1 Pedro 2:11

Ang Biblia 2011

Mga hinigugma, mangamuyo ako kaninyo ingon nga mga dumuduong ug mga langyaw, sa paglikay sa lawasnong mga pangibog nga nakig-away batok sa kalag.

Cross References

Genesis 21:34

Ug nagpuyo si Abraham didto sa yuta sa mga Filistihanon sulod sa daghang mga adlaw.

Genesis 23:4

“Langyaw ako ug dumuduong sa taliwala ninyo. Hatagi ako ninyo ug luna nga kalubngan nako sa akong minatay nga layo sa akong panan-aw.”

Genesis 47:9

Si Jacob mitubag sa Paraon, “Ang mga adlaw sa mga tuig sa akong pagpanaw, 130 ka tuig. Diyotay ug lisod ang mga adlaw sa mga tuig sa akong kinabuhi ug kini wala makaabot sa mga adlaw sa mga tuig sa akong katigulangan, sa mga adlaw sa ilang pagpanaw.”

1 Cronicas 29:15

Kay kami mga langyaw sa imong atubangan ug mga dumuduong sama sa tanan namong katigulangan. Ang among mga adlaw sa yuta sama sa usa ka anino ug walay paglaom.

Salmo 119:19

Ako usa ka dumuduong dinhi sa yuta; ayaw ihikaw gikan kanako ang imong kasugoan.

Salmo 119:54

Ang imong mga lagda mao ang akong mga alawiton diha sa balay sa akong pagpanglangyaw.

Salmo 39:12

“Pamatia ang akong pag-ampo, O Ginoo ug dungga ang akong pagtuaw; ayaw pagpakahilom niining akong mga luha. Kay ako dumuduong nimo, usa ka lumalabay sama sa tanan nakong mga katigulangan.

Levitico 15:18

Ang babaye usab nga gipakighilawasan sa lalaki ug naagasan sa binhi, silang duha kinahanglang mangaligo sa tubig ug hugaw sila hangtod sa pagkakilomkilom.

Levitico 25:23

“Ang yuta dili ibaligya sa dayon kay ang yuta akoa, kay kamo mga langyaw ug mga dumuduong uban kanako.

Lucas 21:34

“Apan kinahanglang magbantay kamo sa inyong kaugalingon, basin ug ang inyong mga kasingkasing mapuno sa pagpatuyang ug sa pagkahubog ug sa mga kabalaka niining kinabuhia, ug unya kadtong adlawa moabot kaninyo sa kalit,

Mga Buhat 15:20

apan magsulat ngadto kanila sa paglikay gikan sa kahugawan sa mga diosdios ug sa salawayong pakighilawas ug sa mananap nga tinuok ug sa dugo.

Mga Buhat 15:29

ang paglikay sa gihalad ngadto sa mga diosdios ug sa dugo, ug gikan sa mga mananap nga tinuok ug sa salawayong pakighilawas. Kon kamo maglikay gikan niining mga butanga, magbuhat kamo ug maayo. Adios.”

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 7:23

apan dinhi sa mga bahin sa akong lawas nakita nako ang laing balaod nga nakig-away batok sa balaod sa akong salabotan ug naghimo kanako nga binihag ngadto sa balaod sa sala nga nagpuyo sulod sa mga bahin sa akong lawas.

Roma 8:13

kay kon magkinabuhi kamo sumala sa unod mangamatay kamo, apan kon pinaagi sa Espiritu patyon ninyo ang mga binuhatan sa lawas, mangabuhi kamo.

2 Mga Taga-Corinto 5:20

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

Mga Taga-Galacia 5:24

Ug ang mga iya ni Cristo Jesus naglansang sa ilang unod diha sa krus uban ang mga pangibog ug mga tinguha niini.

Mga Taga-Efeso 2:19

Busa, kamo karon dili na mga langyaw ug mga dumuduong, kondili mga katagilungsod na sa mga balaan ug mga sakop na sa panimalay sa Dios.

Mga Taga-Efeso 4:1

Busa, ako nga binilanggo diha sa Ginoo, naghangyo kaninyo nga unta magkinabuhi kamo nga takos gayod sa tawag nga alang niini gitawag kamo,

2 Timoteo 2:22

Likayi ang mga pangibog nga iya sa kabatan-on ug tinguhaa ang pagkamatarong, pagtuo, gugma ug pakigdait, uban sa mga nagtawag sa Ginoo gikan sa putli nga kasingkasing.

Mga Hebreo 11:13

Diha sa pagtuo kini silang tanan nangamatay nga wala makadawat sa mga gisaad kanila, apan gikan sa layo sila makakita niini ug nahinangop ug miila nga sila mga dumuduong ug mga langyaw lamang dinhi sa yuta.

Mga Hebreo 6:9

Apan bisan tuod nagsulti kami sa ingon niini mahitungod kaninyo, mga hinigugma, nagtuo gayod kami sa labaw pa ka maayong mga butang labot sa kaluwasan.

Santiago 4:1

Diin ba magsukad ang mga gubat ug mga panag-away diha kaninyo? Dili ba sa inyo man nga mga pangibog nga naggubat diha sa mga bahin sa inyong lawas?

1 Pedro 1:1

Si Pedro, apostol ni Jesu-Cristo, Alang sa mga dumuduong tungod sa pagkatibulaag nga anaa diha sa Ponto, sa Galacia, sa Capadocia, sa Asia ug sa Bitinia,

1 Pedro 1:17

Ug kon gitawag man ninyo nga Amahan siya nga sa walay pagdapig maghukom sa matag tawo sumala sa iyang binuhatan, paggawi kamo uban sa kahadlok sulod sa panahon sa inyong pagpuyo ingon nga mga dumuduong dinhi sa yuta.

1 Pedro 4:12

Mga hinigugma, ayaw kamo kahibulong sa nagdilaab nga pagsulay nga mahitabo kaninyo, ingon nga usa ka talagsaong butang ang nahitabo kaninyo.

1 Pedro 4:2

aron nga magkinabuhi sa nahibilin nga panahon diha sa unod dili na sumala sa tawhanong mga pangibog kondili sumala sa kabubut-on sa Dios.

2 Pedro 3:1

Mga hinigugma, kini karon mao ang ikaduhang sulat nga akong gisulat kaninyo, nga niini nagdasig ako sa inyong lunsay nga salabotan agi ug pagpahinumdom,