1 Pedro 1:13

Ang Biblia 2011

Busa andama ang inyong mga salabotan, pagmaugdang, laomi ninyo sa hingpit ang grasya nga ihatag kaninyo inigpadayag unya kang Jesu-Cristo.

Cross References

1 Mga Hari 18:46

Ug ang kamot sa Ginoo diha kang Elias ug gibaksan niya ang iyang hawak ug midagan pag-una kang Ahab ngadto sa ganghaan sa Jesreel.

2 Mga Hari 4:29

Unya siya miingon kang Gihasi, “Baksi ang imong mga hawak ug kupti ang akong sungkod ug lakaw. Kon ikaw makasugat ni bisan kinsa, ayaw paghatag kaniya ug katahoran, ug kon may mangatahoran kanimo, ayaw pagtubag; ug ibutang ang akong sungkod sa ibabaw sa nawong sa bata.”

Job 38:3

Pangandam ingon nga usa ka lalaki, Ako mangutana kanimo ug ikaw motug-an kanako.

Job 40:7

“Pangandam ingon nga usa ka lalaki; mangutana ako kanimo ug ikaw motug-an kanako.

Exodo 12:11

Ingna ninyo pagkaon niini: pagbakos kamo, pagsul-ob kamo ug sandalyas sa inyong mga tiil, ug ang inyong mga sungkod anaa sa inyong mga kamot. Kaona ninyo kini nga magdali. Mao kini ang Pagsaylo sa Ginoo.

Isaias 11:5

Ang pagkamatarong mao ang bakos sa iyang hawak, ug ang pagkamatinumanon mao ang bakos sa iyang lawas.

Jeremias 1:17

Apan ikaw, pangandam, tindog ug sultihi sila sa tanang gisugo nako kanimo. Ayaw kalisang kanila, aron dili ko ikaw lisangon sa ilang atubangan.

Mateo 20:4

Ug siya miingon kanila, ‘Pangadto usab kamo sa parasan ug suholan ko kamo ug igo.’ Busa nangadto sila.

Lucas 12:35

“Pangandam kamo ug pasigaa ang inyong mga suga.

Lucas 17:30

Mao usab unya sa adlaw nga ipadayag na ang Anak sa Tawo.

Lucas 17:8

Dili ba ingnon man hinuon siya, ‘Andama ang akong panihapon ug andama usab ang imong kaugalingon ug silbihi ako hangtod nga makakaon ug makainom ako, ug human niini makakaon ug makainom ka na’?

Roma 13:13

Ingon nga anaa sa kahayag, magkinabuhi kita nga ligdong, dili sa pagpatuyang ug sa paghubog, dili sa mga salawayong pakighilawas ug mga kalaw-ayan, dili sa pagpakig-away ug kasina.

Roma 8:19

Kay ang tibuok kabuhatan nagpaabot nga mahinamon sa pagpadayag sa mga anak sa Dios,

1 Mga Taga-Corinto 1:7

nga tungod niini wala kamo makulangi sa bisan unsang gasa nga espirituhanon, samtang nagpaabot kamo sa pagpadayag sa atong Ginoong Jesu-Cristo.

1 Mga Taga-Corinto 13:13

Ug karon magpabilin kining tulo, ang pagtuo, ang paglaom, ug ang gugma, apan ang labing dako niini mao ang gugma.

Mga Taga-Efeso 6:14

Busa, barog kamo, binaksan ang inyong mga hawak sa kamatuoran ug sinul-ob ang taming sa dughan nga mao ang pagkamatarong,

Mga Taga-Colosas 3:4

Sa dihang ipadayag na unya si Cristo nga mao ang inyong kinabuhi, kamo usab ipadayag uban kaniya sa himaya.

2 Mga Taga-Tesalonica 1:7

Ug kamo nga gisakit makapahulay uban kanamo sa diha nga ang Ginoong Jesus ipadayag na gikan sa langit uban sa iyang gamhanang mga anghel diha sa nagdilaab nga kalayo.

2 Timoteo 4:5

Apan ikaw, pagbantay sa tanang panahon, antosa ang mga kasakitan, buhata ang katungdanan sa usa ka magsasangyaw sa Maayong Balita, tumana ang imong buluhaton.

2 Timoteo 4:8

Sukad karon adunay gitagana alang kanako nga purongpurong sa pagkamatarong nga niadto unyang adlawa iganti kanako sa Ginoo, ang matarong nga maghuhukom, ug dili lamang kanako ra kondili usab sa tanang mga nahigugma sa iyang pagpadayag.

Mga Hebreo 10:35

Busa ayaw ninyo wad-a ang inyong pagsalig, nga adunay dakong ganti.

Mga Hebreo 3:6

apan si Cristo ingon nga Anak matinumanon sa pagdumala sa balay niya. Ug kita mao ang iyang balay kon huptan nato pag-ayo ang atong pagsalig sa garbo sa atong paglaom.

Mga Hebreo 6:19

Gibatonan nato kini ingon nga usa ka kasaligan ug lig-on nga angkla sa kalag, usa ka paglaom nga molatas ngadto sa kinasulorang bahin sa templo luyo sa tabil,

Mga Hebreo 9:28

mao usab si Cristo, human makahalad sa makausa aron sa pagkuha sa mga sala sa daghan motungha sa ikaduhang higayon, dili mahitungod sa sala, kondili sa pagluwas kanila nga mainitong nagpaabot kaniya.

1 Pedro 1:10

Ang mga propeta nga nagpropesiya mahitungod sa grasya nga alang kaninyo nangita ug nagpakisusi mahitungod niining maong kaluwasan.

1 Pedro 3:15

Apan sa sulod sa inyong mga kasingkasing gahina ninyo si Cristo ingon nga Ginoo, andam kamo kanunay sa pagtubag kang bisan kinsa nga mangutana sa hinungdan sa paglaom nga anaa kaninyo.

1 Pedro 4:7

Ang kataposan sa tanang butang nagkaduol na, busa batoni ninyo ang maayong panghunahuna ug maayong panimuot alang sa mga pag-ampo.

1 Pedro 5:12

Pinaagi kang Silvano, igsoon nga kasaligan sumala sa akong pag-isip kaniya, nagsulat ako kaninyo sa minubo. Ako nagdasig kaninyo ug nagpahayag nga kini mao ang matuod nga grasya sa Dios, kinahanglan nga maglig-on kamo sa pagbarog niini.

1 Pedro 5:8

Pagmaigmat, pagbantay kanunay. Ang inyong kaaway nga mao ang yawa naglibotlibot sama sa liyon nga nagngulob ug nangita ug iyang matukob.

1 Juan 3:3

Ug ang tanan nga nagbaton sa maong paglaom diha kaniya nagputli sa ilang kaugalingon ingon nga siya putli man.