1 Juan 3:4

Ang Biblia 2011

Ang tanan nga nagbuhat ug sala naghimo usab ug paglapas sa balaod kay ang sala maoy paglapas sa balaod.

Cross References

1 Mga Hari 8:47

apan kon sila makaamgo didto sa yuta diin sila dad-a nga binihag ug maghinulsol ug magpakiluoy kanimo didto sa yuta sa nagbihag kanila ug moingon, ‘Kami nakasala ug nagmasinupakon ug naghimo ug daotan,’

1 Cronicas 10:13

Busa si Saul namatay tungod sa iyang pagpakasala. Wala siya magmatinumanon sa Ginoo nga niana wala siya magtuman sa sugo sa Ginoo ug nagpakisayod usab sa usa ka tigkonsulta sa mga espiritu, nagpatambag,

2 Cronicas 24:20

Unya ang Espiritu sa Dios mikunsad kang Zacarias nga anak ni Jehoiada nga pari ug siya mitindog ibabaw sa katawhan ug miingon kanila, “Kini mao ang giingon sa Dios, ‘Nganong naglapas man kamo sa mga sugo sa Ginoo, aron dili na hinuon kamo magmauswagon? Tungod kay inyong gibiyaan ang Ginoo, siya mibiya kaninyo.’ ”

Isaias 53:8

Pinaagi sa pagdaogdaog ug sa paghukom siya gikuha; ug sa iyang kaliwatan, kinsa ang nag-isip nga siya gipahimulag gikan sa yuta sa mga buhi, gihampak tungod sa kalapasan sa akong katawhan?

Daniel 9:11

Ang tibuok Israel nakalapas sa imong balaod ug mitipas, nagdumili sa pagtuman sa imong tingog. Ug ang tunglo ug panumpa nga gisulat diha sa Balaod ni Moises nga alagad sa Dios gibubo nganhi kanamo tungod kay nakasala man kami batok kaniya.

Numeros 15:31

Tungod kay iyang gitamay ang pulong sa Ginoo ug gilapas ang iyang sugo, ang maong tawo ipahimulag gayod, ang iyang kadaotan anha sa ibabaw niya.”

Mateo 5:19

Tungod niini, si bisan kinsa nga maglapas bisan sa labing gamay niining mga sugo ug magtudlo sa mga tawo sa pagbuhat sa ingon, kini siya isipon nga iwit didto sa gingharian sa langit apan si bisan kinsa nga magbuhat ug magtudlo niini, siya isipon nga dako didto sa gingharian sa langit.

Mga Buhat 23:3

Unya si Pablo miingon kaniya, “Ang Dios maghampak kanimo, ikaw nga gipaputi nga bungbong! Naglingkod ba ikaw sa paghukom kanako sumala sa balaod, ug unya imo akong ipahampak supak sa balaod?”

Roma 3:20

Kay sa atubangan sa Dios walay tawo nga mamatud-ang matarong pinaagi sa pagtuman sa Balaod, kay pinaagi sa Balaod miabot ang pagkahibalo mahitungod sa sala.

Roma 4:15

Apan ang Balaod mobunga ug kapungot, apan kon walay Balaod, wala usay kalapasan.

2 Mga Taga-Corinto 12:21

Nahadlok ako nga inig-anha nako diha pag-usab, tingalig maulawan ako sa akong Dios diha sa inyong atubangan, ug nga masubo ako sa daghan kanila nga nagpakasala kaniadto apan wala maghinulsol sa kahugaw, sa salawayong pakighilawas ug sa pagpatuyang nga ilang gihimo.

Santiago 5:15

Ang pag-ampo sa pagtuo mag-ayo sa masakiton, ug siya pabangonon sa Ginoo, ug kon siya nakasala man, pasayloon siya.

1 Juan 5:17

Ang tanang pagkadili matarong sala, apan adunay sala nga dili makamatay.

1 Samuel 15:24

Unya si Saul miingon kang Samuel, “Ako nakasala kay ako nakalapas sa sugo sa Ginoo ug sa iyang mga pulong, tungod kay ako nahadlok sa katawhan ug nagtuman sa ilang tingog.