1 Juan 4:9

Ang Biblia 2011

Ang gugma sa Dios gipadayag dinhi kanato pinaagi niini, nga gipadala sa Dios ang iyang bugtong Anak nganhi sa kalibotan aron kita mabuhi pinaagi kaniya.

Cross References

Genesis 22:2

Ug siya miingon, “Kuhaa karon ang imong anak, ang bugtong nimong anak nga si Isaac nga imong pinalangga, ug lakaw ngadto sa yuta sa Moria ug didto ihalad siya ingon nga halad nga sunogon didto sa usa sa mga bukid nga akong isulti kanimo.”

Salmo 2:7

Imantala nako ang sugo sa Ginoo: Siya nag-ingon kanako, “Ikaw mao ang akong anak, niining adlawa gihimo ko ikaw nga anak.

Marcos 12:6

Aduna pay usa nga nahibilin, ang iyang pinalanggang anak. Ug sa kataposan kini iyang gipaadto kanila kay siya nag-ingon man, ‘Motahod gayod sila sa akong anak.’

Lucas 4:18

“Ang Espiritu sa Ginoo ania kanako, iya akong gidihogan aron sa pagwali sa Maayong Balita ngadto sa mga kabos. Gipadala niya ako aron sa pagpahibalo sa kagawasan alang sa mga binilanggo ug sa pagpahiuli sa panan-aw sa mga buta, sa paghatag ug kagawasan ngadto sa mga dinaogdaog,

Juan 10:10

Ang kawatan moanhi aron lamang sa pagpangawat ug sa pagpatay ug sa paglaglag. Ako mianhi aron sila makabaton ug kinabuhi ug magbaton niini sa madagayaon gayod.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Juan 3:16

Kay gihigugma sa Dios ang kalibotan sa ingon nga tungod niana gihatag niya ang iyang bugtong Anak aron nga ang tanang motuo kaniya dili malaglag kondili makabaton sa kinabuhing dayon.

Juan 3:18

Ang nagtuo kaniya dili na hinukman sa silot apan ang wala magtuo hinukman na sa silot, kay wala man siya motuo sa ngalan sa bugtong Anak sa Dios.

Juan 5:23

aron ang tanang tawo magpasidungog sa Anak sama sa ilang pagpasidungog sa Amahan. Ang wala magpasidungog sa Anak wala magpasidungog sa Amahan nga mao ang nagpadala kaniya.

Juan 6:29

Si Jesus mitubag kanila, “Ang gipabuhat sa Dios mao kini, nga motuo kamo kaniya nga iyang gipadala.”

Juan 6:51

Ako mao ang buhing pan nga nanaog gikan sa langit. Si bisan kinsa nga mokaon niining maong pan, mabuhi sa dayon ug ang pan nga akong ihatag alang sa kinabuhi sa kalibotan mao ang akong unod.”

Juan 6:57

Ingon nga ang buhing Amahan nagpadala kanako ug ako buhi tungod sa Amahan, ang mokaon kanako mabuhi usab tungod kanako.

Juan 8:29

Ug siya nga nagpadala kanako uban kanako. Wala niya ako pasagdi nga mag-inusara kay sa kanunay gibuhat man nako ang makapahimuot kaniya.”

Juan 8:42

Si Jesus mitubag kanila, “Kon ang Dios mao pa ang inyong Amahan, nahigugma unta kamo kanako kay ako gikan man sa Dios busa ania ako. Wala ako moanhi sa akong kaugalingong kabubut-on, kondili gipadala ako niya.

Juan 9:3

Si Jesus mitubag, “Dili kay nakasala siya, o ang iyang mga ginikanan, kondili aron nga ang mga buhat sa Dios ikapadayag diha kaniya.

Roma 8:32

Siya nga wala mohikaw sa iyang kaugalingong Anak kondili mitugyan hinuon kaniya alang kanatong tanan, dili ba ihatag usab niya kanato ang tanang mga butang uban kaniya?

Mga Hebreo 1:5

Kay kinsa ba nga anghel ang giingnan sa Dios, “Ikaw akong Anak, karong adlawa ako mahimong imong Amahan”? Ug usab, “Kaniya ako mahimong amahan, ug kanako siya mahimong anak”?

1 Juan 3:16

Pinaagi niini kita nahibalo sa gugma, nga siya mitahan sa iyang kinabuhi alang kanato ug kinahanglan nga kita usab magtahan sa atong kinabuhi alang sa mga igsoon.

1 Juan 4:10

Niini ania ang gugma, dili nga kita nahigugma sa Dios kondili nga siya nahigugma kanato ug nagpadala sa iyang Anak nga halad sa pasig-uli alang sa atong mga sala.

1 Juan 4:16

Kita nahibalo ug nagtuo sa gugma nga gibatonan sa Dios alang kanato. Ang Dios gugma ug ang nagpabilin sa gugma nagpabilin sa Dios ug ang Dios nagpabilin diha kaniya.

1 Juan 5:11

Ug ang pagpamatuod mao kini, nga ang Dios naghatag kanato sa kinabuhing dayon, ug kining kinabuhia anaa sa iyang Anak.

1 Juan 5:13

Kining mga butanga gisulat nako kaninyo nga nagtuo sa ngalan sa Anak sa Dios, aron kamo masayod nga kamo nakabaton na sa kinabuhing dayon.