gagmayng butang magmaya, ug makakita gayod sa tunton diha sa kamot ni Zerubabel. “Kining pito mao ang mga mata sa Ginoo nga nagtan-aw sa tibuok kalibotan.”

Juan 9:31

Nahibalo kita nga ang Dios dili mamati sa mga makasasala, apan kon ang usa ka tawo mahadlokon sa Dios ug nagtuman sa iyang kabubut-on, ang Dios mamati kaniya.

Deuteronomio 11:12

Kini yuta nga giatiman sa Ginoo nga inyong Dios. Ang mga mata sa Ginoo nga inyong Dios kanunay nga anaa niini, sukad sa sinugdan sa tuig hangtod sa kataposan sa tuig.

Santiago 5:16

Busa ngadto sa usa ug usa pagsinugiray kamo sa inyong mga sala ug pag-ampo kamo alang sa usa ug usa, aron kamo mangaayo. Ang pag-ampo sa tawong matarong dako ug kahimoan.