1 Juan 4:1

Ang Biblia 2011

Mga hinigugma, ayaw ninyo tuohi ang tanang espiritu, apan sulayi ninyo ang mga espiritu kon sila iya ba sa Dios kay daghan ang mga mini nga propeta nga nanungha sa kalibotan.

Cross References

1 Mga Hari 13:18

Ug siya miingon kaniya, “Ako usab usa ka propeta sama kanimo, ug usa ka anghel nagsulti kanako pinaagi sa pulong sa Ginoo, nga nag-ingon, ‘Dad-a siya pagbalik uban kanimo ngadto sa imong balay, aron siya makakaon ug pan ug makainom ug tubig.’ ” Apan namakak siya kaniya.

Mga Panultihon 14:15

Ang yano motuo sa tanang butang, apan ang maalamon magtan-aw sa iyang padulngan.

Jeremias 14:14

Unya ang Ginoo miingon kanako, “Ang mga propeta nagpropesiya ug mga bakak sa akong ngalan. Wala ako magpadala kanila, o magsugo kanila, o magsulti kanila. Nagpropesiya sila kaninyo ug mga bakak nga panan-awon, walay pulos nga pagpanagna ug limbong sa ilang kaugalingong mga hunahuna.

Jeremias 23:16

Mao kini ang giingon sa Ginoo sa mga panon: “Ayaw kamo pamati sa mga pulong sa mga propeta nga nagpropesiya kaninyo, nga nagpuno kaninyo sa mga kawang nga paglaom. Sila nagsulti ug mga panan-awon sa kaugalingon nilang mga hunahuna, ug dili gikan sa baba sa Ginoo.

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Marcos 13:21

Ug unya kon adunay moingon kaninyo, ‘Tan-awa, ania ang Cristo!’ o ‘Tan-awa, atua ra siya!’ ayaw gayod kamo pagtuo niini.

Lucas 12:57

“Ug nganong dili man kamo maghukom sa inyong kaugalingon kon unsa ang matarong?

Lucas 21:8

Ug siya mitubag, “Pagbantay kamo nga dili kamo masaag kay daghan unya ang motungha dinala ang akong ngalan nga moingon, ‘Ako mao!’ ug ‘Ang panahon nagkaduol na!’ Ayaw kamo pagsunod kanila.

Mga Buhat 17:11

Unya kini nga mga Judio ligdong pa kay sa mga Judio didto sa Tesalonica kay sila midawat sa pulong uban sa bug-os nga kaikag, matag adlaw nagsusi sa kasulatan kon tinuod ba kining mga butanga.

Mga Buhat 20:29

Ako nahibalo nga sa akong pagbiya ang mga bangis nga mga lubo mosulod nganha kaninyo nga walay sayloan sa panon

1 Mga Taga-Corinto 12:10

ngadto sa usa gihatag ang gahom sa paghimo ug mga milagro, ug ngadto sa usa ang pagpropesiya, ug ngadto sa usa ang katakos sa pag-ila sa nagkalainlaing mga espiritu, ug ngadto sa usa ang nagkalainlaing pinulongan ug ngadto sa usa ang paghubad sa mga pinulongan.

1 Mga Taga-Corinto 14:29

Apan pasultiha ang duha o tulo ka propeta, ug ipatimbangtimbang sa uban ang gisulti.

1 Mga Taga-Tesalonica 5:20

ayaw ninyo tamaya ang mga pagpropesiya,

1 Mga Taga-Tesalonica 5:21

sutaa ninyo ang tanang butang, hupti ninyo ang maayo,

2 Mga Taga-Tesalonica 2:2

nga dili unta kamo makuyawan dayon sa hunahuna o makulbaan, bisan pinaagi sa espiritu o sa pulong, o pinaagi sa sulat sa pahayag nga daw kami mao ang nag-ingon, nga ang adlaw sa Ginoo miabot na.

1 Timoteo 4:1

Ang Espiritu tin-awng nagpahayag nga sa ulahing mga panahon adunay mamiya gikan sa pagtuo, nga magtagad sa mga malimbongon nga espiritu ug sa mga pagtulun-an sa mga demonyo,

2 Timoteo 3:13

Apan ang mga tawong daotan ug ang mga tigpakaaron-ingnon mosamot pa sa pagkadaotan, manglimbong ug malimbongan.

2 Pedro 2:1

Apan may mga mini nga propeta usab diha sa katawhan, sama nga aduna unyay mga mini nga magtutudlo diha kaninyo nga sa tago magpasulod sa mga makadaot nga lahing pagtulun-an ug maglimod pa gani sa Agalon nga maoy nagpalit kanila, ug magdalag kalit nga kalaglagan diha sa ilang kaugalingon.

1 Juan 2:18

Mga anak, kini karon mao na ang kataposang takna ug sumala sa inyo nang nadungog nga moabot ang kaaway ni Cristo, bisan karon daghan man ang mga kaaway ni Cristo nga nanungha, busa kita nahibalo nga karon mao na ang kataposang takna.

1 Juan 2:7

Mga hinigugma, dili bag-ong sugo kining akong gisulat kaninyo kondili daan kining sugoa nga diha na kaninyo sukad pa sa sinugdan, ang daang sugo mao ang pulong nga inyo nang nadungog.

2 Juan 1:7

Kay daghang mga malimbongon ang nanungha sa kalibotan, mga tawo nga wala mag-ila nga si Jesu-Cristo mianhi pinaagi sa unod. Mao kini ang malimbongon ug ang kaaway ni Cristo.

3 Juan 1:11

Hinigugma, ayaw pagsunod sa daotan kondili sa maayo. Siya nga nagbuhat ug maayo iya sa Dios apan siya nga nagbuhat ug daotan, wala gayod makakita sa Dios.

Gipadayag 2:2

“ ‘Nasayod ako sa imong mga buhat, sa imong paghago ug sa imong paglahutay, ug nga ikaw dili makapailob sa daotan nga mga tawo ug giusisa nimo ang mga nag-ingon nga sila mga apostoles apan dili diay, ug nasuta nimo nga sila bakakon.