1 Pedro 2:5

Ang Biblia 2011

Ug ang inyong kaugalingon usab, ingon nga mga buhi nga bato, ipahimo ninyong espirituhanon nga balay, alang sa balaan nga pagkapari, aron sa paghalad ug espirituhanong mga halad nga kahimut-an sa Dios pinaagi kang Jesu-Cristo.

Cross References

1 Mga Hari 7:11

Ug sa ibabaw gibutang ang mga mahalong bato, nga sinapsapan sumala sa sukod, ug kahoy nga cedro.

Salmo 141:2

Itugot nga ang akong pag-ampo isipon nga insenso sa imong atubangan, ug ang pagbayaw sa akong mga kamot ingon nga halad inihaw sa kahaponon!

Salmo 50:14

Paghalad ngadto sa Dios ug halad sa pasalamat, ug ihatag ang imong mga gipanaad ngadto sa Labing Halangdon;

Salmo 50:23

Ang naghatag ug pasalamat ingon nga iyang halad nagpasidungog kanako; kaniya nga nagmatngon sa iyang dalan ipakita nako ang kaluwasan sa Dios.”

Exodo 19:6

Ug alang kanako kamo mahimo nga usa ka gingharian sa mga pari, ug usa ka balaan nga nasod. Kini mao ang mga pulong nga imong isulti sa mga anak sa Israel.”

Mga Panultihon 9:1

Ang kaalam nagtukod sa iyang balay, nagtabas siya sa pito niya ka haligi.

Isaias 61:6

apan kamo tawgon nga mga pari sa Ginoo, ang mga tawo motawag kaninyo nga mga alagad sa atong Dios; kamo magkaon sa bahandi sa kanasoran, ug sa ilang kadato kamo maghimaya.

Isaias 66:21

Ug ang pipila kanila usab akong himoon nga mga pari ug mga Levihanon, nag-ingon ang Ginoo.

Oseas 14:2

Dad-a ang inyong mga pulong, ug balik ngadto sa Ginoo; ingna siya, “Kuhaa ang tanang kasal-anan; dawata ang maayo ug among ihatag ang bunga sa among mga ngabil.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 15:16

aron mahimo akong alagad ni Cristo Jesus ngadto sa mga Gentil diha sa pagpangalagad ingon nga pari sa Maayong Balita sa Dios aron ang halad sa mga Gentil dawaton ingon nga gibalaan sa Espiritu Santo.

1 Mga Taga-Corinto 3:16

Wala ba kamo masayod nga kamo templo sa Dios ug nga ang Espiritu sa Dios nagpuyo diha kaninyo?

1 Mga Taga-Corinto 3:9

Kay kami mga kauban nga magbubuhat nga iya sa Dios, kamo ang uma sa Dios, ang balay sa Dios.

1 Mga Taga-Corinto 6:19

Wala ba kamo masayod nga ang inyong lawas templo sa Espiritu Santo nga anaa kaninyo, nga inyong nabatonan gikan sa Dios? Kamo dili na inyo sa inyong kaugalingon,

2 Mga Taga-Corinto 6:16

Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios, “Ako mopuyo sa sulod nila ug makig-uban kanila, ug ako mahimong ilang Dios, ug sila mahimong akong katawhan.

Mga Taga-Galacia 6:10

Busa, ingon nga kita adunay kahigayonan, buhaton nato ang maayo ngadto sa tanang mga tawo, ilabi na kanila nga mga sakop sa panimalay sa pagtuo.

Deuteronomio 18:2

Ug sila walay panulundon taliwala sa ilang mga igsoon. Ang Ginoo mao ang ilang panulundon, sumala sa iyang gisaad kanila.

Mga Taga-Filipos 1:11

puno sa mga bunga sa pagkamatarong pinaagi kang Jesu-Cristo, alang sa himaya ug pagdayeg sa Dios.

Mga Taga-Filipos 2:17

Apan kon ibubo ako diha sa inyong halad nga inihaw ug sa halad sa inyong pagtuo, ikalipay ko kini ug ako maglipay uban kaninyong tanan.

Mga Taga-Filipos 4:18

Apan ania na kanako ang tanang butang ug naghingapin pa gani. Nasangkapan na ako kay akong nadawat gikan kang Epafrodito ang mga butang gikan kaninyo, humot nga halad, usa ka halad nga inihaw nga hinangponon ug makapahimuot sa Dios.

Mga Taga-Colosas 3:17

Ug bisan unsay inyong buhaton, sa pulong o sa buhat, buhata ang tanan sa ngalan sa Ginoong Jesus, uban sa pagpasalamat ngadto sa Dios nga Amahan pinaagi kaniya.

1 Timoteo 3:15

kon malangan man ako, ikaw mahibalo na unsaon sa paggawi diha sa sulod sa panimalay sa Dios nga mao ang iglesia sa buhi nga Dios, ang haligi ug patukoranan sa kamatuoran.

Mga Hebreo 3:6

apan si Cristo ingon nga Anak matinumanon sa pagdumala sa balay niya. Ug kita mao ang iyang balay kon huptan nato pag-ayo ang atong pagsalig sa garbo sa atong paglaom.

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

1 Pedro 4:11

Ang magsulti, kinahanglan magsulti ingon sa pulong sa Dios; ang mag-alagad, kinahanglan mag-alagad sumala sa katakos nga gihatag sa Dios, aron nga sa tanang butang ang Dios mahimaya pinaagi kang Jesu-Cristo. Iya ang himaya ug ang paggahom hangtod sa kahangtoran. Amen.

1 Pedro 4:17

Kay panahon na nga sugdan ang pagtuman sa hukom diha sa balay sa Dios; ug kon kini magsugod man kanato, unsa man kahay dangatan sa mga tawo nga wala magtuman sa Maayong Balita sa Dios?

Gipadayag 1:6

ug naghimo kanato nga usa ka gingharian, mga pari ngadto sa iyang Dios ug Amahan, iya ang himaya ug ang paggahom hangtod sa kahangtoran. Amen.

Gipadayag 20:6

Bulahan ug balaan ang tawo nga makaambit sa unang pagpamanhaw! Sa mga tawong ingon niini walay gahom ang ikaduhang kamatayon ibabaw kanila, apan sila mahimong mga pari sa Dios ug ni Cristo, ug uban kaniya maghari sila sa usa ka libo ka tuig.

Gipadayag 3:12

Siya nga magmadaogon, akong himoon nga haligi diha sa Templo sa akong Dios, ug dili na siya mogula niini, ug isulat nako diha kaniya ang ngalan sa akong Dios, ug ang ngalan sa siyudad sa akong Dios, ang bag-ong Jerusalem nga manaog gikan sa langit gikan sa akong Dios, ug ang akong bag-o nga ngalan.

Gipadayag 5:10

ug gihimo nimo sila nga usa ka gingharian ug mga pari ngadto sa atong Dios, ug sila maghari sa yuta.”