1 Pedro 1:8

Ang Biblia 2011

Bisan tuod ug kamo wala makakita kaniya, kamo nahigugma, ug bisan pa nga wala kamo makakita kaniya, kamo nagtuo ug nangalipay sa dili ikaasoy nga kalipay ug puno sa himaya.

Cross References

Awit sa mga Awit 1:7

Sultihi ako, ikaw nga gihigugma sa akong kalag, asa ikaw magpasibsib sa imong panon sa karnero, asa ikaw magpapahulay niini sa kaudtohan; kay ngano ba nga ako kinahanglan man mahisama niadtong gipandongan duol sa mga panon sa imong mga kauban?

Awit sa mga Awit 5:16

Ang iyang pagpanulti labing tam-is, siya sa kinatubuk-an angayng tinguhaon. Kini mao ang akong hinigugma, ug mao kini ang akong higala, O mga anak nga babaye sa Jerusalem.

Awit sa mga Awit 5:9

Unsa bay labaw sa imong hinigugma kay sa lain nga hinigugma, O labing maanyag sa mga kababayen-an? Unsay bay labaw sa imong hinigugma kay sa lain nga hinigugma, nga naghangyo man ikaw kanamo sa ingon?

Mateo 10:37

Ang nahigugma sa iyang amahan o inahan labaw kanako, dili takos kanako, ug ang nahigugma sa iyang anak nga lalaki o anak nga babaye labaw kanako, dili takos kanako,

Juan 14:15

“Kon nahigugma kamo kanako, tumanon ninyo ang akong mga sugo.

Juan 14:21

Ang nagbaton sa akong mga sugo ug nagtuman niini mao ang nahigugma kanako ug ang nahigugma kanako higugmaon sa akong Amahan ug ako mahigugma kaniya ug magpadayag sa akong kaugalingon nganha kaniya.”

Juan 14:24

Ang wala mahigugma kanako dili magtuman sa akong mga pulong ug ang pulong nga inyong nadungog dili akoa kondili sa Amahan nga nagpadala kanako.

Juan 16:22

Ug busa, kamo usab may kasubo karon apan makigkita ra ako kaninyo pag-usab, ug unya ang inyong mga kasingkasing malipay ug wala unyay bisan kinsa nga mokuha sa inyong kalipay gikan kaninyo.

Juan 20:29

Ug si Jesus miingon kaniya, “Mituo ba ikaw tungod kay nakita nimo ako? Bulahan kadtong wala makakita apan nagtuo.”

Juan 8:42

Si Jesus mitubag kanila, “Kon ang Dios mao pa ang inyong Amahan, nahigugma unta kamo kanako kay ako gikan man sa Dios busa ania ako. Wala ako moanhi sa akong kaugalingong kabubut-on, kondili gipadala ako niya.

Mga Buhat 16:34

Ug gidala niya sila sa iyang balay, ug gidulotan sila ug pagkaon ug uban sa iyang tibuok panimalay siya nalipay nga siya mituo sa Dios.

Roma 14:17

Kay ang gingharian sa Dios dili pagkaon o ilimnon, kondili pagkamatarong ug pakigdait ug kalipay diha sa Espiritu Santo.

Roma 15:13

Ang Dios sa paglaom magpuno unta kaninyo sa tumang kalipay ug kalinaw tungod sa inyong pagtuo, aron nga pinaagi sa gahom sa Espiritu Santo magmadagayaon kamo sa paglaom.

1 Mga Taga-Corinto 16:22

Kon may usa nga wala mahigugma sa Ginoo, mahimo unta siyang tinunglo! Maranatha

2 Mga Taga-Corinto 1:22

Siya mao ang nagselyo kanamo ug naghatag sa iyang Espiritu ingon nga pasalig diha sa among mga kasingkasing.

2 Mga Taga-Corinto 12:4

Ug didto iyang nadungog ang mga pulong nga dili maasoy nga niini ang tawo gidid-an sa paglitok.

2 Mga Taga-Corinto 4:18

tungod kay wala kami nagtan-aw sa mga butang nga makita kondili sa mga butang nga dili makita. Kay ang mga butang nga makita lumalabay lamang, apan ang mga butang nga dili makita walay kataposan.

2 Mga Taga-Corinto 5:7

kay kita naglakaw man pinaagi sa pagtuo, dili pinaagi sa atong panan-aw.

2 Mga Taga-Corinto 9:15

Salamat sa Dios tungod sa iyang gasa nga dili maasoy!

Mga Taga-Galacia 5:22

Apan ang bunga sa Espiritu mao ang gugma, kalipay, kalinaw, pailob, pagkamaluluy-on, pagkamaayo, pagkamatinumanon,

Mga Taga-Galacia 5:6

Kay diha kang Cristo Jesus bisan ang pagkatinuli o ang pagkadili tinuli dili magpulos, kondili ang pagtuo nga nagbuhat pinaagi sa gugma.

Mga Taga-Efeso 3:19

ug sa pagkahibalo sa gugma ni Cristo nga milabaw sa tanang kaalam aron mapuno kamo sa bug-os nga kahingpitan sa Dios.

Mga Taga-Efeso 6:24

Ang grasya maanaa unta sa tanan nga nahigugma sa Ginoong Jesu-Cristo uban sa gugmang walay kamatayon.

Mga Taga-Filipos 1:25

Kay ako anaa niining pagsalig, ako nasayod nga ako magpabilin ug magpadayon pa uban kaninyong tanan, alang sa inyong kauswagan ug kalipay diha sa pagtuo,

Mga Taga-Filipos 3:3

Kay kita mao ang mga tinuli, kita nagsimba sa Espiritu sa Dios, ug nagpasigarbo diha kang Cristo Jesus ug wala magsalig sa unod.

Mga Taga-Filipos 4:4

Paglipay kamo kanunay diha sa Ginoo; usbon nako pag-ingon, paglipay kamo.

Mga Hebreo 11:1

Karon ang pagtuo mao ang kasigurohan sa mga butang nga atong gilaoman ug ang hugot nga pagsalig sa mga butang nga dili nato makita.

Mga Hebreo 11:27

Tungod sa pagtuo siya mibiya sa Ehipto, nga wala mahadlok sa kasuko sa hari, kay siya milahutay man ingon nga nakakita siya kaniya nga dili makita.

1 Pedro 1:6

Magmalipayon kamo niini bisan tuod ug masubo kamo sa makadiyot diha sa nagkalainlaing mga pagsulay,

1 Pedro 2:7

Busa alang kaninyo nga nagtuo, siya bililhon; apan alang kanila nga wala magtuo, “Ang maong bato nga gisalikway sa mga magtutukod nahimong ulohang bato nga patukoranan,”

1 Pedro 5:4

Ug inigpadayag unya sa pangulong Magbalantay, kamo makadawat unya sa mahimayaong purongpurong nga dili malawos.