1 Pedro 1:2

Ang Biblia 2011

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.

Cross References

Isaias 55:7

pabiyaa sa daotan sa iyang dalan, ug ang tawo nga dili matarong sa iyang mga hunahuna; ug pabalika siya sa Ginoo, aron siya maluoy kaniya, ug sa atong Dios, kay siya mopasaylo sa madagayaon gayod.

Isaias 65:22

Sila dili magtukod, ug lain ang magpuyo; sila dili magtanom, ug lain ang magkaon; kay sama sa mga adlaw sa usa ka kahoy mao usab ang mga adlaw sa akong katawhan, ug ang akong mga pinili magpahimulos pag-ayo sa buhat sa ilang mga kamot.

Isaias 65:9

Ako magpatungha ug kaliwatan gikan kang Jacob, ug gikan kang Juda mga manununod sa akong kabukiran; ug ang akong mga pinili makapanunod niini, ug ang akong mga sulugoon magpuyo didto.

Daniel 4:1

Si Hari Nabucodonosor, alang sa tanang mga katawhan, mga nasod, ug mga pinulongan nga nagpuyo sa tibuok nga yuta: Ang kalinaw modagaya unta kaninyo!

Daniel 6:25

Unya si Hari Dario misulat sa tanang mga katawhan, mga nasod ug mga pinulongan nga nagpuyo sa tibuok yuta: “Ang pakigdait modagaya unta kaninyo!

Levitico 1:5

Patyon niya ang torong baka sa atubangan sa Ginoo ug ang mga pari nga mga anak ni Aaron maghalad sa dugo ug magsablig niini libot sa halaran nga anaa sa pultahan sa tolda nga tagboanan.

Mateo 24:22

Ug kon ang gidaghanon niadtong mga adlawa wala pa paubsi, wala gayod untay tawong maluwas apan tungod sa iyang mga pinili, ang gidaghanon niadtong mga adlawa paubsan.

Mateo 24:24

Kay motungha ang mga mini nga Cristo ug mga mini nga propeta ug magpakita sila ug dagkong mga ilhanan ug mga katingalahan aron pagpasaag, kon mahimo, bisan pa sa mga pinili.

Mateo 24:31

Ug ipadala niya ang iyang mga anghel uban sa kusog nga tingog sa trumpeta ug ilang tigomon ang iyang mga pinili gikan sa upat ka suok sa kalibotan, gikan sa usa ka tumoy sa langit ngadto sa pikas.

Marcos 13:20

Ug kon ang gidaghanon niadtong mga adlawa wala pa kunhori sa Ginoo, wala untay tawong maluwas, apan tungod sa mga pinili nga iyang gipili, iyang gikunhoran kadtong mga adlawa.

Marcos 13:22

Kay motungha ang mga mini nga Cristo ug mga mini nga propeta ug magpakita ug mga ilhanan ug mga katingalahan aron sa pagpahisalaag, kon mahimo, kanila nga mga pinili.

Marcos 13:27

Ug sugoon niya ang mga anghel, ug tigomon nila ang iyang mga pinili gikan sa upat ka hangin, gikan sa kinatumyan sa yuta hangtod sa kinatumyan sa langit.

Lucas 18:7

Ug dili ba hatagan sa Dios ug hustisya ang iyang mga pinili nga nagpakitabang kaniya sa adlaw ug gabii? Maglangaylangay ba siya pagtabang kanila?

Mga Buhat 15:18

nga nahibaloan sukad pa kaniadto.’

Mga Buhat 2:23

Kining maong Jesus nga gitugyan sumala sa gitakda nga plano ug sa nahibaloan nang daan sa Dios, inyong gilansang sa krus ug gipatay pinaagi sa mga kamot sa mga tawong wala magtamod sa balaod.

Mga Buhat 20:32

Ug karon ako magtugyan kaninyo ngadto sa Dios ug sa pulong sa iyang grasya nga makahimo sa paglig-on kaninyo ug sa paghatag kaninyo sa panulondon uban sa tanang mga gibalaan.

Roma 1:5

Pinaagi kaniya nadawat nato ang grasya ug ang pagkaapostol alang sa pagkamasinugtanon diha sa pagtuo taliwala sa tanang kanasoran tungod ug alang sa iyang ngalan.

Roma 1:7

Nganha kaninyong tanan nga anaa sa Roma nga gihigugma sa Dios, gitawag aron mabalaan. Ang grasya maanaa kaninyo ug ang kalinaw nga gikan sa Dios nga atong Amahan ug sa Ginoong Jesu-Cristo.

Roma 11:2

Ang Dios wala magsalikway sa iyang katawhan nga nailhan na niyang daan. Wala ba kamo masayod sa giingon sa kasulatan mahitungod kang Elias, giunsa niya sa pag-ampo sa Dios batok sa Israel?

Roma 11:28

Mahitungod sa Maayong Balita, sila mga kaaway sa Dios tungod ug alang kaninyo; apan mahitungod sa pagpili, sila mga hinigugma tungod sa ilang mga katigulangan.

Roma 15:16

aron mahimo akong alagad ni Cristo Jesus ngadto sa mga Gentil diha sa pagpangalagad ingon nga pari sa Maayong Balita sa Dios aron ang halad sa mga Gentil dawaton ingon nga gibalaan sa Espiritu Santo.

Roma 16:19

Kay bisan tuod ang inyong pagkamasinugtanon naabot ngadto sa tanan, nga tungod niana nalipay ako tungod kaninyo, buot nako nga magmaalamon kamo mahitungod sa maayo, apan mga walay alamag mahitungod sa daotan.

Roma 16:26

apan karon gipadayag na, ug pinaagi sa mga sinulat sa mga propeta gibutyag na ngadto sa tanang kanasoran, sumala sa mando sa Dios nga dayon, aron sila magmatinumanon diha sa pagtuo,

Roma 8:13

kay kon magkinabuhi kamo sumala sa unod mangamatay kamo, apan kon pinaagi sa Espiritu patyon ninyo ang mga binuhatan sa lawas, mangabuhi kamo.

Roma 8:33

Kinsa ba ang mopasaka ug sumbong batok sa mga pinili sa Dios? Ang Dios mao ang nagmatarong.

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

1 Mga Taga-Corinto 6:11

Ug kaniadto ang uban kaninyo ingon niini. Apan kamo gihinloan na, kamo gibalaan na, kamo gihimo nang matarong diha sa ngalan sa Ginoong Jesu-Cristo ug pinaagi sa Espiritu sa atong Dios.

2 Mga Taga-Corinto 10:5

sa tanang mga pangatarongan ug sa tanang mapahitas-ong babag nga nag-ali batok sa kahibalo sa Dios, ug nagbihag sa tanang panghunahuna aron kini magmasinugtanon kang Cristo.

2 Mga Taga-Corinto 13:14

Ang grasya sa Ginoong Jesu-Cristo ug ang gugma sa Dios ug ang pakig-ambit sa Espiritu Santo mag-uban kaninyong tanan.

Deuteronomio 7:6

“Kay kamo katawhan nga balaan ngadto sa Ginoo nga inyong Dios; ang Ginoo nga inyong Dios nagpili kaninyo aron mahimong usa ka katawhan nga iyang panag-iyahon gikan sa tanang mga katawhan nga anaa sa yuta.

Mga Taga-Colosas 3:12

Ingon nga kamo mga pinili sa Dios, balaan ug hinigugma, isul-ob ninyo ang pagkamabination, pagkamaluluy-on, pagkamapaubsanon, kaaghop, ug pailob;

2 Mga Taga-Tesalonica 2:13

Apan kinahanglan nga magpasalamat kami kanunay ngadto sa Dios mahitungod kaninyo, mga igsoon nga hinigugma sa Ginoo, kay gipili kami sa Dios ingon nga unang bunga aron kamo mangaluwas pinaagi sa pagbalaan kaninyo sa Espiritu ug sa inyong pagtuo sa kamatuoran.

2 Timoteo 2:10

Busa akong giantos ang tanang butang tungod ug alang sa mga pinili, aron sila usab makabaton sa kaluwasan diha kang Cristo Jesus uban sa himayang dayon.

Tito 1:1

Si Pablo, ulipon sa Dios ug apostol ni Jesu-Cristo, sumala sa pagtuo sa mga pinili sa Dios, ug hingpit nga kahibalo sa kamatuoran sumala sa pagkadiosnon,

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

Mga Hebreo 11:28

Tungod sa pagtuo iyang gihimo ang tulumanon sa Pagsaylo ug gisablig ang dugo aron siya nga naglaglag sa mga panganay dili motandog kanila.

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

Mga Hebreo 5:9

Ug sa nahimo siyang hingpit, siya nahimong tuboran sa dayong kaluwasan alang sa tanang magtuman kaniya,

1 Pedro 1:14

Ingon nga mga anak nga masinugtanon, ayaw kamo pagpahiuyon sa mga pangibog kaniadto sa wala pa kamoy kahibalo.

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.

1 Pedro 1:20

Gigahin na siyang daan bisan sa wala pa mabuhat ang kalibotan, apan gipadayag niining ulahing mga panahon tungod ug alang kaninyo.

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

2 Pedro 1:2

Ang grasya ug kalinaw ipadagaya unta alang kaninyo diha sa inyong kahibalo sa Dios ug kang Jesus nga atong Ginoo.

2 Juan 1:1

Ang pangulo, nganha sa pinili nga ginang ug sa iyang mga anak, nga akong gihigugma diha sa kamatuoran, ug dili lamang ako ra kondili ang tanan usab nga nahibalo sa kamatuoran,

2 Juan 1:13

Nangumosta kanimo ang mga anak sa pinili nga imong igsoong babaye.

Judas 1:2

Ang kaluoy, kalinaw ug gugma modagaya unta kaninyo.