1 Juan 3:7

Ang Biblia 2011

Mga anak, kinahanglan nga walay magpahisalaag kaninyo. Ang nagbuhat ug pagkamatarong matarong ingon nga siya matarong.

Cross References

Salmo 106:3

Bulahan sila nga nagtuman sa hustisya, siya nga nagbuhat sa pagkamatarong sa tanang panahon.

Salmo 45:7

gihigugma nimo ang pagkamatarong ug gidumtan ang pagkadaotan. Tungod niana ang Dios, ang imong Dios, nagdihog kanimo sa lana sa kalipay labaw sa imong mga kauban;

Mateo 5:20

Kay sultihan ko kamo, kon ang inyong pagkamatarong dili molabaw sa ila sa mga eskriba ug sa mga Pariseo, dili gayod kamo makasulod sa gingharian sa langit.

Lucas 1:75

diha sa kabalaan ug katarong diha sa iyang atubangan sa tanang mga adlaw sa atong kinabuhi.

Mga Buhat 10:35

Apan diha sa matag nasod, si bisan kinsa nga mahadlok kaniya ug magbuhat sa matarong dawaton niya.

Roma 2:13

Kay dili ang mga namati sa Balaod maoy matarong atubangan sa Dios, kondili ang mga nagtuman sa Balaod mao ang himoong matarong.

1 Mga Taga-Corinto 6:9

Wala ba kamo masayod nga ang mga tawong dili matarong dili makapanunod sa gingharian sa Dios? Ayaw kamo pagpalimbong; walay mga makihilawason o mga tigsimba ug mga diosdios o mga mananapaw o mga makig-unay ug isigkalalaki

Mga Taga-Efeso 5:6

Ayaw kamo pailad ni bisan kinsa pinaagi sa mga sulti nga walay kapuslanan, kay tungod niining mga butanga ang kapungot sa Dios moabot diha sa mga tawong masupilon.

Mga Taga-Efeso 5:9

kay ang bunga sa kahayag makita diha sa tanang maayo ug matarong ug matuod,

Mga Taga-Filipos 1:11

puno sa mga bunga sa pagkamatarong pinaagi kang Jesu-Cristo, alang sa himaya ug pagdayeg sa Dios.

Mga Hebreo 1:8

Apan mahitungod sa Anak siya miingon, “Ang imong trono, O Dios, hangtod sa kahangtoran, ang matarong nga sitro mao ang sitro sa imong gingharian.

Mga Hebreo 7:2

ug gibahinan siya ni Abraham ug ikapulo sa tanan. Sumala sa hubad sa iyang ngalan, siya hari sa pagkamatarong, ug unya hari usab siya sa Salem, nga sa ato pa, hari sa kalinaw.

Santiago 1:22

Apan kinahanglan nga magbuhat kamo sa pulong ug dili kay tigpaminaw lamang nga sa ingon gilimbongan ninyo ang inyong kaugalingon.

Santiago 2:19

Ikaw nagtuo nga ang Dios usa ra; husto ka. Bisan ang mga demonyo nagtuo ug nagkurog.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.

1 Juan 2:1

Akong mga anak, nagsulat ako kaninyo niining mga butanga aron kamo dili magpakasala. Apan kon may makasala man gayod, kita adunay Manlalaban nga mangatubang sa Amahan, si Jesu-Cristo, ang matarong.

1 Juan 2:26

Gisulat ko kini kaninyo mahitungod kanila nga nagpahisalaag kaninyo,

1 Juan 2:29

Kon kamo nahibalo nga siya matarong, masayran usab ninyo nga ang tanang nagbuhat ug matarong gipanganak gikan kaniya.

1 Juan 3:18

Mga anak, kinahanglan nga maghigugma kita dili lamang pinaagi sa pulong o sa sulti, kondili pinaagi sa buhat ug sa kamatuoran.

1 Juan 3:3

Ug ang tanan nga nagbaton sa maong paglaom diha kaniya nagputli sa ilang kaugalingon ingon nga siya putli man.

1 Juan 4:17

Pinaagi niini nahingpit ang gugma dinhi kanato, aron kita may pagsalig unya sa adlaw sa paghukom, kay ingon nga siya mao, mao usab kita dinhi sa kalibotan.