1 Juan 5:20

Ang Biblia 2011

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

Cross References

Isaias 44:6

Mao kini ang giingon sa Ginoo, ang Hari sa Israel, ug ang iyang Manunubos, ang Ginoo sa mga panon; “Ako mao ang sinugdan, ug ako mao ang kataposan, ug gawas kanako wala nay Dios.

Isaias 54:5

Kay ang imong Magbubuhat mao ang imong bana, si Yahweh sa mga panon mao ang iyang ngalan; ug ang Balaan sa Israel mao ang imong Manunubos, siya gitawag nga Dios sa tibuok nga yuta.

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Jeremias 10:10

Apan ang Ginoo mao ang matuod nga Dios. siya mao ang buhi nga Dios ug ang dayon nga Hari. Sa iyang kasuko, ang yuta mokurog, ug ang kanasoran dili makalahutay sa iyang kapungot.

Jeremias 23:6

Sa iyang mga adlaw ang Juda maluwas, ug ang Israel magpuyo nga layo sa kakuyaw. Ug mao kini ang ngalan nga itawag kaniya: ‘Ang Ginoo mao ang among pagkamatarong.’

Mateo 13:11

Mitubag siya nga nag-ingon, “Tungod kay kaninyo gitugot ang pagkahibalo sa mga tinago sa gingharian sa langit apan kanila wala kini itugot.

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Lucas 24:45

Ug iyang giablihan ang ilang mga hunahuna aron sa pagsabot sa kasulatan,

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 10:30

Ako ug ang Amahan usa ra.”

Juan 14:20

Niana unyang adlawa inyong mahibaloan nga ako anaa sa akong Amahan ug kamo ania kanako ug ako anaa kaninyo.

Juan 14:23

Si Jesus mitubag ug miingon kaniya, “Kon ang usa ka tawo nahigugma kanako, siya magtuman sa akong pulong, ug ang akong Amahan mahigugma kaniya ug moanha kami kaniya ug kami mopuyo uban kaniya.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Juan 14:9

Si Jesus mitubag kaniya, “Kadugay na nakong nakig-uban kaninyo ug wala ikaw makaila kanako, Felipe? Ang nakakita kanako nakakita sa Amahan. Nganong nag-ingon man ikaw, ‘Ipakita kanamo ang Amahan?’

Juan 15:4

Pabilin kamo kanako, ug ako diha kaninyo. Sama nga ang sanga dili makapamunga sa iya rang kaugalingon gawas kon magpabilin kini sa punoan; mao usab kamo, dili makapamunga gawas kon magpabilin kamo kanako.

Juan 17:14

Ako mihatag kanila sa imong pulong apan ang kalibotan nagdumot kanila kay dili man sila iya sa kalibotan, ingon nga ako dili iya sa kalibotan.

Juan 17:25

O Amahan nga matarong, ang kalibotan wala makaila kanimo apan ako nakaila kanimo ug kini sila nahibalo nga ikaw mao ang nagpadala kanako.

Juan 17:3

Ug mao kini ang kinabuhing dayon, nga sila nakaila kanimo nga mao lamang ang tinuod nga Dios ug kang Jesu-Cristo nga imong gipadala.

Juan 20:28

Ug si Tomas miingon kaniya, “Akong Ginoo ug akong Dios!”

Juan 8:42

Si Jesus mitubag kanila, “Kon ang Dios mao pa ang inyong Amahan, nahigugma unta kamo kanako kay ako gikan man sa Dios busa ania ako. Wala ako moanhi sa akong kaugalingong kabubut-on, kondili gipadala ako niya.

Mga Buhat 20:28

Bantayi ninyo ang inyong kaugalingon ug ang tibuok pundok, nga niini ang Espiritu Santo naghimo kaninyong mga tinugyanan, sa pag-atiman sa iglesia sa Dios nga iyang nabatonan pinaagi sa dugo sa iyang kaugalingong Anak.

Roma 9:5

ila ang mga patriarka ug gikan kanila ang Cristo sumala sa unod. Ang Dios nga labaw sa tanan dalaygon hangtod sa kahangtoran. Amen.

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

2 Mga Taga-Corinto 5:17

Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.

Mga Taga-Efeso 3:18

makabaton unta ug gahom sa pagsabot uban sa tanang mga balaan, kon unsa ang gilapdon ug ang gitas-on ug ang gihabogon ug ang giladmon,

Mga Taga-Filipos 3:9

ug makaplagan diha kaniya, dili nga nagbaton ako sa pagkamatarong pinasikad sa Balaod, kondili ang pagkamatarong nga pinaagi sa pagtuo kang Cristo, ang pagkamatarong nga gikan sa Dios nga nagsukad sa pagtuo.

1 Timoteo 3:16

Ug dili malalis nga dako gayod ang misteryo sa pagkadiosnon: Siya nadayag diha sa lawas, namatud-an nga matarong diha sa Espiritu, nakita sa mga anghel, gisangyaw taliwala sa kanasoran, gituohan dinhi sa kalibotan, gibayaw ngadto sa himaya.

Tito 2:13

samtang magpaabot kita sa atong bulahan nga paglaom ug pagpadayag sa himaya ni Jesu-Cristo nga atong dakong Dios ug Manluluwas.

Mga Hebreo 1:8

Apan mahitungod sa Anak siya miingon, “Ang imong trono, O Dios, hangtod sa kahangtoran, ang matarong nga sitro mao ang sitro sa imong gingharian.

1 Juan 2:23

Ang tanan nga nagsalikway sa Anak wala makabaton sa Amahan. Apan ang miangkon sa Anak, nakabaton usab sa Amahan.

1 Juan 2:24

Kinahanglan nga magpabilin diha kaninyo ang inyong nadunggan sukad sa sinugdan. Kon ang inyong nadunggan sukad sa sinugdan magpabilin diha kaninyo, magpabilin kamo diha sa Anak ug sa Amahan.

1 Juan 2:6

Siya nga nag-ingon nga siya anaa kaniya kinahanglan nga magkinabuhi sama sa iyang pagkinabuhi.

1 Juan 4:14

Ug kita nakakita ug nagpamatuod nga ang Amahan nagpadala sa iyang Anak, ingon nga Manluluwas sa kalibotan.

1 Juan 4:16

Kita nahibalo ug nagtuo sa gugma nga gibatonan sa Dios alang kanato. Ang Dios gugma ug ang nagpabilin sa gugma nagpabilin sa Dios ug ang Dios nagpabilin diha kaniya.

1 Juan 4:2

Inyong mahibaloan ang Espiritu sa Dios pinaagi niini: ang matag espiritu nga mag-ila nga si Jesu-Cristo mianhi diha sa unod, iya sa Dios

1 Juan 5:1

Ang tanan nga nagtuo nga si Jesus mao ang Cristo gipakatawo gikan sa Dios ug ang tanan nga nahigugma sa nagpakatawo nahigugma usab sa gipakatawo.

1 Juan 5:15

Ug kon nasayod man kita nga siya mamati gayod kanato bisan unsay atong pangayoon, kita nasayod nga ato nang nabatonan ang gipangayo kaniya.

1 Juan 5:18

Kita nahibalo nga ang gipakatawo gikan sa Dios dili magpakasala, apan ang gipakatawo gikan sa Dios nagbantay kaniya, ug ang daotan dili makahilabot kaniya.

1 Juan 5:5

Kinsa ba ang magbuntog sa kalibotan kondili siya lamang nga nagtuo nga si Jesus mao ang Anak sa Dios?

Gipadayag 15:3

Ug sila nag-awit sa awit ni Moises nga sulugoon sa Dios ug sa awit sa Nating Karnero, nga nag-ingon, “Dako ug kahibulongan ang imong mga buhat, O Ginoong Dios nga Makagagahom sa Tanan! Matarong ug matuod ang imong mga pamaagi, O Hari sa kanasoran!

Gipadayag 19:11

Unya nakita nako nga nabukas ang langit, ug dihay usa ka puti nga kabayo! Ang nagkabayo niini ginganlan ug Kasaligan ug Matuod ug pinaagi sa pagkamatarong siya naghukom ug nakiggubat.

Gipadayag 3:14

“Ug ngadto sa anghel sa iglesia sa Laodicea, isulat kini: ‘Mao kini ang mga pulong sa Amen, ang kasaligan ug tinuod nga saksi, ang sinugdanan sa mga binuhat sa Dios:

Gipadayag 3:7

“Ug ngadto sa anghel sa iglesia sa Filadelfia, isulat kini: ‘Mao kini ang mga pulong niadtong Balaan ug Matuod nga mao ang nagkupot sa yawi ni David, ang magbukas nga walay makatak-op, ang magtak-op nga walay makabukas.

Gipadayag 6:10

Ug sila nagsinggit sa kusog nga tingog nga nag-ingon, “O Ginoo, balaan ug matuod, hangtod kanus-a ba nga ikaw dili magsilot ug manimalos sa mga nagpuyo sa yuta tungod sa among dugo?”