1 Pedro 2:7

Ang Biblia 2011

Busa alang kaninyo nga nagtuo, siya bililhon; apan alang kanila nga wala magtuo, “Ang maong bato nga gisalikway sa mga magtutukod nahimong ulohang bato nga patukoranan,”

Cross References

Isaias 28:5

Nianang adlawa ang Ginoo sa mga panon mahimong usa ka purongpurong sa himaya, ug usa ka purongpurong sa kaanyag, ngadto sa salin sa iyang katawhan;

Hageo 2:7

ug uyogon nako ang tanang mga nasod aron ang mga bahandi sa tanang mga nasod moabot ug pun-on nako sa himaya kining balaya, nag-ingon ang Ginoo sa mga panon.

Zacarias 4:7

Kinsa ba ikaw, O dako nga bukid? Sa atubangan ni Zerubabel ikaw mahimong patag, ug iyang pagulaon ang pangulong bato uban ang mga pagsinggit, ‘Grasya, grasya ngadto niini!’ ”

Mateo 21:42

Unya si Jesus miingon kanila, “Wala ba kamo makabasa niini diha sa kasulatan, ‘Ang bato nga gisalikway sa mga tigtukod nahimong ulohang bato nga patukoranan; buhat kini sa Ginoo ug makapahibulong gayod kini sa atong mga mata’?

Lucas 2:32

usa ka kahayag alang sa pagpadayag ngadto sa mga Gentil ug sa himaya alang sa imong katawhan, ang Israel.”

Lucas 2:34

Unya gipanalanginan sila ni Simeon ug siya miingon kang Maria nga inahan sa bata, “Tan-awa, kining bataa gigahin alang sa kapukanan ug sa pagbangon sa daghang mga tawo sa Israel, ug ingon nga ilhanan nga supakon—

Lucas 20:17

Apan mitutok siya kanila ug miingon, “Unsa man diay kining nasulat: ‘Ang maong bato nga gisalikway sa mga magtutukod nahimong ulohang patukoranan.’

Juan 4:42

Unya miingon sila sa babaye, “Dili na tungod sa imong mga pulong nga kami mituo, kay kami na gayod mao ang nakadungog kaniya ug among naila nga siya, sa pagkatinuod, mao ang Manluluwas sa kalibotan.”

Mga Buhat 26:19

“Tungod niini, O Hari Agripa, wala ako magmasinupakon sa langitnong panan-awon,

Roma 10:21

Apan mahitungod kang Israel siya miingon, “Sa tibuok adlaw gituy-od nako ang akong mga kamot ngadto sa katawhan nga masupilon ug masinupakon.”

Roma 15:31

aron maluwas ako gikan sa mga misupak didto sa Judea, ug nga ang akong pag-alagad alang sa Jerusalem kahimut-an unta sa mga balaan,

2 Mga Taga-Corinto 2:16

ngadto sa usa ang kahumot gikan sa kamatayon ngadto sa kamatayon, ug ngadto sa usa ang kahumot gikan sa kinabuhi ngadto sa kinabuhi. Kinsa man ang takos niining mga butanga?

Mga Taga-Colosas 2:10

ug kamo nahingpit diha kaniya nga mao ang ulo sa tanang pamunoan ug kagahom.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

Mga Hebreo 11:31

Tungod sa pagtuo si Rahab nga nagbaligya sa iyang dungog wala malaglag kauban sa mga dili masinugtanon, kay iya mang gidawat ang mga tigpaniid uban sa kalinaw.

Mga Hebreo 4:11

Busa kinahanglan nga manglimbasog gayod kita sa pagsulod sa maong pahulay, aron walay usa kanato nga mapukan tungod sa samang panag-ingnan sa pagkamasupilon.

1 Pedro 1:8

Bisan tuod ug kamo wala makakita kaniya, kamo nahigugma, ug bisan pa nga wala kamo makakita kaniya, kamo nagtuo ug nangalipay sa dili ikaasoy nga kalipay ug puno sa himaya.

1 Pedro 2:4

Duol kamo kaniya, ang buhi nga bato, nga sinalikway sa mga tawo apan pinili sa Dios ug bililhon.

1 Pedro 2:8

ug “Usa ka bato nga makapapandol sa mga tawo, ug usa ka dakong bato nga makapukan kanila.” Sila nangapandol tungod sa ilang pagkadili masinugtanon sa pulong, sumala sa gitagana nang daan alang kanila.