1 Juan 4:18

Ang Biblia 2011

Ang kahadlok wala diha sa gugma, apan ang hingpit nga gugma naghingilin sa kahadlok. Kay ang kahadlok adunay silot ug siya nga nahadlok wala pa mahingpit diha sa gugma.

Cross References

Job 15:21

Makahadlok nga mga tingog anaa sa iyang dalunggan; diha sa kauswagan modangat kaniya ang tiglaglag.

Salmo 119:120

Ang akong unod mikurog tungod sa kahadlok kanimo, ug ako nahadlok sa imong mga paghukom.

Salmo 73:19

Naunsa ba nga sila nangalaglag man sa kalit, nangaanod sa hilabihang mga kalisang!

Mateo 9:34

Apan ang mga Pariseo miingon, “Siya nagpagula sa mga demonyo pinaagi sa pangulo sa mga demonyo.”

Roma 8:15

Kay wala kamo makadawat sa espiritu sa pagkaulipon aron mahadlok na usab kamo, hinuon maoy nadawat ninyo ang espiritu sa pagkaanak. Ug pinaagi kaniya magtuaw kita, “Abba! Amahan!”

2 Timoteo 1:7

kay ang Dios wala maghatag kanato ug espiritu sa katalaw kondili sa gahom ug sa gugma ug sa pagpugong sa kaugaligon.

Mga Hebreo 12:28

Busa magpasalamat kita tungod sa atong pagkadawat sa gingharian nga dili matarog ug tungod niana ihalad nato ngadto sa Dios ang makapahimuot nga pagsimba, nga inubanan sa pagtahod ug kahadlok,

Santiago 2:19

Ikaw nagtuo nga ang Dios usa ra; husto ka. Bisan ang mga demonyo nagtuo ug nagkurog.

1 Juan 4:12

Wala pa gayoy tawo nga nakakita sa Dios; kon kita maghigugmaay sa usa ug usa, ang Dios magpabilin kanato ug ang iyang gugma nahingpit dinhi kanato.