1 Juan 5:10

Ang Biblia 2011

Ang nagtuo sa Anak sa Dios nagbaton sa pamatuod diha sa iyang kaugalingon. Ang wala magtuo sa Dios, naghimo kaniya nga bakakon, kay wala man niya tuohi ang pamatuod nga gihimo sa Dios mahitungod sa iyang Anak.

Cross References

Job 24:25

Kon kini dili tinuod, kinsa ang mopamatuod nga ako bakakon, ug mopadayag nga ang akong pakigpulong walay bili?”

Salmo 25:14

Ang pagpakighigala sa Ginoo ila niadtong may kahadlok kaniya, ug siya magpadayag kanila sa iyang kasabotan.

Mga Panultihon 3:32

kay ang tawo nga sukwahi usa ka dulumtanan sa Ginoo, apan ang matarong anaa sa iyang pagsalig.

Isaias 53:1

Kinsa bay mituo sa among nabatian? Ug kang kinsa man gipadayag ang bukton sa Ginoo?

Jeremias 15:18

Ngano ba nga ang akong kasakit walay paghunong, ang akong samad walay kaayohan, nagdumili sa pagkaayo? Mahimo ba ikaw alang kanako nga sama sa usa ka malimbongon nga sapa, sama sa katubigan nga mohubas?

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Juan 3:16

Kay gihigugma sa Dios ang kalibotan sa ingon nga tungod niana gihatag niya ang iyang bugtong Anak aron nga ang tanang motuo kaniya dili malaglag kondili makabaton sa kinabuhing dayon.

Juan 3:18

Ang nagtuo kaniya dili na hinukman sa silot apan ang wala magtuo hinukman na sa silot, kay wala man siya motuo sa ngalan sa bugtong Anak sa Dios.

Juan 3:33

Ang nagdawat sa iyang pagpamatuod nagbutang sa iyang timaan niini nga ang Dios matinud-anon.

Juan 5:38

Ug ang iyang pulong wala magpabilin diha kaninyo kay kamo wala man motuo kaniya nga iyang gipadala.

Roma 8:16

Ang Espiritu gayod, uban sa atong espiritu, nagpamatuod nga kita mga anak sa Dios.

Mga Taga-Galacia 4:1

Apan ako nagsulti nga ang manununod, samtang bata pa siya, walay kalainan ug kahimtang sa ulipon, bisan tuod ug siya mao ang tag-iya sa tanang kabtangan.

Mga Taga-Galacia 4:6

Ug tungod kay kamo mga anak man, ang Dios mipadala sa Espiritu sa iyang Anak nganhi sa atong mga kasingkasing nga nagtuaw, “Abba! Amahan!”

Mga Taga-Colosas 3:3

Kay kamo nangamatay ug ang inyong kinabuhi natago uban kang Cristo diha sa Dios.

Mga Hebreo 3:12

Pagmatngon, mga igsoon, basin unya nga diha kaninyo adunay daotan ug dili matinuohong kasingkasing nga mibiya gikan sa buhi nga Dios.

2 Pedro 1:19

Ug napamatud-an pa gayod ang pulong sa propesiya nga among gibatonan. Maayo nga inyong himoon ang pagtagad niini sama sa usa ka suga nga nagsiga sa ngitngit nga dapit, hangtod magsingabot na ang adlaw ug mosubang ang bituon nga kabugason diha sa inyong mga kasingkasing.

1 Juan 1:10

Kon kita mag-ingon nga wala kita makasala, siya atong gihimong bakakon ug wala kanato ang iyang pulong.

1 Juan 5:1

Ang tanan nga nagtuo nga si Jesus mao ang Cristo gipakatawo gikan sa Dios ug ang tanan nga nahigugma sa nagpakatawo nahigugma usab sa gipakatawo.

Gipadayag 12:17

Unya ang dragon nasuko batok sa babaye, ug miadto siya sa pagpakiggubat batok sa tanan nga uban pang mga kaliwat sa babaye, sa mga nagtuman sa kasugoan sa Dios ug nagdala ug pagpamatuod mahitungod kang Jesus.

Gipadayag 2:17

Ang adunay igdulungog kinahanglang magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug mana nga tinagoan, ug hatagan nako siya ug usa ka bato nga puti nga gisulatan ug usa ka bag-ong ngalan nga dili masabot ni bisan kinsa gawas niadtong nagdawat niini.’

Gipadayag 2:28

ingon nga kini akong nadawat gikan sa akong Amahan, ug ihatag nako kaniya ang bituon nga kabugason.