1 Pedro 1:7

Ang Biblia 2011

aron nga ang pagkatinuod sa inyong pagtuo, nga labaw pa ka bililhon kay sa bulawan nga madugta nga sulayan pinaagi ug kalayo, mosangpot ngadto sa pagdayeg ug paghimaya ug pagpasidungog inigpadayag unya kang Jesu-Cristo.

Cross References

Job 23:10

Apan nahibalo siya sa dalan nga akong gisubay; sa diha nga ako masulayan na niya, mogula ako ingon sa bulawan.

Job 28:1

“Aduna gayoy mina alang sa plata, ug usa ka dapit alang sa paglunsay sa bulawan.

Salmo 17:3

Kon imong sulayan ang akong kasingkasing, kon imo akong duawon sa kagabhion, kon sulayan nimo ako, dili ikaw makakaplag ug pagkadaotan dinhi kanako; ang akong baba dili maglapas.

Mga Panultihon 16:16

Ang pagbaton ug kaalam maayo pa kay sa bulawan; ang pagbaton ug salabotan maayo pa nga pilion kay sa plata.

Mga Panultihon 17:3

Ang tunawanan alang sa plata, ug ang hudno alang sa bulawan, ug ang Ginoo magsulay sa mga kasingkasing.

Mga Panultihon 8:19

Ang akong bunga maayo pa kay sa bulawan, bisan sa maayong bulawan, ug ang akong abot labaw kay sa piniling plata.

Ecclesiastes 5:14

ug ang maong mga bahandi nawala pinaagi sa daotan nga pagpatigayon; ug siya amahan sa usa ka anak nga lalaki, apan walay bisan unsa diha sa iyang kamot.

Isaias 48:10

Tan-awa, giputli ko ikaw, apan dili sama sa plata; gisulayan ko ikaw diha sa hudno sa kasakit.

Jeremias 48:36

Busa ang akong kasingkasing nag-agulo alang sa Moab sama sa usa ka plawta, ug ang akong kasingkasing nag-agulo sama sa usa ka plawta alang sa mga tawo sa Kirheres, busa ang mga bahandi nga iyang naangkon nahanaw.

Jeremias 9:7

Busa kini mao ang giingon sa Ginoo sa mga panon: “Tan-awa, ulayon nako sila ug sulayan kay unsa pa may akong mahimo tungod sa akong katawhan?

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Malaquias 3:3

Siya molingkod sama sa tigtunaw ug tig-ulay sa plata ug iyang putlion ang mga anak ni Levi, ug ulayon sila sama sa bulawan ug sa plata hangtod nga sila maghalad ug angay nga mga halad ngadto sa Ginoo.

Numeros 5:28

Ug kon ang babaye wala mahugawi ug siya hinlo, siya maluwas ug magsamkon.

Mateo 19:28

Si Jesus miingon kanila, “Sa pagkatinuod, sultihan ko kamo nga sa bag-ong kalibotan, sa diha nga ang Anak sa Tawo molingkod na sa iyang mahimayaong trono, kamo nga nagsunod kanako molingkod usab sa napulo ug duha ka trono ug inyong hukman ang napulo ug duha ka banay sa Israel.

Mateo 25:21

Ang iyang agalon miingon kaniya, ‘Maayo! Buotan ug kasaligan nga ulipon. Kasaligan ikaw sa diyotay, busa piyalan ko ikaw sa daghan. Duyog sa kalipay sa imong agalon.’

Mateo 25:23

Ang iyang agalon miingon kaniya, ‘Maayo! Buotan ug kasaligan nga ulipon. Kasaligan ikaw sa diyotay, busa piyalan ko ikaw sa daghan. Duyog sa kalipay sa imong agalon.’

Lucas 12:33

Ibaligya ang inyong kabtangan, ug panghatag kamo ug limos; sangkapi ang inyong kaugalingon sa mga sudlanan sa salapi nga dili madunot, sa bahandi sa langit nga dili mahurot diin walay kawatan nga makaduol ug walay mananap nga mokutkot.

Lucas 17:30

Mao usab unya sa adlaw nga ipadayag na ang Anak sa Tawo.

Juan 12:26

Kon ang usa ka tawo mag-alagad kanako, kinahanglan nga mosunod siya kanako ug kon asa gani ako, ang akong alagad atua usab didto. Kon ang usa ka tawo mag-alagad kanako, ang Amahan magpasidungog kaniya.

Juan 5:44

Unsaon man ninyo sa pagtuo, kamo nga nagdawat ug pasidungog gikan sa usa ug usa apan wala mangita sa pasidungog nga gikan sa bugtong nga Dios?

Mga Buhat 8:20

Apan si Pedro miingon kaniya, “Ang imong salapi malaglag unta uban kanimo, kay ikaw naghunahuna nga mabatonan nimo ang gasa sa Dios pinaagi ug salapi!

Roma 2:10

apan himaya ug kadungganan ug kalinaw alang sa matag tawo nga nagbuhat ug maayo, sa mga Judio una sa tanan ug sa Grego,

Roma 2:29

Ang pagka-Judio anaa sa sulod, ug ang pagkatinuli anaa sa kasingkasing, pinaagi sa Espiritu ug dili sa nasulat, kay ang pagdayeg dili gikan sa tawo kondili gikan sa Dios.

Roma 2:7

kinabuhing dayon alang niadtong nangita sa himaya ug sa kadungganan ug sa pagkadili madunoton pinaagi sa paglahutay diha sa maayong buhat,

Roma 8:19

Kay ang tibuok kabuhatan nagpaabot nga mahinamon sa pagpadayag sa mga anak sa Dios,

1 Mga Taga-Corinto 3:13

ang buhat sa matag usa mailhan ra unya kay ang Adlaw magpadayag niini nga pinaagi sa kalayo mailhan kini, ug ang kalayo magsulay sa buhat sa matag usa.

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

Santiago 1:12

Bulahan ang tawo nga milahutay sa mga pagsulay kay human siya makaantos sa pagsulay, iyang madawat ang purongpurong sa kinabuhi nga gisaad sa Dios ngadto sa mga nahigugma kaniya.

1 Pedro 1:13

Busa andama ang inyong mga salabotan, pagmaugdang, laomi ninyo sa hingpit ang grasya nga ihatag kaninyo inigpadayag unya kang Jesu-Cristo.

1 Pedro 1:5

nga mga gibantayan sa gahom sa Dios pinaagi sa pagtuo alang sa kaluwasan nga andam aron ipadayag unya sa kataposang panahon.

1 Pedro 2:4

Duol kamo kaniya, ang buhi nga bato, nga sinalikway sa mga tawo apan pinili sa Dios ug bililhon.

1 Pedro 2:7

Busa alang kaninyo nga nagtuo, siya bililhon; apan alang kanila nga wala magtuo, “Ang maong bato nga gisalikway sa mga magtutukod nahimong ulohang bato nga patukoranan,”

1 Pedro 4:12

Mga hinigugma, ayaw kamo kahibulong sa nagdilaab nga pagsulay nga mahitabo kaninyo, ingon nga usa ka talagsaong butang ang nahitabo kaninyo.

1 Pedro 4:13

Paglipay hinuon kamo sa inyong pag-ambit sa mga kasakit ni Cristo, aron kamo maglipay usab ug magsadya inigpadayag na unya sa iyang himaya.

1 Pedro 5:1

Busa ako magtambag sa mga kadagkoan diha kaninyo, ingon nga kauban ug saksi sa mga pag-antos ni Cristo, ug mag-aambit usab sa himaya nga ipadayag unya.

2 Pedro 1:1

Si Simon Pedro, ulipon ug apostol ni Jesu-Cristo, Alang sa mga nakadawat sa pagtuo nga sama ka bililhon sa among pagtuo diha sa pagkamatarong sa atong Dios ug Manluluwas nga si Jesu-Cristo:

2 Pedro 1:4

nga pinaagi niini kita iyang gikahatagan sa bililhon ug dagko nga mga saad, aron nga pinaagi niini kamo makaikyas gikan sa pagkadunot nga ania sa kalibotan tungod sa pangibog ug mangahimo kamong mag-aambit sa diosnong kinaiya.

2 Pedro 3:14

Busa mga hinigugma, kay nagpaabot man kamo niining mga butanga, paningkamoti gayod nga makaplagan kamo diha sa kalinaw, walay buling o hugaw.

Judas 1:24

Karon ngadto kaniya nga may gahom sa pagbantay kaninyo gikan sa pagkapukan ug sa pagpasundayag kaninyo nga walay buling diha sa atubangan sa iyang himaya uban sa dakong kalipay,

Gipadayag 1:7

Tan-awa, siya moabot uban sa mga panganod; ug makita siya sa tanang mata, sa tanang miduslak kaniya; ug ang tanang kabanayan sa yuta magminatay tungod kaniya. Oo. Amen.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.

Gipadayag 3:10

Tungod kay gituman man nimo ang akong pulong sa pagkamalahutayon, bantayan ko ikaw nga malikay gikan sa takna sa pagsulay nga hapit na moabot sa tibuok kalibotan aron sa pagsulay sa mga nagpuyo sa yuta.

Gipadayag 3:18

Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.

1 Samuel 2:30

Busa ang Ginoo, ang Dios sa Israel nagpahayag, ‘Akong gisaad nga ang imong panimalay ug ang panimalay sa imong amahan mosulod ug mogawas sa akong atubangan hangtod sa kahangtoran,’ apan karon ang Ginoo nagpahayag, ‘Ipalayo kana kanako, kay sila nga nagpasidungog kanako akong pasidunggan, ug sila nga nagtamay kanako tamayon.