1 Pedro 1:1

Ang Biblia 2011

Si Pedro, apostol ni Jesu-Cristo, Alang sa mga dumuduong tungod sa pagkatibulaag nga anaa diha sa Ponto, sa Galacia, sa Capadocia, sa Asia ug sa Bitinia,

Cross References

Ester 3:8

Unya si Haman miingon kang Hari Ahasuero, “Adunay usa ka katawhan nga nangakatag sa layong dapit ug nagkatibulaag sa taliwala sa mga katawhan sa tanang lalawigan sa imong gingharian. Ang ilang mga balaod lahi sa ubang katawhan ug wala nila tumana ang mga balaod sa hari, busa dili makaayo sa hari ang pagpasagad kanila.

Salmo 44:11

Gihimo nimo kami nga sama sa mga karnero nga ihawonon, ug gipatibulaag kami ngadto sa mga nasod.

Ezequiel 6:8

“Bisan pa niana, ako magbilin ug pipila kaninyo nga buhi. Ang uban kaninyo makaikyas gikan sa espada ngadto sa taliwala sa mga nasod, sa diha nga kamo patibulaagon sa tibuok kayutaan.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Mateo 10:2

Ang mga ngalan sa napulo ug duha ka apostoles mao kini: una, si Simon nga ginganlan ug Pedro ug si Andres nga iyang igsoon, si Santiago ug ang iyang igsoon nga si Juan nga mga anak ni Zebedeo,

Mateo 24:22

Ug kon ang gidaghanon niadtong mga adlawa wala pa paubsi, wala gayod untay tawong maluwas apan tungod sa iyang mga pinili, ang gidaghanon niadtong mga adlawa paubsan.

Mateo 4:18

Samtang naglakaw siya sa daplin sa Lanaw sa Galilea, nakita niya ang duha ka magsoon, si Simon nga ginganlan ug Pedro ug si Andres nga iyang igsoon nga namukot sa lanaw kay mga mananagat man sila.

Lucas 18:7

Ug dili ba hatagan sa Dios ug hustisya ang iyang mga pinili nga nagpakitabang kaniya sa adlaw ug gabii? Maglangaylangay ba siya pagtabang kanila?

Juan 11:52

ug dili alang sa nasod lamang, kondili sa pagtigom usab aron magkahiusa ang nagkatibulaag nga mga anak sa Dios.

Juan 7:35

Ug ang mga Judio nag-ingon sa usa ug usa, “Asa man kaha siya buot moadto nga dili man kuno kita makakaplag kaniya? Buot ba siyang moadto sa mga Judio nga nagkatibulaag taliwala sa mga Grego ug manudlo sa mga Grego?

Mga Buhat 18:2

Didto iyang gikakita ang usa ka Judio nga ginganlan ug Aquila, usa ka taga-Ponto, uban kang Priscila nga iyang asawa bag-o pa lamang naabot gikan sa Italia tungod kay si Claudio nagsugo nga kinahanglan ang tanang mga Judio mopahawa sa Roma. Ug siya miadto sa pagpakigkita kanila.

Mga Buhat 18:23

Human makapabilin didto ug igo nga panahon, siya migikan ug miadto sa tanang dapit sa tibuok kayutaan sa Galacia ug Frigia, naglig-on sa tanang mga tinun-an.

Mga Buhat 19:10

Kini nagpadayon sulod sa duha ka tuig nga tungod niana nakadungog sa pulong sa Ginoo ang tanang nagpuyo sa Asia, mga Judio ug mga Grego.

Mga Buhat 6:9

Ug ang ubang mga sakop sa sinagoga sa mga Gawasnon (sumala sa gitawag niini), mga taga-Cirene, ug mga taga-Alejandria, ug ang mga gikan sa Cilicia ug sa Asia, nanindog ug nakiglantugi kang Esteban.

Mga Buhat 8:4

Ug ang mga nagkabulagbulag miadto sa nagkalainlaing dapit nga nagwali sa pulong.

1 Mga Taga-Corinto 16:19

Ang mga iglesia sa Asia nangumosta kaninyo. Si Aquila ug si Prisca, uban sa iglesia diha sa ilang balay, sa kinasingkasing nangumosta kaninyo diha sa Ginoo.

2 Mga Taga-Corinto 1:8

Kay dili kami buot nga kamo dili masayod, mga igsoon, sa kasakit nga among nasinati didto sa Asia nga sa hilabihan gayod, dili maantos, nabug-atan kami nga sa ingon, nawad-an na sa paglaom nga mabuhi pa kami.

Mga Taga-Galacia 1:2

ug ang tanang mga igsoon nga ania uban kanako, Alang sa mga iglesia sa Galacia:

Mga Taga-Efeso 2:12

nga kamo wala kang Cristo, walay labot sa katawhan sa Israel, ug mga langyaw sa mga kasabotan nga gisaad, walay paglaom ug walay Dios dinhi sa kalibotan.

Mga Taga-Efeso 2:19

Busa, kamo karon dili na mga langyaw ug mga dumuduong, kondili mga katagilungsod na sa mga balaan ug mga sakop na sa panimalay sa Dios.

Deuteronomio 28:64

Ug ang Ginoo magpatibulaag kaninyo sa taliwala sa tanang katawhan, gikan sa usa ka tumoy sa yuta ngadto sa pikas ug didto mag-alagad kamo sa lain nga mga dios nga hinimo sa kahoy ug bato nga wala mailhi ninyo o sa inyong katigulangan.

Deuteronomio 32:26

Moingon unta ako, “Patibulaagon nako sila sa layo, pahunongon nako sa taliwala sa mga tawo ang handomanan nila,”

Deuteronomio 4:27

Ug ang Ginoo magpatibulaag kaninyo taliwala sa mga katawhan, ug bilinan kamo ug diyotay nga gidaghanon taliwala sa mga nasod diin dad-on kamo sa Ginoo.

2 Timoteo 1:15

Ikaw nasayod nga ang tanan nga anaa sa Asia mitalikod kanako, ug ang uban kanila mao sila si Figelo ug si Hermogenes.

Mga Hebreo 11:13

Diha sa pagtuo kini silang tanan nangamatay nga wala makadawat sa mga gisaad kanila, apan gikan sa layo sila makakita niini ug nahinangop ug miila nga sila mga dumuduong ug mga langyaw lamang dinhi sa yuta.

Santiago 1:1

Si Santiago, ulipon sa Dios ug sa Ginoong Jesu-Cristo; Alang sa napulo ug duha ka banay nga nagkatibulaag: Kumosta.

1 Pedro 2:11

Mga hinigugma, mangamuyo ako kaninyo ingon nga mga dumuduong ug mga langyaw, sa paglikay sa lawasnong mga pangibog nga nakig-away batok sa kalag.

2 Pedro 1:1

Si Simon Pedro, ulipon ug apostol ni Jesu-Cristo, Alang sa mga nakadawat sa pagtuo nga sama ka bililhon sa among pagtuo diha sa pagkamatarong sa atong Dios ug Manluluwas nga si Jesu-Cristo:

Gipadayag 1:11

nga nag-ingon, “Isulat diha sa basahon ang imong makita ug ipadala kini ngadto sa pito ka iglesia, sa Efeso, sa Esmirna, sa Pergamo, sa Tiatira, sa Sardis, sa Filadelfia ug sa Laodicea.”